اغلب الحريم تسب زوجها وتذكر مساوه ولاتذكر ايجابياته لانهن يخافن من العين
ومو معقوله زوجها سيء وجالسه معه

لا والله بالعكس الزواج راحة واستقرار وسكن
بس انا عن نفسي اقوول ودي لو طولت بالعزوبية شوي لاني تزوجت صغيرة كان ودي اعيش العزوبية ووناستها لأن الزواج مسئولية مهما كان الزوج عسل وقايل بك هه
فلذلك ادعي دايم ان ربي يزوجك بالشخص اللي يسعدك وتسعدينه اذا ربي سخرلك زوجك والله لو فيك عيوب الدنيا بتلاقيه متعلق فيك والعكس لو ربي ماسخره لك والله مهما سويتي وتقربتي ماراح يشوفك شي.. القلوب بيد ربي سبحانه

فعلا على حسب الزوج اذا كان كويس معك الحمدلله
وهاللي يسبن قولي لهن ليش قاعدين عند رجالكن تطلقن خخخخخخخ
تلقينها تخاف من العين 😁
وانا مثل الاخت الرابعه لو رجع الزمن لورا عادي اختار الزواج ويكون زوجي نفسه ماابي غيره 😆😆

هلا بك حبيبتي ..
شوفي بالزواج او من غير زواج لابد تلقين يوم حلو ويوم موحلو
لاتضنين بتعيشين كل ايامك بدون مشاكل ويقلون المشاكل ملح الحياه
بس حلوه الوحده اللي تتفادى المشاكل لو تركنا العناد اللي فينا صدقيني بتقل المشاكل
بعضهم يجيك رجال متسلط وبعض ارجال لا
ع حسب مزاجه وياروحي يا حناء

ياحبيبه المساله مو انك تدعين انك تتزوجين
المساله في انك لمن تدعين تقولين يارب الزوج الصالح التقي النقي مخموم القلب
يارب الزوج الحنون الرحيم الودود الشهم الكريم
يارب زوج متفهم سهل لاعصبي ولابخيل
والاهم ترددي دائما ربنا هب لنا من ازواجنا وذرياتنا قرة اعين واجعلنا للمتقين اماما
وكل ما الحيتي بالدعاء قربت الاجابة
ادعي بما ايتطعتي ان الله يرزقك بزوج صالح يتقي الله سرا وعلانيه يكون قرة عينك وقلبك
ويسخره لك ربي تسخير المعجزات لانبياءه
وادعي يرزقك ربي باهل زوج كانهم اهلك من طيبتهم واحترامهم وحبهم لك
الله يكتبلك مافيه خير لك في الدنيا والاخره