أذا تبون تضعفون 100% تعالوا !!!

السلام بنات
شلونكم و شخباركم
انا من اكثر البنات اللي يجربون رجيمات في العالم ( تدرون حقل تجارب اختكم )
صراحة يا بنات انا سويتلي مليون رجيم و كنت انزل بالسبعة و الثمانية و العشرة كيلو
بسسسس
ما كان يجي الشهر اللي بعده و إلا تلقوني رادة اللي نازلته و عليه حبتين بعد
المهم
بقولكم تجاربي و بعدها اقولكم الحل اليديد
بلنسبة لتجاربي
1- زينيكال ( من افشل التجارب اللي سويتها في حياتي ما يصلح حتن ما ينزلج كيلو كله كلام فاضي و امراض على المدى البعيد )
استخدم علبة كاملة مع نظام غذائي
و الله العظيم زاد وزني 3 كيلو قسما بالله
2- رحت عند بو عباس
جربت ريجيم البروتين مع الريداكتيل و فيتامين اوميغا 3
نزل وزني 7 كيلو بسسسسسسسسسسسس
صرت مريضة ( شلون ؟ عصبية لأبعد الحدود لو مر الهوا من جنبي اتهاوش معاه
لا و امسك و حالتي حالة )
3- شاي الرشاقة من احلى التجارب اللي سويتها و نزلت 8 كيلو بشهر و كانت طريقتي بعد الفطور اشرب كوب من هالشاي (هذي تجربة حلوة حييييييييل )
4- رقم 4 هي الطريقة الجديدة و الحبوب الجديدة اللي شريتها و املي كبير انه انزل من وزني لانه رفيجتي نزلت ثمانية كيلو باسبوعين مع نظام غذائي و انا ناوية و بقوة اني ابدأ و ادعوكم لمشاركتي :

من مكونات الدواء الشاي الأخضر
يساعد في انزال الوزن من اروع الأدوية في هالموضوع
اسم الدوا (ليبو زون) Lipozone
مصنوع في فرنسا
كم حبة فيه ؟ 56
كم يوم يكفيج ؟ اسبوعين يعني 14 يوم
طريقة الاستعمال حبتين قبل الغدا و حبتين قبل العشا
طعمه حلو حيل حيل حيل حيل حيل حيل حيل
صاير على ليمون او برتقال
شلون تاخذين الحبات؟
او تذوبينهم في الماي
او تبلعيهم
او تمضغينهم ( طعمه نفس الاسبرين اللي حق الاطفال )
على برتقال و ليمون
النتيجة خيييييييييالية و شفت رفيجتي بعيوني شلون صايرة


بس بالأول ابي اشوف من يعرفه ؟؟؟
و شنو تعرفون عنه
ومنو سامع فيه ؟
على فكرة اهوا موجود في الصيدليات الكبيرة
و سعره 8 دنانير يعني 80 ريال
و تبين بالشهر علبتين :)

بالنسبة لنظامها الغذائي حلو حيل حيل :
الصبح:
شريحتين توست مع (او جبن الرشاقة -او سلفايد لافاش كيري - او جبن الطيب قليل الدسم )
+ عصير جريب فروت او اناناس او نسكافيه

الظهر:
قبل الغدا بنص ساعة حبتين من ليبو زون مع جلاسين ماي
على الغداء اي نوع اكل بس كميات قليلة
و ابداي بالتدريج يعني شوربة و بعدين سلطة كثير بعدين الطبخة اللي عندج بس كميات قليلة (حتن لو معكرونة او عيش او مجبوس لحم او خروف ...)

العصر:
جيبي نوع من الفواكه مع 5 حبات لوز ني

العشا :
قبل العشا بنص ساعة حبتين مع كوبين ماي
لبن اكتيفيا العلبة الصغيرة مع ملعقة من بذر الكتان مو مطحون وشوية ملح علشان الطعم

قبل النوم :
كوب من شاي الرشاقة (الضيافة)

والنتايج:
8 كيلو في اسبوعين
نبي تجاربكم انا كسولة و ما اواظب ابي وحدة مغامرة تجرب و تقولنا
والله شريت الدوا و بحاول اواظب كثر ما اقدر يا رب اقدر
بصور الدواء و احط صورته
لا تبخلون علينا بتجاربكم :)
و مشكورين