هذا الموضوع نزلته بناءا على رغبة الاخوات اللي ارسلو لي على الخاص بخصوص غسالتي
بسم الله نبدأ
طبعا انا غسالتي ال جي وهذا موديلها مبين في الصورة
وهذي صوره لها كاملة طبعا مكانها كان دولاب القدور وجبنا حقين المطابخ فكو الجزء حق المغسلة كامل وقصوه ورجعو ركبوه لنا المغرب يعني لاتشيلو هم المكان وطبعا اكيد كل وحدة تشوف مطبخها اذا فيه امكانية والا لا
هنا صورة ازرار التشغيل والشاشة وطبعا زي ماانتو شايفين فيها بالعربي وهذي ميزة مو موجودة في الغسالات الثانية
راح ابدأ من اليمين فوق
اول شي زر التشغيل بعدين فيه لمبتين صغار فوق بعض شايفينهم؟
اللي فوق تنور لما الملح يخلص واللي تحتها للملمع نفس الشي اذا خلص نورت
بعدين تحت برامج الغسيل
1) غسيل مبدأي اولي
2)غسيل سريع (دايما استخدمه) مدته 34 دقيقة
3)اقتصادي
4)اوتوماتيكي/الي(استخدمته مرتين وكان رائع) كاننت مدته في حدوود الساعة
5)كثيف
بعدين زر اذا كنتي تبين الموية حارة زياده
واللي بعده اذا بتستخدمين رف واحد سواء اللي فوق والا اللي تحت
للامانة فيه اشياء خربتها يعني مو كل شي يدخل فيها بس عموما
التيفال والصحون والكاسات تطلع تلق القدور الستيل حق ايكيا جربتها فيه تطلع نظييييفه
على فكرة كل شي تشتريها دايما طالعي من تحت تلاقي علامة تقولك اذا كانت امنة في غسالة الصحون
عندي قدر ضغط تيفال كليبسو تغسله ويطلع يلمع بس الجلدة حقته المفروض ماتدخل الغساله
اممممممم ايش كمان؟
اها
المواعين المذهبة للامانه حسيت ان لونها بدأ يروح
ان شاء الله بنزلكم صورتها من جوا والمواعين قبل وبعد قريب بس اعطوني وقت
توي والده لي خمس ايام دعواتكم ان ربي يفكني من الم الخياطة اللي ذبحني :06: ويصلح لي بناتي
ويحفظ لي زوجي
سلااااااااااام
بكم سعرها يالغالية؟ وهل لها اسم معين؟