اللهم لك الحمد والشكر يارب على ما رزقتني ... حبيب قلبي حمودي (محمد)
يا طويلات العمر على حساب الدورة كان موعد ولادتي بتاريخ 24 مارس و على حسب السونار 18 مارس .. فأنا خذت على كلام السونار وقلت يمكن إنه أقرب علشان هو يحسب الولادة على حجم البيبي..
المهم كان عندي موعد مراجعة بتاريخ 15 مارس اللي هو يوم الخميس.. و يوم الأربعاء بتاريخ 14 مارس شلت أغراضي من الدوام و قدمت إجازة أسبوع لأني كنت متوقعة ولادتي بهالاسبوع ... رجعت من الدوام الظهر مع زوجي .. و رحت اجهز الغدا حق :arb: و قبل ما أحط له الغدا تكرمون دشيت الحمام كالعادة عشان أتوضأ لصلاة العصر .. و كانت المفاجأة ..شفت تكرمون إفرازات مخاطية فيه دم بني .. و قلبي صار عنده عرس:eek: ... و أوني عاد حاولت أسيطر على نفسي و ما أخاف ..:09: و طلعت من الحمام و قلت بخلي نفسي عادي .. و شافني زوجي و حس إن وجهي متغير وتم يحن علي لين عرف و على طول وداني المستشفى و هناك سولي فحص داخلي .. يالله عذاب .. بصراحة صرخت...ولعوزوني .. طلعت من عندهم معصبة و طرشتني عشان اسوي تخطيط قالولي الرحم مفتوح 1.5 و أنا في مراحل ولادة مبكرة... المهم رديت البيت المغرب.. قعدت أرتب الغرفة.. و كلت شوي ..عشان زوجي حشرني إلا تاكلين .. وبعدها زوجي طلع شوي يمكن نص ساعة رقدت خلالها .. ولين رجع كان يالس يمي .. حسيت بشي غريب..
حسيت تكرمون إني أبي أروح الحمام .. و ركضت وصلت باب الحمام .. ما لحقت أدش ولا ماي دافي ينزل ومو راضي يوقف.. و تميت قاعدة بالحمام يمكن ربع ساعة و إخت زوجي تدش علي و تعطيني ماي زمزم مع زعفران .. قرفة .. و انا من الخوف مستسلمة أشرب اي شي يعطوني إياه و بعدين رحت المستشفى على الساعة 1.5 و تميت امشي في الباركنات لين الساعة 2 بعد ما شربوني القرفة مره ثانية .. و دشيت و سولي فحص طلع الرحم مفتوح 4 سم .. بعدين دخلوني غرفة الملاحظة .. بس صراحة عذاب الألم يعني يروح و يرجع وأنا من التعب أحاول أرقد بس (ناشة من الساعة 6 الصبح) مو قادرة أخر شي على الساعة 5 الفجر عطوني مسكن و على الساعة 7 ولا 8 ما ادري ودوني غرفة الولادة كان الرحم مفتوح 7.5 ولا 8 و هناك كان السحر..
عطوني الأكسجين .. كنت أحطه على حلجي وقت الألم و أروح من العالم مثل الميتة .. اروح في دنيا ثانية جني أحلم كنت أحاول أطبق التنفس بس من الألم تنسين كل اللي تعلمتيه
والله بنات كنت مثل السكرانة.. على الساعة 9 تقريبا .. منعوا عني الأكسجين . .. و يقولون لي أعصري و انا مو عارفة كيف ووين؟؟ يقولون لي تحت ... بس وين تحت ؟؟
يعني وقت الطلقة أصحصح وشوي اروح من الدنيا و امي يحليلها تصيح و تدعي و تصلي ..
وبعدين حسيت .. استوت حشرة في غرفة الولادة و قعدوا ينادون على دكتورة ثانية و الكل يركض .. و الدكتورة اللي كانت عندي تقولي يا ماما أعصري ولدك يختنق .. والله هالكلمة ذبحتني .. قمت أحاول بكل قوتي .. و هم يشجعوني بس ما كنت أحس إن فيني حيل.. و اسمع دقات قلبه ( فديت قلبه) تضعف
و انا احس إني بموت من الخوف عليه .. وقالت الدكتورة اعصري و طوليها .. قلت عشانه بسوي اي شي و عصرت و طولت و طولت و هم يقولون بعد بس انا ما احس إنه في شي قاعد يطلع و هم يقولون يالله كملي .. و حسيت إني خلاص بستسلم و خليهم يسوون لي عملية .. وشوي قالولوي برافو.. عرفت إنه طلع كملت لين قالولي بس وشوي أشوف حمود فديته على صدري .. الحمدلله طلعته ..قبل ما يحطون له الشفاطة بدقايق.. و لمسته فديته و الله عالم ثاني والله يعينا على تربيته .. وربي يرزقكم بولادة سهلة و هينة..
بس اللي استفدته من الولادة .. اهم شي المشي و المشي والمشي والتمر والأذكار الخاصة بالولادة لاني الحمدالله كنت قاعدة اقراها وانا بالطريق... و التنفس حاولوا تتدربون عليه من الحين ..ترا الولادة يبيلها مجهود كبير .. يعني وحدة رياضية .. انا بعد الولادة كل جسمي يعورني و الشد ما قصر فيني ..
والحمدلله على كل حال..
نفاف دبي @nfaf_dby
عضوة فعالة
يلزم عليك تسجيل الدخول أولًا لكتابة تعليق.
نفاف دبي
•
لورا الله يسهل عليج إن شاء الله وتكون ولادتج مثل شربة الماي الباردة آمين و تشوفين النونو بين يديج يارب العالمين
فعلا المشي يسهل الولادة بشكل كبير سبحان الله
الله يخلي لج وليدج ويربى في عزكم ان شاء الله
الله يخلي لج وليدج ويربى في عزكم ان شاء الله
الفنانه@
•
الحمد لله على سلامتك وسلامة حمودي يتربى بعزكم انشاء الله
اللهم سهل ولادتي وولادة جميع بنات المسلمين
اللهم سهل ولادتي وولادة جميع بنات المسلمين
الراقيـة
•
الحمد لله على سلامتك وسلامة حمودي يتربى بعزكم انشاء الله
اللهم سهل ولادتي وولادة جميع بنات المسلمين
اللهم سهل ولادتي وولادة جميع بنات المسلمين
الصفحة الأخيرة
الحمدلله على سلامتج
ويتربي في عزكم ^_^
والله يسهل علي ادعيلي بلييييييييييز