الكل يعلم فوائد زيت النارجين في تطويل وتنعيم الشعر ، واليوم حبيت أعلمكم طريقة صنعه في البيت لأن الزيوت الطبيعية أفضل بكثير من المصنعة والتي يضاف لها غالباً مواد كيميائية..
أولاً : إليكم قصة اكتشاف طريقة صنعه:
شعري كان لحد الكتف وكان حقل تجارب لجميع الصبغات الجديدة والقديمة والميش وكريمات الفرد..
وآخر حفلة سويتها في شعري وهي الطامة الكبرى اللي ندمت عليها ندم عمري أني سويت الحنة السوداء اللي تفرد الشعر:icon33: ، صحيح في البداية تفرحين بالنعومة ، بس لايمكن تصدقون كمية الشعر المتساقط هذا غير الشعر المفتت ما أجلس على كنبة إلا وحولي فتافيت الشعر وأحسه زي الدبابيس في رقبتي..:08:
المهم قررت أني أقصه وبالفعل قصيته إلى أسفل الأذن بشوي، وبعدها ما رضي يطول بسرعة وأنا أبغى أتخلص من آثار الحنة المتبقية، رحت للكوافير وقالت لازم تقصينه كل شهرين لين تنزل الحنة السوداء..
ومرة وأنا في السوبرماركت كانت معي شغالتي أندونيسية ، شافت ثمرة جوز الهند وطلبتني أني أشتريها لها قلت ليه بتاكلينه قالت لا بس تبي تسوي منه زيت عشان شعرها ، سألتها وش فايدته للشعر قالت يخليه طويل وناعم ، بس لازم أجيب كذا حبه ، قمت جبتلها 15 حبة سوتهم على دفعات ..
وهذه هي ثمرة جوز الهند لمن لا يعرفها...
طريقة الصنع :
تقريباً أخذت 6 أو 7 حبات كسرتهم لأن قشرة جوز الهند صلبة زي الحديد وأخذت اللب اللي داخلها لونه أبيض وهو شوي قاسي وقطعته قطع صغيرة وخلطتهم مع الحليب اللي داخل الثمرة وأضافت لهم الكثير من الماء وخلطتهم في الخلاط إلى أن صار الخليط سائل جدا، ثم وضعتهم في صاج على النار وتركته على النار حوالي ساعتين إلا ربع تقريباً حتى تبخرت كل كمية الماء ثم صبته فوق قماشة منخلة ومن تحتها وضعت زبدية عشان يتقطر فيها الزيت ، وبعد كذا عبيه في قارورة واستخدميه فوراً..
طريقة وضعة على الشعر:
أنا كنت أحطه يوميا وأغسله يوم بعد يوم ، بحيث أني لما أبغى أغسله أشبع فيه الشعركاملاً وأغطيه بكيس بلاستك لمدة ساعتين إلى ثلاث ساعات، ثم أغسله وبعد الحمام أخليه ينشف شوي ثم أضيف كمية بسيطة من الزيت نفسه مسحتين ثلاثة تقريبا عشان بس يترطب والنتيجة بانت من أول شهر ليونة وطول ونعوووومة بس الريحة مش حلوه مره يبيلها تعطير وتبخير..
أرجو إني أكون أفدتكم وأي استفسار أنا جاهزة..
وسلامتكم ..