صباح الخير والرضى من الرحمن

اول شيء مبارك عليك .. والله يعطيك خيرها ويكفيك شرها

ثاني شيء .. نفس حقتي ... انتي كم غرزة فيها ؟.. لان حقي فيها اظن 21 غرزة و 550 طبعا بدون الصندوق

ثالث شيء والاهم ..

اولا لازم تركبي الخيط مرة مضبوط بكل خطواته
بعدين اضبطي العيارات
الاول القرص اللي فوق الابرة الابيض خليه بين 3 و 4 واصلا تلقين هذا القرص مرسوم بين هالرقمين خط والارقام الثانية ما عليها خط ويقصدوا بالخط ان الخيط في هذا الخط وضعه هو انسب شيء للخياطة العادية - لانه في تطبيق الغرز تحتاجي احيانا انك تغيري هذا الضبط وهذا في الغرز بس اما الخياطة العادية فانسب شيء الوضع في هذا الخط-

وهذا القرص خاص بضبط الخيط بين الابرة والمكوك .. فإن شاء الله ما بيجمع لك خيوط بعد كذا اذا ضبطتيه

الثاني : الدائرة اللي على جهة اليمين اللي جنب القرص مباشرة هذي تبين لك نوع الخياطة اللي تبغيها العادية او الزجزاج - اللي هي زي المثلثات - او لفتحات الازارير اللي هي على شكل مستطيل
فالان انتي خليها على نفس وضعها اللي هي عليه في الصورة وهي الخياطة العادية

الثالث : الدائرة اللي في اقصى اليمين العلوية وهي مرسوم عليها حروف انجليزية فهذي عشان تحددي نوع الغرزة اللي تبغي تخيطي بيها .. فخليه على وضعه بالصورة على حرف A

الرابع : الدائرة اللي تحتها مباشرة فهذي خاصة بطول الغرزة فكل ما صغر القياس يطلع طول الغرز صغير وجنب يعض - مثل ما وصفتي - واذا كان القياس كبير طالت الغرزة
وهذا انسب شيء له رقم 2 وممكن 3

الخامس : العامود اللي تحت االدائرة السابقة مباشرة هذا اذا ضغطتي عليه وخيطتي يعكس الخياطة على وراء - يعني بدل ما تمشي الخياطة لقدام ترجع لوراء -
وهذا فائدته الاكبر لتثبيت الخياطة . .. يعني شفتي بعض الملابس تنشق ويتفتح خيطها من عند الطرف لانها مو مثبته .. فانتي لمن تجي تخيطي امشي شوي بالخيط عادي لقدام ثم ارجعي لوراء وبعدين ارجعي ثاني لقدام وكملي خياطه بكذا ان شاء الله ما ينفك الخيط بسهوله..

ان شاء الله تستفيدي من شرحي

http://forum.hawaaworld.com/showthread.php?t=2993268
مشكله شائعه عند الخياطه وطريقة حلها

شوفي هذا الموضوع مرررررررة بتستفيدي منه الله يجزي صاحبته خير

الله يجزاكم خييير والله مدري ايش اسوي من غيركم لولا الله ثم انتم كان رحت فيها

والله ماقصرتي يالاماني انت وعطر الكلمات

وبالنسبه للرابط انا حفظته عندي