ما تقلقي حبيبتي ما بتروح الفوائد ما دام حاطتيها بالتلاجة بوعاء او انينة مسكرة والمرة اللي بعدها بتقدري تتحكمي بالكمية اللي بدك اياها عشان تطلع كاسة واحدة اذا بتحبي

في صبية بعرفها بتشربها الصبح على الريق وبرضه بتشرب كاسة تانية بعد الغدا .. وبسرعة استفادت ما شاء الله سواء بوجهها صار منور وحتى صحتها على الرغم انها دايما بتكح وما في سبب لا رشح لازكام هلأ وقفت الكحة عندها وفوق كل هاد نحفت ما شاء الله عليها وعلى ارادتها

بس بالنسبة الي انا حشرب كاسة واحدة مبدئيا لأتعود على طعمها وبعدين بشوف اذا اشرب كاستين باليوم والا لأ.

وما تنسي كلها فوائد .. جسمنا من كتر ما اكلنا جنك فوووود صار مليان سموم وغير بيبسي والشيبس وهالاكل المدمر للصحة فبدنا برميل نشربه باليوم عشان ينضف جسمنا هههههههههههههههههه

اليوم الحمد لله قدرت اشرب العصير .. بالنسبة لطعمته كتير طيب وحبيته خاصة انا من الناس اللي جربو القسط الهندي فالطعم فعلا طيب لانه عصير البرتقال مغطي على الطعم

طبعا انا عملتها قبل امبارح بالليل قبل ما انام لاني بشتغل وبصراحة بتاخد وقت من تنظيف وخلط المقادير شوي شوي عشان تزبط

انا بس ما لقيت الكرفس (فجأة اختفى من الاردن ما تركت خضرجي الا اوقف عنده واساله وعالفاضي) والليمون الاخضر لانه خلص موسمه فضفت عصير ليمونة صفراء كاملة

المقادير بصراحة طلعت تقريبا اربع كاسات بتكفي (خليت اختي تشرب كاسة وامي كاسة وانا كاسة ) وضايل كاسة بدي اشربها لما ارجع من الدوام وقررت اخليه مشروبي المعتمد اليومي لطول العمر بإذن الله لانه من اول ما شربته حسيت بنشاط وحيوية (انا بعاني من التهاب الدرقي يعني بسبب كسل الغدة والكل بيعرف شو اعراضه) وغير هيك العصير خلى ريحة تمي كتير حلوة لدرجة اني نسيت افرشي سناني لاول مرة بحياتي

وان شاء الله بعد اسبوع ححكيلكم شو صار معي والنتائج مع وزني عشان هاد العصير بنحف كمان غير الفوائد الرائعة اللي بزودها للجسم من حماية من الامراض وعلاج بعض الامراض وتزويد الجسم بالفيتامينات والمعادن اللي لازم تكون بالجسم

بتمنى عنجد من كل قلبي الكل يجربه والله ما حتندمو

راح ابدا فيها من بكره
طيب عادي احطها في الثلاجة في قاروره بلاستيك لانه ماعندب زجاج ؟؟؟

عجيتني الفكره بالذات ان العصير كله فايده للبشره والشعر كمان بس مابدي انحف لاني نحيفه اصلا شو الحل؟؟

مشكوره