سجه الخاطر @sgh_alkhatr

عضوة جديدة

من باعني برخيص بترررررررراب ينباع....لو تكرمتو ابي رايكم

حياكم الله وبياكم اخواتي العزيزات والله ما سجلتي الا لاني ابي شوركم ورايكم في مشكلتي انا كنت قبل 10 سنين ادرس بالجامعه وملكه جمال ويتقدمون لي لخطبتي كذا واحد وارفض اقول بدري على الزواج ما كنت ادري باللي بيحصل لي والحمد الله على كل حال وقدر الله وشاء اني اتعب بمرض حمى افقدني السمع ولا استطيع المشي استخدام الكرسي واللهم لك الحمد والشكر وسويت عمليه زراعه قوقعه في اذني اليسرى واسترجعت السمع فيها ويالله لك الحمد والشكر ووالدتي مطلقه واعيش مع والدي والحمد الله عندي شغالتي وسواقي ومصروفي الخاصه موناقصني شي وقالو لي الناس تزوجي يمكن اللي فيك نفس وبتروح مع الزواج المهم ورافضه الفكره شيخه عمري يالله لك الحمد والشكر كل وسائل الراحه متوفره عندي لاب وغرفتي الخاصه وسيارتي وسائقي وخادمتي وعلى قوله ابوي الغالي فديته انتي راعيه البيت جعلني ما افقده المهم قدر الله اني اتزوج واحد متزوج 3 قبلي 2 مطلقهم وحده توه طلقها فقبل اسبوع لانها كانت تعبانه المهم تزوجته في البدايه قال ما اقدر اخذ بيت لاني ظروفي صعبه موقتا وضعنا شقه مفروشه متى ما بغيتك وانا والله كان همي ابي للي ضنى وابي اشوف بتحسن حالتي بعد الزواج والالا وقسم بالله يابنات انه ما دفع لي الا 5 الاف قال المهر قلت بكيفك اهم شي السعاده وارتاح وابي اطفال وقال اجل بعطيك 10 وابشري بالخير المهم سكتت لاني ابي الاموار اتيسر وعطاني بس 5 والباقي قال بعدين والله ما شفتها ليومكم هذا المهم تزوجنا بعد اسبوع رجعت لبيت ابوي وبعده بايام خذاني يومين ورجعت لبيت ابوي اكتشفت فيه حاجه انه مدمن دخان وانا ما احب اللي يدخن صبرت وقلت يمكن يتعدل ويهديه ربي المهم اصحيك كل يوم لدوامه 6 الصباح والله يابنات ما عمره شحن لي ولا عطاني مصروف وانا من عزه نفسي ما احب اطلبه قلت لو فيه خير بيعطيني بدون ما اطلب المهم صارت له ظروف وقال ابيك تجين عندي بالشقه هو طبعا بيته ايجار ودور علوي ولا اقدر اطلع وانا ما احب اروح لبيت حريم قبلي المهم خذينا شقه مفروشه ب4 و900 قسم يابنات اني دافعه 2000 واساعده دايم ويزعل علي اي شي احس انه يبي يجيبها عشان يطلق بس والله ماهمني هو الخسران المهم قبل اسبوع ارسلي رساله قال ابسالك تدخلين منتديات وكم ايميل عندي شوف السوال الاخ مسوي لي بحث بالنت يراقب قلت لا ثم ارسل رساله قال الواحد لازم يعرف وش يدور حوله قلت وش قصدك قال بدخل في مشروع مع وقال الاسم وبيدخل علينا ذهب ودريت انه كشف اني مسجله بمنتدى الاعاقه وانا والله العظيم يابنات اني ما سجلت الا عشان استفيد بحكم انهم نفس وضعي وصراحته وارسل انا مضطر اسحب حياتي وحنا ما نصلح لبعض ولا عاد تتصلي ولا ترسلي الين يجيك الخبر وهالحين صار لي معه 6 شهور وش رايكم وش تهقون بيسوي وانا اقول اللهم انا كان ما تزوجني الا عشان يستغلني انك تحرمه من شمه الضنى وترني فيه عجائب قدرتي وللمعلوميه يابنات اني حريمها كلهم ما جابوا عيال ويقول ان الاسباب منهم وانا بروح اصلي التروايح تكفون عطوني رايكم وشلون اتصرف معه والله يتقبل مني ومنكم ويغفر لنا ولا يحوجنا لاحد :27:

13K

يلزم عليك تسجيل الدخول أولًا لكتابة تعليق.

تسجيل دخول

الاميرة15 • 12 سنة

الله يعينك يااختي المفروض ماخذتيه من البدايه بس صار اللي صار اطلبي الطلاق وريحي حالك والله يعوضك خير منه ويرزقك الذريه الصالحه اللي تسرك

أحلى ايمي • 12 سنة

الله يشفيك ياقلبي

ويلطف بحالك ويجعلك ماتطلعي من المسجد الا وانتي تمشي برجووولك

ويرزقك ذريه صالحه اما زوجك اتوقع انه تيع حريم ماوراه الا الزواج والطلاق لكن الله يسخركم لبعض ويحنن قلبه عليك

ويحفظ لك ابووك ولا يوريك فيه مكررره والله نعم الأبو

pink fo0ofo0o • 12 سنة

وانتي من جدك مصدقة ان كل حريمة الي قبل منهم السبب بعدم الخلفة لو وحدة قلنا يمكن لكن كلكم صعب

وبالنسبة لوضعك أنتي ابخص بعمرك قادرة تتحملي هالعيشة ولا تنفصلي

moony moon • 12 سنة

والله ياقلبي ماتقدري تسوي شي
لازم تقول لابوكي يتفاهم معاء
مو معقول لامصروف لابيت لامعاملة طيبة
خلي ابوكي يشوف معاء حل ..
وربي يسهل امرك..

moodka • 12 سنة

الله يصلح حالك يارب