بسم الله ابدا
امس حبيت اسوي جريشه طبعا ناقصة على مقادير قلت ياكروزه وش رايك تخترعين لها مقادير جديده>>>عبقرينو مو كروزه
المهم دشيت مطبخي وشمرت عن ساعدي >>>داخله مضاربه مو مطبخ ياحليلي
المقادير من اختراعي نصفها وهي كالاتي
Image59
1_2 كاس جريش منقوع في ماء حار لمدة ساعه
2_ 2 ظرف شوربة الدجاج بالشعيريه من ماجي بدون خظار
3_ بصله حجم كبير او بصلتين متوسطه
4_ بياله زيت عافيه للقلي او اي زيت انتي تفضلينه
5_ 1 كاس ونص حليب مذاب في ماء دافي
ملعقه صغيره بهارات مشكله انا حطيت من بزار القصيم
فلفل اسود قليل _
طبعا سيد الطبخات موجود دائما )( الملح بكميه مناسبه )( >>>فديت والله هالطله
3 كاسات مويه حاااااره
الطريقه
اقليت البصل في الزيت الين صفر مو احترق عطانا اللون الذهبي الجميل وبعدين حطيت البهارات وبسرعه حركتها مره مرتين ثمن حطيت الحليب وبعد ماغلي حطيت كاس مويه حاره
ثمن جبت شوربة الدجاج بالشعيريه وحطيت محتوى الظرفين مره وحده وحركته لين بدا يغلي
وبعدين حطيت الملح وحطيت بعده الجريش المغسول والمنقوع وخليته يغلي شوي ثمن حطيت عليه كاستين مويه الباقيه المغليه
وخليته نصف ساعه على نار عاليه وانا جنبه القدر واحركه كل دقيقتي عشان مايحترق
وبعدين سكرت الغطاء وقصرت على النار صغيره وكل عشر دقايق احرق الجريش عشان مايلصق
وخليته 4 ساعات ونص على النار مع التقليب المستمر ولو احتاج مويه احط عليه شويه
وقدمته لعايلتي الصغيره مع مرقة لحمه عاديه وبامكانك تحطين بصل مقلي وبهارات وليمون اسود على الوجه بالهنا والعافيه
وارسلت لخالتي وحماتي منه واعجبهم انا ماذقت احلا ولا اطعم منها جريشه
والتجربه خير برهان
وهذه صورت الطبق النهائيه
201011091076
واول وحده ترد لها طبق ثاني هذاهو
201011091076
السر وراء ابداعي شعولي فديت خشيمه وليدي يحب الدريشه )(الجريشه)(
يقول اذا تغدا عند جدته اكليت عند جده دريشه
تراه صغير عمره سنتين الله يحفظه
@كــرز@ @krz_18
محررة برونزية
يلزم عليك تسجيل الدخول أولًا لكتابة تعليق.
اموت على الجريش ياحبي له
وبطريقة عمتي شيء خيال
الله يسامحك شهيتيني
تخيلي شكلي داخله ذلحين اطبخه هههههههه
وبطريقة عمتي شيء خيال
الله يسامحك شهيتيني
تخيلي شكلي داخله ذلحين اطبخه هههههههه
الصفحة الأخيرة
يعطيك العافية