الحمدلله والصلاة والسلام على رسول الله وعلى آله وصحبه أجمعين
بما إنو هلأ موسم السبانخ
حبيت انزللكم وصفة قراص السبانخ ،،، أكيد في بنات كتير عارفين الطريقة بس إن شاء الله إلي ما بعرفوا يستفيدوا يا رب ،،، و هاي صورة تشجيعية
اول شي جبت نبذة عن فوائد السبانخ :-
- يُنصح للمرأة الحامل والمرضع بأكل السبانخ والورقيات الخضراء الأخرى لاحتوائها على مادة حامض الفوليك الضروري للجنين والطفل, لحامض الفوليك دور كبير في تكوين كريات الدم الحمراء. إن تناول الأغذية الغنية بحامض الفوليك له دور كبير في منع حدوث فقر الدم.
- تحتوي السبانخ على "اليود" وهو عنصر حيوي مهم جداً في عملية نمو الأطفال ونشاطهم حيث يساهم بشكل مباشر في تصنيع هرمون "الثيروكسين" الذي له دور كبير في النمو العقلي .
- يحتوي السبانخ على كميات من الفوسفور, والبوتاسيوم والكبريت والكلور, والنحاس, والمنغنيز والكالسيوم وفيتامينات "أ" و"ب", وهي مواد مفيدة للجسم.
- يعتبر السبانخ مصدراً جيداً للألياف ولذا ينصح بإعطائه لمنع ولعلاج حالات الإمساك ولا سيما لقليلي الحركة شريطة سلامة كلاهم.
- تشير بعض النتائج ان تناول السبانخ "طازج" تساهم بشكل كبير في شفاء الجروح الخارجية والتئامها ويسهم بشكل أو بآخر في تجديد البشرة وكذلك رفع صحة الشعر وجماله حيث يحتوي السبانخ على الكبريت
أكيد تلات أرباعكم حيطنشوا فقرة الفوائد و ينطو للطريقة على طول خخخخخخ
نبدا بسم الله بالمقادير و الطريقة سوا
أول شي جيبي السبانخ و نقيه و شيلي الورق الأصفر و انتبهي لئنو مرات بكون في حشيش غير السبانخ و حطيه بمي غميقة و شوية ملح لئنو بعقم و بساعد انو الرمل و الأتربة تنزل و تترسب بالمي تحت
و مهم كتير تغسلو كزا مرة عشان تتأكدوا انو نضف منيح ،،، أنا بغسلو اربع مرات
بعدين بنفردو و بنشفو منيح و بنفرمو (مو ضروري يكون الفرم ناعم لئنو رح يدوب جوا الفرن
هلأ بنجيب بصلة كبيييرة و بنفرمها و بنحطها النار مع ربع كوب زيت زيتون و شوية ملح و بنخليهم ليدبلو بعدين بنحطلها سماق ( أنا هون تقريباً حطيت معلقتين صغار) و بنشيلهم عن النار ليبردو شوي
لما يبرد البصل بنحطو عالسبانخ و بنحرك منيح و بنعصر ليمونة و بنحطها مع الخلطة و إزا بتحبو الحد حطو معلقة كبيرة شطة ،، انا ما كانت متوفرة عندي فحطيت دقوس بس الشطة بصراحة أزكى بكتير
بعد ما تخلطوهم دوقو ازا محتاجين ملح او سماق او ليمون كل واحد و رغبتو
بس هو أطيب يكون شوي حامض
هاي صورة الخلطة (حتلاحزو انو السبانخ حيكش بعد ما تحطو الزيت عليه ) يكش يعني يتقلص
بعدين بنكون محضرين العجينة و انا استخدمت عجينة العشر دقايق بعد ما تركتها تخمر ساعة فردتها و قطعتها بغطا ابريق الشاي علشان يكونو الحبات متساويين بالحجم
بنحط حشوة السبانخ بمصفاية قبل ما نحشي عشان تنزل المي اللي فيها و بنحاول نشد بالمعلقة عليها عشان تنزل المي
و بنحط بنص العجينة معلقة كبيرة حشوة و انا مرات بحط معلقة و نص
بنات اسخو بالحشوة عشان ما تاكلو بس عجين (بنات السبانخ اخضر بس مو عارفة بالتصوير طالع مايل عسواد ليه)
و بنسكرها على شكل مثلث بس بنات ديرو بالكم و سكرو العجينة منيح عشان ما تفتح بالشوي ،،، أنا فتحت معي كزا حبة لئني اشتغلت بعجلة
بعدين بندهنهم بيض و بنصفهم بالصينية و بنشويهم بالفرن و بنحمرهم من فوق
بنات بلييز لا تردوا بس لأخلص الموضوع
تم بحمد الله
إن شاء الله يعجبوكم يا رب
دعواااتكم