مين منكم راحت على فرنســــــــــــــا

حبيبتي انا انصحك انك تسافري فرنسا من لندن بالترين او الباص عن طريق مكاتب السياحه العربيه الموجوده في اجوارد رود في لندن انا رحت عن طريق مكتب الزين للسياحه وسعر الرحله 180 باوند على ما اذكرلمدة 4 ايام رحنا فيها من لندن بالباص الى منطقه اسمها دوفر فيها ميناء وركبنا سفينه فايف استار بس كانت رحله رائعه في البحر لمدة ساعه ونصف وصلنا بعدها الى مدينه اسمها كاليه فيها السوق الاوربيه المشتركه والاسعار في هذا السوق حلوه ورخيصه نوعا ما وفيه كل الماركات وبعدين كملنا بالباص الى باريس ونزلنا في فندق اسمه nov otel ليديفانص وبعدها الفندق 3 نجوم بس ماشي حاله نظيف ومرتب والتذاكر شامله التنقلات والفطور بس الفطور كان تعيس فكنا ندفع 3 يورو وناخذ فطور اوبن بوفيه المهم ياستي بعد ما وصلنا نزلونا شارع الشانزليزيه وجلسا فيه الين 2 في الليل بعدها رجعنا نمنا والصباح رحنا في رحله نهريه في نهر السين وبعدين رحنا البرج برج ايفل بس هنا تدفعي تذكرة البرج بعدين نزلنا ورحنا على جوله حول باريس واليوم الثاني رحنا ديزني لاند من الصباح الين الليل بس اذا تعبتي وحبيتي ترجعي ممكن ترجعي بالقطار من ديزني ياخذك الين الفندق بس انت اسئلي علىمنطقة لديفانص ولما يوقف عندها الترين انزلي وراح مشي شوي وتلاقي الفندق في وجهك المهم وآخر يوم نزلنا السوق في مركز كبير اسمه لافايت بس غالي والاماكن الي حوليه بس خلف لافايت راح تلاقي اماكن تبيع باسعار مناسبه وبعدها راح ترجعي لندن وفي الرجعه راح تمرو على السوق الاوربيه المشتركه مره ثانيه وراح تنبسطي وتكوني كسبتي لندن وباريس في نفس الوقت على فكره الاطفال اقل من5 سنوات ببلاش مالهم تذاكر ولا شي والفندق الي في باريس يطل على برج ايفل وراح تشوفيه منور في الليل من الفندق وكمان يطل على نهر السين اتمنالك رحله موفقه واي اسئله انا في الخدمه

مشكوره ام وابل على الرد

باين رحلتكم كانت ممتعه ..بس حبيت اسالك كم كلفتكم بالريال السعودي؟

واربع ايام تكفي؟؟؟

انا بصراحه ابغى تكون اسبوع ...بس مااعرف كم الميزانيه اللي راح تكفي لاني ابغاها رحله ممتعه مره ..

ولك فائق الحب ياعسل

انا نفس تجربة ام وابل في 5 الاسطر الاوليه ماعدا الشركة السياحية تختلف احنا نتعامل مع Enter home

بالانترنت يحجزون لك كل شيء تبينه ويعطيك الخيارات من الفنادق بالصور ويرسلك قبل السفر جميع التذاكر
يعني ما تحتاجين الى الوقوف في الطابور سواء في الدزني لاند او في برج ايفل او في نهر السين او اي مكان تختارينه

واذا بسيارتكم مثلنا (لأن كنا عايشين في بريطانيا ) يعطيك الخرايط تمشينا في فرنسا الى الدزني لاند الى باريس الى مدينة ليل والى الحدود مع بلجيكا ومن ثم الى بلجيكا الى العاصمة الله وكيلك ولا ضيعنا ولله الحمد

اما النصيحة لا تروحين لأن مشكلة فرنسا مع الحجاب صدقيني انك بتنحرجين لأنهم يطردون ويمنعون المتحجبات من دخول بعض الاماكن وهذا ماحدث لصديقة زميله لي وهما فرنسيات طردت من المصرف الذي تتعامل معه
من عشرين سنه
واذا مصممه بعطيك الاسعار والموقع حتى تحجزين من بيتك
1

السلام عليكم.
لاتنسين حبيبتى ان تذهبى الى عالم ديزنى لانه يجنن ومايتفوت واكيد اطفالك سوف يفرحون كثيرا واما تذكرت دخول عالم ديزنى 38 يورو للشخص الكبير ومن سن 7_12 على مااعتقد 29 يورو ومن سنة الى 7 سنوات دخول مجانى لكننى اعتقد بل ومتاكدة انها سوف تكون سفرة من العمر موفقة وسفرة سعيدة

هلا والله ام عزان ياليت تقولي موقع هالشركه السياحيه اللي تعاملتي معها...


واكون شاكره لك لو تقولي الاسعار ...


والف شكر على الرد ياقمر