السلام عليكم ورحمة الله وبركاته
اخواتي الحوامل والمنتظرات ..كيفكم الله يتمم لكم ويرزقكم من واسع فضله
بدخل بالموضوع على طول ..واتمنى اللي عندها خلفيه ترد علي واللي ماعندها تدعيلي..
المهم انا اخر دورة جاتني ب 9 جمادى الثاني وبعدها ماجت ..سويت تحليل حمل بالمستشفى وطلعت حامل ولله الحمد ورحت عند طبيبة المركز الصحي وخذت مني معلومات روتينيه ووصفت لي دوفاستون وجو اسبرين وطبعا حمض الفوليك وهذا كنت اخذه من قبل الحمل ..المهم الامور ولله الحمد ماشية بشكل طبيعي والمفروض اني الحين في الاسبوع السابع المهم يوم الخميس كان عندي مناسبه واجهدت نفسي شوي وبالليل نزل مني دم بني واستمر لليوم الثاني كميته نفس تقريبا الدوره العادية وصار لونه مايل للاحمر رحت للطبيبة يوم الجمعه سوت لي الترا ساوند قالت لي مبين كيس بس مابين جنين والله يعوضك وراح ينزل ومن هالكلام ..انا طلعت من عندها رحت للطوارئ سوو لي تحليل حمل وسوت لي الترا ساوند وقالت الجهاز مو دقيق مره فيه كيس وجنين بس مو بالعمر اللي احنا ماشين عليه واحتمال انه متوقف نموهوحولتني لاخصائية الاشعة ولما سوت لي قالت موجود كيس وجنين بس عمره اربع اسابيع يمكن الحمل صار متأخر او انه حمل ضعيف وقالت ارتاحي بالبيت ونعيد السونار بعد اسبوعين ونشوف اذاتغير الحجم كويس او نعطيك شي ينزله ...بنات مين صار معها مثل هالحال ...سامحوني طولت بس انا في ضيق مايعلم فيه الا ربي انا مؤمنه بالله وراضية بحكمته لكن الانتظار صعب احيانا اقول بنفسي وش فايدة الراحه اهملت بيتي وعيالي بدون فايده واحيانا اخاف اتحرك اقول يمكن اتسبب على نفسي ....طلبتكم شاركوني همي لو بدعوة في ظهر الغيب
دندو ميمو @dndo_mymo
عضوة فعالة
يلزم عليك تسجيل الدخول أولًا لكتابة تعليق.
انا مثلك بالضبط صار معاي الاسبوع اللي فات لمن رجعت البيت جاني نزيف غير طبيعي ورجعت المستشفى نوموني واعطوني تحاميل ونزل الجنين والله يعوضني خير يارب دعواتكم الحمدلله ع كل حال ياختي .. انتبهي لنفسك من البدايه انا لمن حللو الاجنه قالو السبب احتمال كبير من الاجهاد وانا مو مقصره والله مجهده نفسي بقوه لكن ربنا كريم
الصفحة الأخيرة
سمعت كثير صار معاهم كذا وتم حملهم باذن الله