محد مثلي أنا @mhd_mthly_ana
كبيرة محررات
:::: كــنت في البــراجــون مع اخواتي مبسوطه ؟ اول ماطلعت بكيت والسبب ادعولهااا ؟؟::::
:44:
السلام عليكم يالغاليات
انا بكتب لكم السالفه بس اصبروا علي شوي استوعب الي صااار قدامي كنت مع اخواتي قبل كم ساعه
في البراجون والحمدلله مبسوطين ومالينا خلاف استانسنا يوم خلصنا ودعت اخواتي ابطلع لزوجي في السياره
وانا بقطع الشارع كان قدامي حرمه كبيره في السن ومعها اربع بنات كبار ماشاءالله واحنا نقطع الشارع وهي
قدامي مادريت الا والحرمه طاحت ساجده ياربي رحمتك طبعا انا شفتها طاحت بس من الروعه مدري وش اسوي
قطعت الشارع وانا وراهااا وبناتها لسى في الجهه الثانيه مابعد قطعوا الشارع الحرمه ماشافت ياعمري الرصيف
صغير وطاحت طيحه شينه المسكينه طار الترمس من يدها وانقطعت يد شنطتها وطاحت ساجده المسكينه
الطيحه على خشمها مباشره المهم جلست جنبهاا من الروعه اختكم ماتعرف تتصرف قلت لها وشفيك ياخاله
ما ردت علي خفت وتوني بقومها الا ويجي ولدها كان ينتظرهم في السياره شافهاا طاحت يوم تاكد انها امه
جاء عندها رفع راسهها قالها وشفيك يبي يقومها قالت خشمي يوجعني وماسكه خشمها بيدهاا الا وبناتهاا جايين
مايدرون وش يسوون وانا مثلهم الله لايلومهم المهم يبي يقوم امه قالت مره ثانيه خشمي كل هذا وانا جالسه
عندهااا يوم رفع نقابها الا ويدها مليانه دم قام يهاوش اخواته ليه مامستوها وليه هي الي شايله الترمس
من الزعل قام يهاوش وراح ورجع معه ماء ومناديل وحط المناديل على خشمها والله يابنات ياقلبي عليهااا تنزف كثير
قلت لهم حرام عليكم تضيعون الوقت ارفعوا راسهاا ودوها بسرعه للطواريء لايكون فيهاا نزيف ويتطور اكثر من
كذا بسم الله عليهاا وربي اني بكيت لو هي امي ولا ام وحده منك الله يحفظها ويحفظ امهاتنا وش بيكون موقفناا
ياعمري كل هذا وانا معهم ما ادري وش اسوي الدم قام يقطر على الرصيف المهم قالهاا قومي قالت ما اقدر
بعدين بعدت عنهم شوي وزوجي واقف ما يدري وش السالفه في الاول يحسب اني انا الي طحت المهم يالله قامت
ساعدتها وحده من بناتها وركبوها السياره وانا بمكاني ماتحركت ما دريت الا زوجي يقولي وشفيك واقفه لي ساعه
انتظرك المهم يابنات قسم بالله اني تكدرت وحزنت عليها ياعمري والله ما ادري وش اقول لكن انا كتبت الموضوع
والله العظيم علشان تدعون لهااا ربي يشفيها ويعافيها ويخليها لعيالهاا طلعه مبسوطه وبلحظة تغير حالهااا
سبحااان الله يابنات الواحد منا ما يدري بين لحظه والثانيه وش بيصير له الموقف مره ماثر فيني بطريقه محد يتصورهاا
والموقف لسى قدام عيني منظرها وهي ساجده وهي تنزف ياعمري عليهاا واتمنى لو فيه وحده تعرف عنها شي
من بناتها او قريباتها تطمني عليهاا تكفون يابنااات ادعولهااا لو شفتوا الي انا شفته مدري وش بيصير فيكم
لاحول ولاقوة الا بالله ياااارب انها بخيرر
اعذروني اذا لخبت او كررت كلامي او مو مرتب من الروعه والله
:44::44::44::44:
118
7K
يلزم عليك تسجيل الدخول أولًا لكتابة تعليق.
الهدووء
•
الله يشفيها يارب
الله يشفيها ان شالله بسيطه
بس صراحه الولد معاه حق الحرمه شكلها كبيره وبناتها تاركينها وماشين قدامها وكمان معها اغراض بنات اخر زمن
بس صراحه الولد معاه حق الحرمه شكلها كبيره وبناتها تاركينها وماشين قدامها وكمان معها اغراض بنات اخر زمن
الصفحة الأخيرة