الله يعطيج العافيه اختي نكتار صج انج طولتي علينا بس وفيتي وكفيتي لانج عطيتينا خطه مفصله نتعامل فيها مع اطفالنا المشاغبين اللى ماينامون الليل وانا راح اطبق الخطه وعلى الله تنفع وصدقيني احنا مقدرين الجهد اللى بذلتيه لتعم الفائده والله يجزاك الف خير يالغاليه

السلام عليكم ورحمة الله وبركاته

مشكورة نكتار على هالموضوع المميز

بس توني انتبهت له
اليوم بجرب ان شاء الله مع بنتي
ما شاء الله عليها زينة وما تزعجني بس تعودت على انها ما تنام الا اذا ارضعت مني وخلال الليل تقوم اكثر من مرة يعني مثلا بين ثلاث الى اربع مرات وما شاء الله عليها تبى ترضع مع انها نايمة بس تحرك راسها وتبدا تضايق اذا ما لقتني ارضعها وهذا شيء متعب خصوصا انها كملت السنة!

بجرب اليوم مع اليوم الأول وببدا اقرا لها قرأن بصوت مسموع لاني متعودة اقرا قرآن عليها ولكن بصوت منخفض
مع اني حاسة بانها بتقعد تلعب وبتظن اني ابى العب معاها.:)
بخبرج بالنتائج باجر ان شاء الله

السلام عليكم ورحمة الله....أخيييرا سمعنا صوتك ياأم مبارك!! إنشلءالله تفيدك الطريقة!ويالله ياأم البنت الحلوة ,بانتظار تجاربكم!!وعلى فكرة ترى أنا ما خلصت ولايزال عندي الكثير في هذا الموضوع لأن هذا ملف مثل ما قلت لكم,والموضوع اللي قريتوه مقبلات بسس!

ممكن معرف معنى الظرف اللي على يسار المشاركة!

اهلين نكتار ومرحبا بنات حلوات:)

جربت هالتجربة وانجحت بنسبة ثلاثين بالمية
:)
لاني توني مبتدية فيها
يعني الحمد لله طريقة اني ما اعطيها الحليب نص الليل واربت عليها وهي راسها على كتفي وايد زينة
ويعطيج العافية
وانا مستمرة فيها باذن الله لين ما يكتمل نومها طول الليل وتنسى هالرضعات المتعبة
وهذي لج مني :26:

مشكورة الغالية

---------------------
ما فهمت شو تقصدين من الظرف اللي على اليسار
اي واحد بالضبط؟؟؟