تجربتي بين ايديكن...؟؟؟ لا لليأس

مرحبا بنات..؟؟ان شاءالله الكل بصحه وعافية..؟

انا من متابعات المنتدى بس لسا مسجله..بنااات لاتيأسوا من رحمة الله..الله كريم
يابنات ورحيـــــــــــــم...ويرزق الصابرين والصابرات..انا راح احكي لكم قصتي يمكن
تكون فيها عبرة وتحمل الأمل لكل زوجيــن عاشوا فترة الحرماااان...
وسامحوني اذا كانت الكلمات غير مرتبه والله اني اكتب وابكي..حسيت ان اللي مريت فيه
زي الحلم؟؟؟


الحمل الأول :

كان بعد شهرين من الزواج كنت مبسووووطه مره خصوصا انه كان يجيني احساس
قبل الزواج اني ماراح احمل او يكون عندي اطفال...؟؟ احساس غريب كنت اتهرب منه
ونسيته لما حملت..اسبوع بعد التحليل واجهضت بدون سبب .. ؟؟ اذكر الدكتورة
تقولي عادي دايما اول حمل يسقط..؟؟ الحمدلله على كل حال..وحاولت اتناسى بس والله
ماانسى الألم والنزيف والتعب النفسي وبرود زووووووووووجي...كان الموضوع عنده عادي
ليه مدري..؟؟؟ لما اسقطت شفت حلم غريب مجموعة حرريم مبسوووطين ويباركون لبعض
على اجهاضي... انا انهبلت بس ليش اوسوس توني عروووووس :) ..؟


الحمل الثاني :

بعدها بــ 4 شهور حملت للمرة الثانية...رحت لدكتور شاطر في منطقة ثانية وبفضل من الله ثبت الحمل
في الشهر الثاني من الحمل بدت تجيني احلام غريبه وطبعا دايم اشوف حرمه معصبه علي لأني حامل
احسه حلم ومو حلم وربي كأنها واقفه قدامي...بس في مرة ع الشهر 4 كانت تضرب وتضرب بيدها على بطني
جلست اقرا المعوذات وراحت وقدرت اصحى بس والله حسيته حقيقة مو حلم..بعدها قررت اروح لوحدة
تقرا وتابعت معها..؟؟؟لما رحت الدكتور
تفاجأت باأكبر صدمة مريت فيها ..الجنين مات مافي نبض,,ومشوه في الرأس ..؟؟؟؟ ذكرت الحلم او اللي كنت افكره
حلم ..التاااااااااااااابعه يابنات حرمتني جنيني للمرة الثانية بنات لاتتهاونون التابعه موجوده وهذي حقيقه وخصوصا
اذا قالك الدكتور انتي سليمه..؟؟؟ كانت تضربني وضربها حقيقي ..؟؟؟ تعبت انهرت بكيت قلت الدكتور فيه امل
يطلع غلط او اي شي كنت ابي اتمسك بأي أمل ..
بس انتهى الموضوع..
..وانتهى الحمل بكل بساطه؟؟؟ااااااااااااااااه كنت ابكي بحرقه بقهر ايام صعبه..؟؟ناس تنظرلك بعطف وناس
تذلك وناس تتشمت اه ياقلبي..؟؟؟
طبعا وقتها تطلع لك ناس ماترحم ضعفك او الابتلاء اللي نزل من ربك..اشتغلت الاسطوانه..تزوج تزوج اففففففففففف
الحين صرت مااسووووووووى..؟؟؟طيب انا سليمه مافيني شي..؟؟؟ ليش ليش..؟؟؟؟


الحمل الثالث :
قررت اني مااعلم احد الا لما يثبت..؟؟؟ طبعا رجعت لنفس الدوامه بعد التحليل بيومين نزيف بدون اي مقدمات..مثبتات وأوبر
وتعالي بعد اسبوعين..وبعد الاسبوعين ..؟؟؟ اصلا مافي كيس حمل انتي متأكده انك حامل..؟؟؟ بعدها كيس بدون جنين....؟؟
لا يابنتي شكله حمل عنقودي..مافيه نبض..ااااااااااااه على هذيك الايام هم وربي..؟؟؟ آخر كلام قالت الدكتوره الجنين مافيه نبض
راح اسويلك عملية تنظيف..؟؟ بعدين قالت سيبيه هو حينزل من نفسه ..وفعلا يومين ونزل الجنين علي بدورة المياه..كان
منظر مرررعب لأنه كان بادي يتكون..كنت ابكي واصرخ بالحمام..جت امي ... والله تعب نفسي وجسدي غير طبيعي ...


الحمل الرابع :
بالضبط نفس الحمل الثالث نفس الأحداث نفس المعاناة والله ماتهنيت بحمل ..المره هذي نزل الكيس كامل..


الحمل الخامس :

لاجديـــــــــــــــــــــــــــــــــــــد


قررت بعدها













انفصــــــــــــــــــــــــــــــــــــــــــل...


تخيلوا خلال فترة الحمل ال3 وال4 والفترة اللي بعدها كل مااروح لشيخ كان يستقبلنا مره وبعدها ..تصررررررريف
والله مااكذب عليكم..زوجي وانا وامي لاحظنا هالشي الين مرة شيخ اعترف ..تدرون وش السبب..؟؟؟
يقول لما قريت عليك بالليل جتني حرمه تهددني تبي تخوووفني عشان مااقرا..بس انا مااهتميت وبكمل معك..؟؟؟
وفعلا هو الوحيد اللي استمريت معه بعدها رحت لبيتي ..طبعا ..المرات اللي حملت فيها كانت خلال 3سنوات..


بعدها..؟؟

ماحملت..؟؟ 3 سنواااااااااااااااااااات وانا اتعالج عشان الحمل تخيلوا..كنت سليمة والله اذكر كلام الدكتوره بأول حمل وماانساه

انتي مبايضك كويسه وتحملين بسرعه..انا انجنيت ايش يعني بعد هالمعاناة انا ماانجب..؟؟؟

طبعا اللي صار معي ضعف من كثر الاسقااااااااااااااااااااط...وتكيس..الله يعين..وبدت رحلة العلاج...منشطات كلوميد ابر منشطه
اخرمره الدكتور قال لو هالمره مانجحت الأبرا لمنشطه..مافيه الا طفل انابيـــــــــــــــــــــــــــب..؟؟؟


يعني مريت بكل شي اسقاط ..تأخر حمل ..دوره غير منتظمه..ضعف..تكيس..كلوميد..أبر ..ومابقى الا طفل الأنابيب..؟؟(مع اني قبل

الزواج ولا مره رحت لدكتور او تلخبطت الدورة..؟؟؟) غير المعاناة

النفسيه والجسديه ...آآآآآآآآآآآآآآآه هذا غير ان

اكثر من شيخ اكدو اننا مسحووورين والسبب..؟؟؟ صعب ذكره لأنه شي مقرررررررررررف حسبي الله عليهم


يتبع انتظروووووووني تعبت :35: