ساعدوني بصبغ غرفتي بنفسي

عزيزتي انا اقولك اريح لك جيبي هندي يسوي لك بلا تعبك وانا بصراحة نويت قبلك لكن لقيت انها صعبة لان الاشياء والاغراض اللي بتشترينها للصبغ والديكور راح تكلفك اكثرمن انك تجيبين واحد يصلح لك ومضبوط بعد وانتي ماتضمنين انك تضبطين الصبغة والا لا لان الجدار اللي عندك احس انه صعب لان يبيله بويه رشاش مو روله وبعد راح يستغرق ايام بس مع الرجال المتخصص راح يخلصها لك بيوم واحد واظن هذا بيكلفك من ناحية ماليه وجسدية ووقت انااحس انه صعب وانتي على حسب علك اقتنعتي بالي قلت لك؟؟؟؟؟:26:

:21:شوفي ياعزيزتي ..
انا صبغت بنفسي غرفه وحده وكانت النتيجه حلوه..لحد ما بس يبيلها نفس طويل لكنها ممتعه ...
والاغراض اشتريتها من ساكو ومحلات البويه..
بس السطح عندي يعتبر زين ما يحتاج اي تعديل مجرد اني صبغته من ابيض الى اصفر...لكني صبغت اول شئ بنص لمعه >>>>>>>لازم يكون بلمعه للتعتيق "زيتي" وبعدين عتقت اللي فوق لاني قسمت الجدار الى نصفين واستخدمت الجليز>>>>تشترينه من محلات البويه...واخترت مطفي لاني ابي الشكل النهائي مطفي...
والجزء السفلي سويته مقلم...وفي الوسط سويت 2بوردر خشب بينهم رسمت بأستنسيل صحيح اني طولت بس طلع والله الشكل حركه وابداع زي صور الديكور في المجلات الاجنبيه.....
والفرش والرولات مره معقول سعرها على 10 و20 والغالي يمكن ما يوصل40...
والبويه استخدمي زيتي اذا انتي ناويه تعتقين لاني غلطت واستعملت بويه اساسها مائي وما مشى الحال فأضطريت ارجع اصبغ ثانيه بالزيتييه...
اصعب مافي الموضوع السقف هو اللي بهذلني والا الباقي سهل مره وانتي تقدرين تدهنين وجهه لنصف الجدار بعدين ترجعين تعيدين عليه ..على حسب اللون المطلوب..
والسقف ماعتقد انه سهل تغييره لو تبين تسويين سبوت لايت يبغاله شغل اتوقع..
وبالنسبه للمروحه وانوار جبت عامل وفكها لي وحطيت مكانها ثريات واعتقد انه كان الحل الامثل....
امت ورق الجدران اللي اعرفه انه ما ينحط على الجدار على طول يبيله شغل بس انتي جربي الرسم عليه بلاستنسل تراه يجنن وممكن ادلك على محل عنده اشكال تجنن..
الباب انا سويت باب عادي عند النجار ومسكاته عاديه جدا كلفني 500ريال من غير دهان ولما ركبه دهنته ابيض ساده..
طبعا في الاخير مستحيل تكون تكاليف شغلك زي تكاليف العامل انتي راح توفرين اكثر بس تروي لاتستعجلين وأسألي عمال محلات البويه عن اي شئ يصعب عليك وهم في الغالب متعاونين ...عموماً اي سؤال في بالك لا تترددين في طرحه ...بس ترى انا خبرتي بسيطه وتوني عارفه هالشغله لكنها ممتعه من جد لاتفوتك..:21:

فروت
تسلمين وماقصرتي


اديبه
مشكورة يالغالية وحمستيني اكثر وسؤالي هل بيطول وناالون وكم كلفت الصبغة؟؟

هلا عزيزتي..
بالنسبه للوقت على حسب مساحه الغرفه ...انا الغرفه اللي صبغتهاكانت مساحتها يمكن 6×7 وتقريباً اخذت مني يومين, بس انا رايقه وما استعجل...
والصبغ كلفني يمكن بحدود 90 ريال بس بقى منها استخدمته لاغراض ثانيه..
انتي علمي البائع عن مساحه الغرفه وهو يقدر لك الكميه اللي راح تحتاجينها ..والبنات هنا اسمعهم يمدحون جوتن ..انا استخدمت اكثر من نوع ومشى الحال ..
اهم شئ العزم والهمه ...
تمنياتي لك بتجربه مثيره:21:

روعه:44::44:
:mouse: