هذي مؤهلاتي... أقدر الاقي وظيفة تناسبني وانا قاعدة بالبيت..؟!

السلام عليكم جميعا اخواتي العزيزات..

إنشالله الجميع يكونون بخير وعافية يارب..

باختصار، قاعدة ادور عن وظيفة تناسبني وانا قاعدة بالبيت وعشمانة فيكم تساعدوني بأراءكم الي اثق فيها دائماً.. انا صار لي تقريبا متزوجة من خمس شهور، وقبل زواجي كنت اراسل المجلات والصحف واكتب لهم مقالات والدخل الشهري كان زين، وطبعا اضطريت انقطع عن الكتابة بسبب انشغالي بترتيبات زواجي. وبهالفترة حسيت بملل من قعدتي بالبيت وحبيت اسوي شي استفيد منه. انا لي خبرة في الكتابة مثل ماقلت لكم وعندي دبلوم صحافة درسته سنتين عن طريق المراسلة من احد المعاهد الأمريكية، ولغتي الانجليزية جيدة جدا ويوميا اتابع معظم الجرايد والمجلات العربية والعالمية خاصة عن طريق النت، واحب شغل الترجمة، خاصة المواضيع المتعلقة بالمجلات النسائية (أزياء ومكياج والشؤون الأسرية والاجتماعية).حاولت ارجع للمجلات الي كنت اكتب فيها بس ماصار نصيب خاصة اني تغيبت عنهم اكثر من عشر شهور وطبيعي يشوفون لهم ناس غيري. والخلاصة، اقدر القى شغلة تناسبني وانا قاعدة بالبيت..؟!

رح ادعي لكل وحدة من قلبي إذا ساعدتوني بآراءكم يااخواتي الغاليات..