السلام عليكم ورحمة الله
بنات انا متزوجة لي فترةوخريجة عاطلة ماعندي اي شي اسويه
وقت الفراغ عندي كبير واهلي بيتهم بعيد عني وساكنة جنب اهل زوجي بس علاقتي فيهم سطحية
المهم ان زوجي مرتبط بدوام وصداقات وخرجات ونادي ووقته اغلبه مو بالبيت
م يفضى لي كثير ولا يحب يخرجني مولات او ملاهي او منتزهات يشوفها صرفيات فاضية ودلع ويكره تجمعات الناس والزحمة
يطلعني نادراً وللبر مرة كل شهر تقريباً . وجنبي في محلات ومولات اقدر اروح لها مشي واتمشى وارفه عن نفسي
بس يمنعني مايوديني السوق غير للاشياء الضرورية ويجلس ع راسي حدي نص ساعة واخرج
الحمدلله يمكن هذا شي بسيط وانا راضية بس طقيت بين اربع جدران مدري كيف اقضي وقت فراغي
شورو علي كيف اغير قناعاته
واعطوني طرقكم كيف تقضون الوقت الفاااضي الي عندكم خصوصاً اللي موموظفة ولا تدرس ولاعندها شي يشغلها
وشكرا حبيباتي الله يسعدكم ويسهل اموركم
يلزم عليك تسجيل الدخول أولًا لكتابة تعليق.
بهم تكتمل الحياة
•
اشغلي نفسك بقراءة قران ولا تمارسي هوايه تحبينها وتسوي لك جو مع نفسك تهتمي ماسكات وحمام زيت لشعرك تتفرجي شئ تحبينه ونصيحة دام بااول حياتك حاولي معاه مره واثنين وثلاث مو بعناد وراس براس بالمسايسه لين يتعود دامك بااول الطريق حيتغير ان شاء الله وعليك بالدعاء
ادخلي تحفيظ لو يرضى .. اقرأي كتب تستفيدي منها .. أدخلي المنتدى فيه هوشات ع كيف كيفك تطير الطفش غصب 😁.. ربي يهديه ويسخره لك
um joud
•
يتغير مع الوقت والزمن مو بطرق ولا بخطط
وخذيها مني
الرجال اذا جيبه مليان وماورراه هموم اقساط ومديونيات ومصاريف وفواتير
راح يتركك بالسوق عشرة ساعات وفوقها بطاقة الفيزا
لكن اذا حاله ضايق اكيد اخلاقه بتضيق وبس يجي طاري الخروج والطلعة وخاصة كلمة مول
يوقف شعر راسه ويتحسس من الموضوع ويقلب نفسيه
فتحمليه واصبري وداريه وتفهمي وقدري موقفه وظروفه ونفسيته
وهو يتغير معاك وتتاقلمي معا
وخذيها مني
الرجال اذا جيبه مليان وماورراه هموم اقساط ومديونيات ومصاريف وفواتير
راح يتركك بالسوق عشرة ساعات وفوقها بطاقة الفيزا
لكن اذا حاله ضايق اكيد اخلاقه بتضيق وبس يجي طاري الخروج والطلعة وخاصة كلمة مول
يوقف شعر راسه ويتحسس من الموضوع ويقلب نفسيه
فتحمليه واصبري وداريه وتفهمي وقدري موقفه وظروفه ونفسيته
وهو يتغير معاك وتتاقلمي معا
الصفحة الأخيرة