من الاسئله اللي كنت اتعرض لها وصعبه علي ليش ابوك طلق امك يعني بعد هذه العشره؟؟؟؟؟طيب ليش اللقافه وجرح المشاعر والافلانه ماحملت؟ والا ماعنك شغاله؟يعني انتي حقت كرف بالله صارت اللي تهتم ببيتها بنفسها حقت كرف لن حسبناالله.....

ايه و الله يالغلا انا كنت مطلقة و اذوني باسئلتهم اللي ما تنتهي
ليش تطلقتي و وين اولادك و تشوفينهم و الا حارمك منهم
هو تزوج و الا لا
لين طقيت و قلت لهم ما احب اتكلم باموري الخاصة مع اي احد
و طميت حلوقهم

اييييييييييييييه جيتي على الجرح الله لايعيد ذيك الايام...قبل لا احمل كانت وحده من قرايبنا عندها ولدين والثانيه بنتين وتقولي ام الولدين..انا مادري انتي كيف عايشه..والله انا لو ماعندي هالولدين لاموت من الطفش...مدري هو غيرة عشان كنت مبسوطه مع زوجي والا وش قصتها..ومن عقب ماربي رزقني ولدي ماعاد شفت رقعت وجهها... ولا حامت على بيتي مع اني قبل لاحمل تزورني باستمرار وتتفشخر علي بعيالها كان محد ولد ولاجاب عيال غيرها..وطول ما احنا جالسين ولدي وولدي سويت له وحطيت له ...وانا دوم اقولهم انا توي عرووووس 4سنوات وعروس وانتم مع انكم اصغر مني لكن انتم حريم مولدات وكانت تموت قهر من كلمتي هذي..

مشكوره يا الغاليه على موضوعك الرائع

انا من الناس اللي تاذوا من كثره الاسئله
وش فيه ولدك وراه مريض ما ياكلونه لانكم مهملينه ليه وليه لا ه وش لون ولدك يالله طلع فيه زي اخوه وش لون انتي وزوجك اقارب بس المرض الوراثي ما يجي الا من الاقارب وولدك يطالعك والا متخلف عقليا ولدك يفهم ويتحرك والا معاق ؟؟؟؟؟؟!!!!!!!!!!!(فيه فرق بين اسئله ناس مهتمين لك وعايشين السالفه معك وناس يبون يتفلسفون ويضيعون وقت ) بس بالاخير صرت اقولهم انه مرض وراثي مني انا وخلاص ابي افتك :)
وبعد كل هذا يقهرونك ويطينونها بجلمه ونظرات تقهر
يطالعونك باستحقار ويقولون آآآآآآآآآآآآآآآآآآآآآآآآآآآآآآآآآآآآه يووووه مسكينه :(

يالله خلاص تعودنا على هالشريحه من الناس الله يهدي الجميع حشيت فيهم الله يغفر لي ولهم استغفر الله بس :)

عااااااااااااااااااااااااااد من هذي الاسئلة عدي واغلطي
لييييييييييييييييييييييييييه ماحملتي ؟؟؟
ولما حملت واجهضت
لييييييييييييييييييييييييييييييييه اجهضتي ؟؟؟؟ خخخخخخخخخخ

لايكون السبب وراثي ؟؟
هو صدق مايطيح الا الجنين المشوووووووووووووووووه ؟؟؟؟؟؟؟؟؟؟ طبيبة على غفلة وانا مدري

اللحين
لللللللللليييييييييييييييييييييييييييييييييه ما توظفتي ؟؟؟؟؟؟ جلست البيت مملة توظفي احسن وانت ماعندك عيال

واخاف اذا توظفت يقولون
لييييييييييييييييييييه توظفتي جلست البيت اريح خخخخخخخخخخخخخخخخخخخخخخ

اسلوببي معهم التطنيش ثمن التطنيش ثمن التطنيش تسأل لين ينفقع مرارتها
كبيرة في السن من باب احترام الكبير ارد رد موجز او اقول مدرررررررررررررررررررري

اذا كان في عمري اسفهها ولا كأنه تكلمت تقوم تتنطم وتسكت