أخواتي العزيزات قبل سنة تقريباً شفت طريقة لإحدى الأخوات في المنتدى (ماأذكر أسمها) لتحضير السندويتش الفرنسي بحشوة مشكلة وحفظت الطريقة عندي بس ماجربتها
وقبل فترة قصيرة تذكرتها وجربتها وكانت جداً رائعة بالشكل والطعم ، فحبيت أعطيكم المقادير والطريقة عشان تشوفونها وتجربونها ، لأنها وصفة رائعة وحلوة كثير للعشاء
الله يجزي صاحبتها كل خير ويحرم ايدينها عن النار
المقادير والطريقة مع بعض
حبة سندويتش فرنسي بالحجم اللي تبينه ، أنا أستعملت الحجم الوسط
عشان الطبق لشخصين
نشق السندويتش بالنص وندهن الجزء العلوي بطبقة من جبن الكاسات
والجزء السفلي ندهنه بالمايونيز والكاتشب وقطرات من الخردل
نطبق الجزئين على بعض ونرجع نفتح السندويتش
نضع المقادير التالية ورى بعض: خس أمريكي شرائح + حلقات خيار + حلقات طماطم
فلفل رومي + زيتون أسود + بيض مسلوق + قطع مرتديلا + جبن سلايس
نقفل السندويتش ونلفه بالألمنيوم ونضع عليه ثقل لمدة نصف ساعة
(أنا بعد النصف ساعة دخلته فرن ساخن مسبقاً وخليته 10 دقائق وطلعته)
يقطع السندويتش شرائح ويقدم مع البطاطس المقلية
هذا شكله من قريب
ملاحظة:
هاذي الحشوة بالصمون تطلع جداً جداً لذيذة
:26:
بالهناء والعافية على قلوبكم
