والله زمان عنكم بس لاتلوموني تراي 24 ساعه متقلصه عند الدفايه :D
لكن اليوم كن الجو اشوى شوي قلت خليني اتسنع واسوي لابو الشباب ذاك العشاء اللي يشرف ... عاد قعدت افكر وافكر وش اسوي اليوم ليما دار راسي وانا بالمطبخ
ويانبوعه ياام جنووووووو وش تسوين وش تسوين لااااااااازم شي جديد ماقد سويتيه
قلت يابنت الحلال << الحمدلله والشكر تكلم نفسها .....
قلت اليوم خربطي سوي من عبك ان صلح زين وان ماصلح المطعم قريب ( عبك = مخك خخخخخخخخ )
بس والله سلم عبي الذكي اللي اخترع هالطبق والمقادير ..... والله العظيم اني مغير اتميلح عند رجلي كاشخة فيه خخخخخخخخخخخخ ..
طلع جناااااااااااان بعلولتي انجن عليه .. شوفوا الصحن اللي تحت ترى ابو الشباب
اكله كله ( ياعله هني ) .. بالعاده اكله مثل اكل العصفور بس بطبقي هذا ماقااااااوم :232: ..
اما انا لي الله .. بس اتفرج فيه وسعابلي تناقط ابيييييي << لا راح الرجال ..
والاخت الكريمه ماتقدر تاكل لانها مسويه رجيم ..
بس يوم شلته للمطبخ هجمت على الباقي وانقهرت ليش مااكلت معه
<< هماك تقولين اكل كل الصحن خخخخخخخخخ ( هو مااكله كله وانما هذا نوع من انواع المبالغه ) ..
بقى فيه 3 ولهطتم واستقروا ببطيني وخرب الرجيم..
يااااااااااااويلي شكلهم ودكم تكفخوني على هالبربره ... يالله يالله اببدى ...
مقادير العجينه ...
كأس طحين ( الكويتي او اي شي )
ثلاثة ارباع الكاس ماء مذوب فيه ملعقة خميره صغيره
4 م ص حليب بودر
1/2 م ص ملح
2م ص سكر
1م ص بيكنج بودر
بيالة زيت
( الملقعه مو الصغيره مره حقت تحريك الشاهي لا اللي اكبر منها شوي ) ..
الطريقه
حطي الدقيق والحليب والبيكنج بودر والملح والسكر مع بعض واحركيهم ليما يتخالطون ..
بعدين حطي الماء والخميره والزيت واعجنيهم كويس ليما تصير ناعمه ولينه وخليها تتخمر لمدة ساعه ونص ..
http://uae4up.com/uploads/7a57880b7a.jpg
قطعي الخضار الموجوده عندك واللي تحبينها مربعات صغيره ... واسلقيهم نص سلقه..
( اسلقيهم احسن من القلي عشان ماتصير ثقيله لانه الفطاير راح تنقلى )
انا حطيت بطاطس وكوسه وجزر وباذنجان وقرع ...
بعدين ابشري 3 حبات ثوم كبار بالمقلى وحطي معاه فلفل اخضر بارد مقطع قطع صغيره وشويه زيت واحمسيهم ..
بعد كذا حطي معجون طماطم وعصير حبتين طماطم ( اطحني الطماطم بالخلاط ) .
بعدين حطي الخضار والملح والبهارات والماجي الابيض وقلبي المقادير شوي
بعدين شيليها من على النار وحطي على المقادير 1 جبنه البقره الضاحكه او 2 او حسب الرغبه ..
وحركي الجبن مع الخضار ليما تتداخل معه وبتذوب بسرعه لان الخضار حاره ..
قطعي حبه خيار قطع صغيره مره واضيفيها للمقادير لما تبرد شوي وهذا سر النكهه ...
يتبع
الحين نجي للعجين .
اولا رشي مكان الفرد للعجين بالدقيق وكثري -- بعدين افرديها وسمكها مايكون عريض .. خليه وسط .
بعدين امسحي الوجه بالبيض ورشي كميه كبيره من الدقيق على البيض ..
قطعي العجينه بكاس او اي قطاعه دائريه .
بعدين اقليهم بالزيت ..
شوفي ( وانتي تقلينهم ارشقي الزيت عليها من فوق عشان تنتفخ ) << الله من زين الشرح :30:
وهذا اهم شي .......
طلعيهم من الزيت وحطيهم على مناديل ..
بعدين شقيهم بالسكين بحيث تصير مثل الفم المفتوح << حتى التشبيهات كنها وجهها خخخخخخ
حشيهم بالخضار وصفيهم في طبق التقديم وخليك سنعه وتفنني بطريقة التقديم ..
وتفضلوووووووووووووا حياكم بس شوي شوي لا تكسرون .....
جربوه وماراح تندمون
ويالله ابروح انام عشان يجي بكره بسرعه عشان اسوي نفسه ههههههههههههههههه