ازيكم يا اجمل صحبه فى الدنيا ياريت تعتبرونى اختكم فى الله وتستحملونى شويه بس معلش يا بنات مش هاخد من وقتكم كتير هما 10 دقايق مش اكتر ان شاء الله
اقروا المشاركه الى تحت معلش اصل معرفش ايه الى حصل انا اسفه
بالله عليكى اوعى تخرجى من غير متقرى المشاركه الى بعد دى علطول
تيجى اقولك على الى يخليكى اسعد انسانه ادخلى بالله عليكى مش هتندمى(لايخص القسم)
71
4K
هذا الموضوع مغلق.
الصفحة الأخيرة
معلش يا بنات مش هاخد من وقتكم كتير هما 10 دقايق مش اكتر ان شاء الله
هنتكلم عن اهم حاجه ف حياتك كبنت مسلمه يعني الى هتخليكى اسعد انسانه زى مقولتك عارفه هى ايه
طبعا (القــــــــرءان) جربتي قبل كده ولو مرة ف حياتك لما تيجي تمسكي المصحف او تبصيله او تقريه..تحسي انك بتسمعي كلام ربنا عارفه يعني ايه كلام ربنا
تفتكرى سيدنا موسى كليم الله
يا سلام دا سيدنا موسى كان ديما ربنا يكمله عادي كده!!!! سبحان الله ..مبتقوليش اشمعنا يعني سيدنا موسى ايلي يسمع كلام ربنا ويحس بيه وهو بيكلمه عادي كده وانا لأ؟؟
حد سأل نفسه السؤال دا؟ طب حد حس ان المصحف ايلي قدامك ليل نهار دا وانتي ركناه على الرف ..مجرد ما تفتحيه وتقري ايلي فيه هتحسي ان ربنا بيكلمك عادي كده!!!
اصل القرءان دا الحاجه الوحييييييييدة المباشرة بينك وبين ربنا..يعني انا مش عارفه اوصالهالك ازاي بس عيزاكي تتخيلي معايا ان كل حرف ف القرءان ربنا هو ايلي نطقه (ولله المثل الاعلى)
اخر رساله من ربنا ليكي ولكل الناااااس كانت القرءاااااان (كتاب احكمت اياته ثم فصلت من لدن حكيم خبير) هود تعالي
نتعرف على فضل القرءان ايلي انتي مش بتقريه غير ف رمضان: هقولك فضله من القرءان نفسه (عشان بس تعرفي ان كل حاجه تخصك في حياتك هتلاقي ردها في القرءان)
1/ القرءان هو شفائك ( وننزل من القرآن ما هو شفاء ورحمة للمؤمنين ولا يزيد الظالمين إلا خسارا( الاسراء ) قل هو للذين آمنوا هدى وشفاء) فصلت 2/
قلبك تعبان؟؟ اقري قرءان هترتاحي اقسم بالله العظيم
يَا أَيُّهَا النَّاسُ قَدْ جَاءَكُمْ بُرْهَانٌ مِنْ رَبِّكُمْ وَأَنْزَلْنَا إِلَيْكُمْ نُورًا مُبِينًا" النساء : 174 3/
اقروا الحديث دا كويس اوي من اوله لاخره وهنشرحه برده مع بعض باذن الله الحديث دا اتقال على لسان الامام علي بن ابي طالب : قال رسول لله صلى الله عليه وسلم يا علي ألا إنها ستكون فتنة فقلت ما المخرج منها يا رسول الله قال كتاب الله فيه نبأ ما كان قبلكم وخبر ما بعدكم وحكم ما بينكم وهو الفصل ليس بالهزل من تركه من جبار قصمه الله ومن ابتغى الهدى في غيره أضله الله وهو حبل الله المتين وهو الذكر الحكيم وهو الصراط المستقيم هو الذي لا تزيغ به الأهواء ولا تلتبس به الألسنة ولا يشبع منه العلماء ولا يخلق على كثرة الرد ولا تنقضي عجائبه هو الذي لم تنته الجن إذ سمعته حتى قالوا إنا سمعنا قرآنا عجبا يهدي إلى الرشد من قال به صدق ومن عمل به أجر ومن حكم به عدل ومن دعا إليه هدي إلى صراط مستقيم)
هااااا حسيتى بالاهميه ولا لا ؟؟
ألا إنها ستكون فتنة : يعني رسولك الحبيب ( صلى الله عليه وسلم )بيقول للامام علي رضى الله عنه : يا علي هيبقى في فتن كتيييييرة علي قاله: طب ايه الحل يا رسول الله؟ الرسول
قاله: الحل هو كتاب الله (القرءان) فيه نبأ ما كان قبلكم وخبر ما بعدكم وحكم ما بينكم : يعني بيحكيلك الماضي والحاضر والمستقبل كمان
بصي بقى المعنى الجامد ايلي جاي دا ولا يخلق على كثرة الرد: يعني مهما تكرريه في القرايه مش هتزهئي
يعني عمرك سمعتي عن واحد قرا كتاب 20 مرة؟ تفتكري عند المرة ال 20 هيحس بايه؟ اكيد هيجيله حاله ملل وزهأ ما بالك بقى القرءان لو قريتيه 20 مرة مع كل مرة بتكرار القرايه هتحسي بمتعه اكتر وراحه اكتر واكتر
وهتحسي انه بقى حتة منك عايشه بالقرءان والله يا بنات احساس ميتوصفش جربيها كده
بصو يا بنات انا حبيت اقول زي مقدمة كده وخلاص باختصار عشان تحسوا بقيمه القرءان بس لازم تفهموا قضيتي ايلى لازم نهتم ونلزم نفسنا بيها وننشغل بيها بقى لاننا مسلمين
مش انتى مسلمه برضه ؟؟
يعنى بتقولى اشهد ان لا اله الا الله واشهد ان محمد رسول الله طيب مرسول الله محمد (صلى الله عليه وسلم ) نزل عليه ايه ؟؟؟
ايوه طبعا القران عيب عليكي تهجري القرءان التراب ايلي بيتجمع ع القرءان دا هييجي يوم القيامه يشهد عليكي ..
بالله عليكي فوئي شويا فوووووووووووووووووئى بقى
مطلوب منك 4 حاجات:
1/ قراية القرءان يومياااااااااا
2/ حفظ القرءان بالتدريج
3/ التفسييييييير 4
/ التجويد
ايه يا نسمة مالك ايه كل دا ارحمينا اصبري بس على رزقك انا مش هطالبك بالاربع حاجات دي مرة واحده متخافيش انا بس حطيت احطك معايا ف الصورة عشان تعرفي الخطه ايلي هنمشي عليها ف القرءان ان شاء الله
مش هيبقى بالقرايه ولا التجويد دلوقتي هنبدا بحاجه اهم من القرايه الحفظ + التفسير للايات ايلي مش فاهماها اصبري متتخضيش بصي يا ستى ايه رايك نبدا مع بعض من الجزء 30 ثم 29 ثم سورة البقرة ليه اللفه دي؟
عشان حاجتين اول حاجه اننا للاسف قدرتنا ع الحفظ مش قوية زي الاطفال ماشاء الله تاني حاجه للاسف برده ارادتنا ضعيفه يعني لو جيت قولتلك يلا هنبدا بسورة البقرة ممكن تفرحي ف البدايه بس شويا وهتحسي بفتور وانك زهئتي وهتقولي سورة طويله انا لسه هحفظ كل دا انما لما اقولك هنبدا بالجزء ال 30 ايلي اغلبنا اصلا حافظه وناسيه فهيبقى الموضوع سهل ان شاء الله خصوصا انها سور صغنونه وسهله عادي مش هتاخد منك مجهود انا عايزة ابدا بدايه بسيطه ونتدرج من السهل للصعب مش العكس وعشان كل ما هتحسي انك عارفه تحفظي والموضوع ماشي معاك تمام الحمد لله هتتشجعي انك تحفظي اكتر واكتر فياريت تكونى معايا ونحفظ مع بعض
بالله عليكم يا بنات محتاجه انكم تشجعونى وتكونوا معايا بالله عليكم الموضوع ده احنا كنا بدانا فيه فى المنتدى الاسلامى موجود داخل الموضوع ده ((تيجى نبدا صفحه جديده مع ربنا ونحقق كل احلامنا )) وهو الموضوع ده احنا بنزل فيه محاضرات عن حاجات دينيه وكمان محاضرات عن المعاملات الدنيويه يعنى زى موسوعه كده تهم كل فتاه مسلمه فى حياتها وقولت اننا نحفظ القران مع بعض واحنا متجمعين كده لكن الاخت مزون مكه ربنا يبارك فيها يارب ويكرمها هى الى قالتلى على فكره انى اخلى حفظ القران لوحده هنا فى المجلس العام وطبعا الى عايزه تشترك فى الموضوع ده يبقى الف ومليون اهلا ومرحبا بيها فى الصحبه الطيبه دى
وهتلاقى باذن الله لينك الموضوع فى توقيعى
معلش لو طولت عليكم سامحونى
باذن الله الى عايزه تشترك معانا تكتب رد وتقول فيه انها عايزه تشترك معانا وباذن الله هكتب اسمها عندى
وبجد بجد هبقى مبسوطه وفرحانه اوى اوى بيها
الواجب بقى بتاعنا يا قمرات كده من اولها يا نسمه ؟؟
معلش فى فرصه باذن الله كبيره
1/مراجعه السور الاتيه بما انك حفظاها اكيد يعنى اوعى تكونى نسياهم ( قال رسول الله صلى الله عليه وسلم: عرضت علي ذنوب أمتي فلم أر ذنبا أعظم من سورة من القرآن أو آية أوتيها رجل ثم نسيها( يبقى هتراجعي: الناس/الفلق / الاخلاص / المسد / النصر / الكافرون/ الكوثر
( صدقيني مش هياخدوا منك مراجعه 5 دقايق لانك اصلا حفظاهم بس ممكن تكوني نسياهم 2/ حفظ السور الاتيه لو مش حفظاهم او مش فاكراهم الماعون/ قريش/الفيل/
3/ ياريت بقى فرصه وانتي بتحفظي او بتراجعي سور سهله اوي كده تبصي على التفسير للمعاني ايلي انتي مش فهماها انا مش هطالبك بتفسير كل السور انا بس قصدي انك بلاش تحفظي وانتي مش فاهمه حاجه يعني مثلا بالنسبة لسورة الفلق.
..هل انتي عارفه يعني ايه كلمه فلق ؟ ويعني ايه مسد ؟
ويعني ايه همزة ولمزة؟
ويعني ايه ماعون؟
دا كل المعاني ايلي سالت عنها دي مجرد اسمااااااااااااء للسور واحتمال تكوني مش عارفاها!!!!!!! مابالك بقى بايلي جوا السورة نفسها
انا مش بخوفك والله ولا بجهدك الموضوع ابسط مما يمكن تتصوريه هحطلكم في المشاركة الجايه مواقع تفسير ممتازه وكل بنوته تدخل الموقع ايلي يريحها ولو بنوته مرتاحه على موقع تاني تقوله اهو نستفيد كلنا سوا حاولى تختارى الماقع السهله والمختصره
انتو اهو عرفتوا الواجب ممكن ف لحظة تمسكوا المصحف وتشوفوا السور ايلي قولتلكم عليها اقروها مرة هتلاقوا نفسكم افتكرتوها متقلقوش حاولي مثلا بعد كل صلاة تبصي على تفسير سورة والكراسه ايلي معاكي دي عشان لو حابه تكتبي فيها معاني الكلمات ايلي ف السور عشان متنسيهاش وتلجأيلها كل ما تحتاجيها علطول والسورة ايلي تحفظيها صلي بيها والله هتحسي بمتعه فظيييييييييعه وانتي بتنوعي في السور وانتي بتصلي وعلى فكرة التنوع في السور اثناء الصلاة هيجيب الخشوووووووع في الصلاة
معادنا يوم الاتنين ان شاء الله هنسمع السور ايلي حفظناها يعني يوم الاتنين الصبببببح هكتب امتحان كده جواه سؤال لكل بنوته منكم ممكن السؤال بقى يبقى سمعي سورة كذا او ايه معنى كذا او اشرحي ايلي انتي فهماه في سورة كذا؟؟
وخدوا بالكم الموضوع دا هيبقى مسابقه ان شاء الله بينا في حفظ القرءان وقريب هعملكم جدول للحفظ باذن الله
وخدوا بالكم كمااااااان محدش يقول امتحان ايه ماحنا هنغش واهو المصحف معانا والمواقع موجوده لالا انا هشهد ربنا عليكم وعارفه ان كل بنوته منكم بتراقب ربنا في تصرفاتها وبالنسبة
للبنات ايلي عندها عذر شرعي معلش يا جميل برده هتحفظي معانا بس بدل ما تمسكي المصحف هتحفظي من النت عادي جداااااااااا
يلا يا بنات ساعدوني وساعدوا نفسكم عايزين نبقى من اهل القرءاااااااان يااااااارب الى هما اهل الله وخاصته يارب اوعدنا يارب
عشان شويا شويا ونبدا مع بعض القرايه والتجويد باذن الله
مستنياكم يا قمرات بالله عليكم محتاجه تشجيعكم وتشريفكم بالله عليكم يابنات معلش لا تنسوا الدعاء لاهل سوريا ربنا يارب يفك كربهم وينتقم من الطاغيه وبشار ومن كل ظالم يارب وربنا ينصرهم وينصر كل المستضعفين فى الارض في حفظ الله ورحمته وبركاااته
سبحانك اللهم وبحمدك اشهد ان لا اله الا انت استغفرك واتوب اليك