انا من هواة التصوير .... واتمنى احترف التصوير واتعلم اكثر عن هالفن .... احاول اطلع على مواقع التصوير العربية والاجنبية لاكتسب المزيد من الخبرات ومن المعلومات التصويرية ....
اقتنيت اول كاميرا ديجتال من فترة الصراحة ناسية كم سنة بس تقريباً في حدود 10 سنين ... بس افتكر ان وقتها كانت كاميرات الديجتال غالية وماكانت منتشرة مرة ... وكمان افتكر ان اعلى دقة للبيكسل وقتها كان حوالي 4 او 5 ميجابيكسل .... والكاميرا اللي اشتريتها كانت حوالي 3,2 ميجابكسل ... كانت من نوع سامسونج ...
المهم ما اطول عليكم ... هذي الصور صورتها بنفس هذي الكاميرا في رحلتي لماليزيا قبل حوالي 6 سنين وبالتحديد جزيرة لنكاوي ....
كان نفسي اعطيكم الاعدادات بس للاسف مالقيت اي معلومات على الصور ...
هذي اول صورة في بحيرة تبع جزيرة من جزر لنكاوي ....
وهذي الصورة الثانية للشاطىء اللي يطل عليه الفندق اللي نزلنا فيه ...
وآخر صورة واحنا رايحين رحلة بالقارب السريع ...
اتمنى تعجبكم الصور وقبلها اتمنى تصويري يعجبكم ... لان المكان هذا سبحان الخالق احس اي لقطة تطلع حلوة فيه ... بس اتمنى ان اختياري لمواضع التصوير تكون ممتازة .... وطبعاً اتمنى الخبيرات يفيدوني اكثر ....
واتقبل النقد البناء ... اهم شي استفيد ...
تقبلوا تحياتي ....