عنزروت وحلتيت
يقول أحدهم: أمي كانت عايشه عند أخوي بحايل , وكنت أنا قاعد أعمر لي بيت بالرياض
وبعد ما خلص البناء قررت أني أجيب أمي تسكن معي علشان أبّر فيها وأكسب أجرها
فطلبت من أخوي أن يرسلها بالطياره ويوصّي أي عائله بنفس الرحله أن ينتبهوا للوالده
وفعلا ركبت أمي الطياره ووصلت للرياض
أستقبلتها وأخذتها عند سير العفش علشان ناخذ شنطتها وسألتها عن شكل ولون شنطتها وصرنا ندور
فأشرت لي على شنطه وشلتها ورحنا للبيت .
يوم وصلنا للبيت حطيت شنطة أمي بغرفتها وقلت : يمه ترا هذي غرفتك وهذا دولابك
حطي ملابسك بالدولاب وتعالي نسولف
ورحت أنتظرها ترتب ملابسها وتجيني بالصاله
وبعد شوي سمعت أمي تقول : عوذااااااا .. وشو هذا .. عوذااااا .. هالبلية هذا وشو ..
فأخذت نعالي (وانتم بكرامه) ورحت أركض لغرفة أمي قلت أكيد صرصور
وفتحت باب الغرفه ولقيت أمي فاتحه شنطتها ومطلّعه منهامايوه أحمر فاخر جداً
وطالعت فيني وقالت : ياوليدي وش هالغرضان اللي بشنطتي ؟
طبعاً عرفت أن فيه شي خطأ فبدأت أفتش الشنطه
وياللهول من اللي لقيته فيها !!
لقيت شنطة مكياج كريستان ديور وعطر شانيل وسشوار مولينكس وبنطلونات جنز والبوم صور لوحده لبنانيه بالمايوه الأحمر على البحر وصورها بعيد ميلاد و مع واحد ( كنه عاصي الحلاني )
المهم قلت لأمي : يمه هذي شنطة وحده لبنانيه ماهي شنطتك
وبرجعها هالحين وأجيب شنطتك
قالت أمي : ياوليدي أنتبه لاينسرقن غرضاني تسرقهن هالبنت .. قلت : وش فيها شنطتك يمه ؟
قالت : بها شيح وعنزروت وحلتيت ومرّه وقيصوم وملابسي
قلت في نفسي : هالحين راعية هالصور تبي تسرق شيح وحلتيت وسروال خط البلده !!!
المهم رحت لقسم خدمات العفش بالمطار وأول ما وصلت لقيت اللبنانيه اللي بالصور
وكانت واقفه وحاطه رجلها على شنطة أمي وحاطه منديل على خشمها
قلت لها : حنا آسفين هذي شنطتك وأعطيتها شنطتها
وأخذت شنطة أمي .
وقالت لي باللهجه اللبنانيه : بنصحك أبل ما تاخد هالشنتايي تفتحها .. لايكون فيها شي بني آيدم ميت
ههههههههههههههههههههههههه
من الايمييل
عـــهـــود الشووق @aahod_alshook
عضوة نشيطة
يلزم عليك تسجيل الدخول أولًا لكتابة تعليق.
الصراحه انا زي امه بيتي مايخلى من العنزروووووووت والحلتيت والمسمى فوايدهم تجنن
تاخذين مقادير متساوية وتذوبينهم بماء دافي وتدهنين العيال فيهم اذا صابهم نزلة معوية ايقومون اليوم الثاني طيبين بحول الله وقوته انسي المستشفيااااااااااااااات بالنزله المعوية
تاخذين مقادير متساوية وتذوبينهم بماء دافي وتدهنين العيال فيهم اذا صابهم نزلة معوية ايقومون اليوم الثاني طيبين بحول الله وقوته انسي المستشفيااااااااااااااات بالنزله المعوية
الصفحة الأخيرة
حلللللللللللللللللللللوه