موقفي مع قريبتي هل غلطت؟

السلام عليكم
صار موقف وباخذ رايكم هل انا غلطانه
عندي قريبه عمرها 30 سنه
تستهزى وتتمسخر ببنت قريبتنا
بنت قريبتنا ياقلبي عليها من فيها صعوبة تعلم وشوي عقلها ضعيف يعني عقلها على قدها
بس تفهم هي عمرها 8 سنوات بس تفكيرها وحركاتها كانها طفله
المهم البنت الصغيره ياعمري شكلها ابد ابد مو مقبول واكلها حوسه وحنا عمرنا ماحسسناها بالشي هذا
لآكن تعرفون حركات الاطفال دايم يقولون انتي شينه انتي سوداء لها انتي ليش تمشين كذا لانه عندها بطى نمو
انتي لاتجلسين جنبنا والله اخانق الاطفال نقولهم لاعمركم تقولون لها حرام هاذي خلقة ربي
لاكن تجي وحده عمرها 30 سنه وعاقله وجامعيه
وتتمهزى بشكلها وتقلد حركاتها وتضحك بقوه وتقول لاهلها علمو امها لاعمرها تجيبها مو ناقصين قرف!
شكلها يقرف والله تقول لامها كذا
انا عصبت وقلت احمدي ربك خلقة ربك هاذي لايبلاك الله بولد بعدين كذا
لما قلت يبلاك الله بولد انقلبت البنت وحش هايج شوي وتاكلني انتي وش تقصدين من قالك ابي اتزوج
على بالك كل الناس مثلك وكلام كثير لما جبت لها طاري الولد لان هي احسها متحسسه من الزواج عشان عمرها
وانا وربي لما قلت ربي يبلاك بولد كذا على نياتي اختي ام 12 سنه اذا تمسخرت ولا قلت حركات احد
اقولها خلي ربي يبلاك بعيالك بعدين وتسكت لاكن هاذي انجنت لما قلت يبلاك الله بولد كذا وصارت تعاند
تقول انا ماراح اتزوج وبتمسخر عليها طول الوقت وقدامك بعد
هل انا غلطت لما نصحتها او هي فيها نفسيه او عقده من الزواج لما هاجت كذا
او كلامي اثر فيها وخافت ربي يبلاها