مرحبــا حبايبي..
أخباركم.. ان شاء الله تمام
بالبدايه راح اعرض لكم اطباق اليوم
فطوور : كـلوب ساندويش
غدااء : رز صيني
حلى القهوه : Donut galaxy
Spmusp chocolate
العشاااء: همبرجر محشي بالجبن
الفطوور
كلــوب ساندويش
المقادير:
4 حبات توست
بيضه
بصل اخضر حبه وحده
شوي خس
شوي بقدونس او كزبره
جبن شرائح حبتين
جبن كاسات ملعقه وحده
ملعقة مايونيز
ملح – كمون – فلفل اسود
الطريقه
فطعي البصل الاخضر واخلطيه مع البيض وذرة ملح وفلفل اسود
وحطيه على مقلى البيض ويكون فيه شوي زيت حار وتقلبينه عليه ليين ماينضج
بعدين خوذي شريحة جبن وقطعيها بالطول ووزعيها على البيض بعدين رشي فلفل اسود وكمون
والبقدونس المقطع كل هذا والنار مطفيه بعدين تغطين المقلى علشان يذوب الجبن
بعدين نجي لتوست ونحمره شوي بحماصة التوست ونبدا نشكل الطبقات الاولى مايونيز وخس والثانيه جبن سائل وبيض والثالثه جبن شرائح والرابعه بيض
وبالهــناء والعافيه
الغداااء:
رز صيني
الطريقه:
تقطعين دجاج بدون عظم وتحمسينه مع ثوم وبهارات وشوي ماء وتتركينه لين ينضج
بعدين على نار ثانيه شوي زيت و تحمسين ثوم وفلفل احمر واخضر واصفر كله طبعا مقطع بالطول
بس لا يلين الفلفل مره ورشي شوي ماجي ابيض وملح وبعد ما تندمج المقادير حطي بيضه وحده
وصويا حلوه او عاديه وكرفس مقطع..
بالوقت هذا تكونين مسويه رز ابيض عادي وبعد مايستوي تضيفين الخلطات اللي فوق عليه
" طبعا المقدار بحسب كمية الرز اللي عندك علشان كذا ماحددت "
حلى القهوه:
1- Donut galaxy
المقادير:
2 كاس ماء دافي
م كبيره ونص خميره فوريه
نص ملعقه صغيره بـ بـ
بيضه
شوي ملح وفانيلا
اصبع زبده
10 ملاعق حليب بودره
ملعقه كبيره سكر
^^^
المقادير هذي تخلط بالخلاط لين ما تتجانس
بعدين تضيفين عليها 4 كاسات دقيق واذا صارت معك لينه زيدي لين ما تظبط العجينه
وتتركينها تتخمر نص ساعه بعدين تفردين العجينه وتوزعين قطع الجالكسي بالتساوي بحيث انك تخلين مسافه
يبن القطعة والثانيه طبعا هذا بنصف القطعه المفروده والنص الثاني فاضي, بعدين ارفعي الجزء الفاضي وطبقيه على الجزء اللي فيه القطع وابدي قطعيه بكاس عادي<<< ياااارب يااااارب انكم فهمتوا
وافضل شي انك تقلينها مباشره , وبعد القلي تحوسينها بسكر مطحوون ..
وفيه طريقه مبتكره مادري اذا كنتوا تعرفونها او لا وهي انك تحطين كميه من السكر داخل كيس وتحطين كم حبه من الدونات وتقفلين الكيس وترجينه شوي وبعدين تطلعين القطع والسكر يكون مره ماااسك عليها ..
وان شاء الله تعجبكم طريقتي وتراها لذيذه بشكل
ومو صعبه ابداا 2- Spmusp chocolate
المقادير:
قرصان سويتز صغير
شكولاته خام غامقه
شكولاته خام فاتحه
زيت للقلي
الطريقه:
بالبدايه تلفين السمبوسه عادي وتقلينها
والشكولاته تذوبين كل نوع بحمام مائي
وتبدين تغمسين حبات السمبوسه بالشكولاته وتحطينه على ورق لين ما يتماسك
وتدخلينه الثلاجه شوي حتى ماتذوب الشكولاته
العشاااء:
المقادير والطريقه:
دجاج مفروم الوطنيه
بصل مقطع ارباع – فلفل بارد مقطع ارباع – جزر مقطع قطع كبيره – ثوم .... تشوينهن على النار مباشره
وبعدين تطحنينه بالطاحونه "البزبز" وتخلطينه مع الدجاج
بعدين تضيفين ملح – بهارات "كاري- فلفل اسود- خولجان- دارسين- قشر ليمون- فلفل احمر- زنجبيل- كمون-
كزبره- ماجي ابيض- ليمون اسود- زعتر"... من كل شي ذره
صلصة صويا – دبس رمان – زيت زيتون – ليمون – خردل.. من كل شي ملعقه كبيره
كزبره مقطعه – بصل اخضر مقطع ناعم.
.................................................. .........................................
بعد ماتخلطين المقادير تدخلينه الثلاجه يوم كامل
وفي اليوم الثاني تجهزين : جبن شرائح – جبن مازولا – صوص باربيكا – صويا حلوه او عاديه
وتضيفين بيضه وبقسماط "فتات الخبز" على خلطة الدجاج الى ما تتماسك
بعدين نبدا بتشكيل الكباب بالة الهمبرجر بحيث انك تملين نص الاله وبعدين تحطين الاجبان وتملين النص الثاني
وتضغطينه بالاله حتى يطلع الهوى وممكن تسوين هالطريقه بيدك
وتحطينه بصينيه مدهونه بزيت وزبده وزيت زيتون وتدخل للفرن من تحت بس وتقلبينها كل شوي حتى يطلع الماء وبنشف شوي
بعدين تطلعبنا وتدهنيها بصوص البربيكا وصلصة صويا وترجعينها للفرن من فوق حتى تتحمر شوي ..
وبعدين تلفينها بالتورتيلا مع البصل والخس وانا هنا استعملت التورتيلا الجاهزه.
وهذي صوره توضح الجبن داخل الكباب
وبالهناء والعافيه..
ياااااااااااارب يعجبكم موضوعي
واذا اعجبكم قولوا لي علشان اتحمس واععطيكم بعض مما عندي :)
..............................................
......................................