مشكوره اختي الاوهام انج طمنتيلي بالي وريحتيني...الله يجزيج الجنه ان شاء الله...

مشكوووووره اختي منار وتسلمين على الدعوه والله يزقج و يرزقني و يرزق كل محرومه ان شاء اللله.

الربط شي سهل
بس يعطونج تخدير كاااااااااامل
ومن تصحين تقدرين تردين البيت
بس تحسين بالم باليوم الثاني او الرابع من العمليه وتقدرين تاخذين مسكن
والافضل انج ترتاحين بالبيت
مولازم طلعات زياده
ولامشي زياده

واذا بغوا يفكونه يكون على حسب وزن البيبي

اذا البيبي وزنه زين من اول التاسع يفكونه باوله
واذا وزنه صغير ممكن يتاخرون شوي ليما يكبر النونو

وموشرط تولدين او مايفكونه
انا ماولدت الا قبل اخلص التاسع باربع ايام

اهم شي الرااااااااااااااااااحه
وميخالف عشان عيون النونو تحملي الحبسه

مشكوره اختي ليمونه والله يخليلج النونه مالتج ويجعلها من الذريه الصالحه ويحفظ لج بيتج ان شاء الله

العمليه سهللللللللله مره كلها ربع ساعه ويطلعونك، يسووها بالاسبوع 12، 13، 14 تحت التخدير الكامل بعدها بينزل عليك قطرات دم مدة يوم او يومين بالكثير، انا نزل علي شويه بس وسالت الدكتوره الدم قليل قالت لي لانك مانزفتي كثير وانا نظفتك زين..

وانصحك ان كانت عمليتك الصباح انك تصومي اليوم اللي قبلها من الساعه 7 المسا عشان تكون معدتك فاضيه وتتجنبي الدوخه والتقيؤ مثل ما صار لي لاني نسيت وصمت من الساعه 8:30 عشان كذا دخت واااااااااايد والغثيان ذبحنييييي..

وبعد خروجك من العمليات ان احتجتي روحة دورة المياه اطلبي مساعدة الممرضات، انا جيت بروح بروحي ودار راسي بسبب البنج..

بعد العمليه وهو الأهم الزمي الراحه على السرير مدة اسبوعين على الاقل، بعدين بتشوفين نفسك احسن ان شاءالله،، وتقدري تتحركي بس انتبهي على نفسك زين،، انا ارتحت بالسرير تقريبا اسبوعين الى شهر وبعدها شفت نفسي والحمدلله صرت احسن فعادي قمت اروح واجي بس مو بصورة مبالغ فيها،، يعني لاتنسين وحطي هالشي ببالك وملحقه حبيبتي على الروحات والجيات.. وابدئي تجهزين لاغراض البيبي كل شهر شويه علشان ماتجين الاشهر الاخيره الا وانتي مكمله،، انا بديت اجهز لاغراضي بعد الربط تقريبا..

يفكون الربط بالاسبوع 37 من الحمل اي بداية التاسع بس هالمره بدون بنج،، لاتخافين لا يعور ولا شي كانه فحص عادي، اهم شي انك تدخلي على الدكتوره وتشيلي الخوف من قلبك ولا تطالعين معدات فك الربط ولا تفكرين في الخوف ابداااااااااااااااااااااااااااااا وبتشوفي الشي سهل،، الدكتوره كانت تقولي مابتحسين بألم بس بتحسين بعدم راحه،، وانا انصحك نصيحة اعتبرها ذهبيه لو اخذتي بها،، وهو انه بمجرد ماتبدأ تفك الربط اخذي نفس شهيق عميييييييق وزفير على خفيف وكرري العمليه بتشوفين انه الدكتوره فكته بثواني ولا يعورك ولا شي واتخذي هالوضعيه وقت الولاده بعد بتشوفي الالم خف وااااااايد.

وبعض الحريم يولدون مباشره بعد فك الربط،، اما انا فكملت التاسع وفوقه تاخرت على موعدي 3 ايام رغم اني كنت امشي بين فتره والثانيه.. اما جارتنا ففكوا الربط وولدت بعد كم ساعه من فكه ما شاءالله.. كله توفيق من الله،، والله يسهل عليك وتمر اشهر حملك على خير وتولدي بالسلامه ان شاءالله :26:

مشكوره اختي م عبادي على المعلومات المفيده و الوافيه و اللي حسستني فعلا براحه لاني شايله هم الربط و خايفه منه....لكن من كلامك صدق ارتحت واتطمنت....مشكوره مره ثانيه و الله يرزقكم اللي في بالكم ان شاء الله