السلام عليكم ورحمة الله
صبااااااااحكم خير:26:
من أمس وأنا ماجاني النووووم بس أفكر باللي صار سبحان الله :(
والله ماتوقعت كللللللل اللي شفته...
لكن سبحان من أقسم أن ينصر دعوة المظلوووووووووم ولو بعد حيييييييين....:(
سبحان الله العزيز الجبار ...
وحدة من قريباتي جمييييلة ماشاء الله وأخلاقها عسسسل تزوجت تقريبا قبل أربع سنوات...واللي تزوجها أبوه يقرب لأمي..
بعد شهر من زواجها توفى أبو العريس..
زوجها هو وحيد أمه وخواته...خواته أربع كلهم صغار 13 سنة وأقل..
طبعا أمه وخواته سكنوا معه في شقته..
وزوجته ماقصرت معهم<<<اللي حنا نشوفه ونسمع فيه
ومرت شهور وحملت العروس
وأم الزوج موكبيرة أبدا...ومع ذلك حاطه رجل على رجل ولاتلمس هي وبناتها أي شئ في البيت مو بس في البيت إلا حتى ملابسها وملابس بناتها والطبخ والغسل وكلللللل شئ...حتى تتحكم بطلعتها ودخلتها
وبنومها ومتى تدخل غرفتها....وحطت أنظمة أنك لازم تقومين الساعه 6 الصباح تحطين فطوري أنا وبناتي سواء أكلناه وإلا لا ..مع العلم أنها تعبانه من الوحام...لكن تبي الحياة تستمر ولاتقول لااااااا وطيبة معهم..تاخذ البنات وتختار لهم اللبس وترحمهم تقول أيتااام باخذ أجرهم وأحب زوجي أبيه يفرح..
المهم توها ماكملت شهرين من حملها
ويجي ذاك اليوم بعد ماطبخت الغدا وحطته للأم وبناتها وتغدوا ورفعت السفرة وراحت تنام في غرفتها
طبعا الغرفة فاتحه لهم الأحقيه يدخلون ويطلعون عليها
وتجي الأم وتصارخ على ولدها شفت زوجتك ماغسلت مواعين الغدا نامت ولاغسلت القدر والصحن:angry2:
وتروح تقوم البنت قالت ياخالة والله أني تعبانه من الوحام غصب عني فيني النوم والله أغسلهم أذا جيت أصلح قهوتك
قالت لاااااا قومي
وقامت غسلتهم
وفي الليل برضو بعد ماتعشوا وغسلت كل شئ راحت تنام إلا زوجها راجع من برا وجلس شوي مع أمه
وفجأة دخل على زوجته قال أجمعي عفشك...ليه؟؟؟؟....وكيف؟؟؟؟؟وش السبب؟؟؟؟؟؟؟؟؟
وراحت البنت وجلست إلين ولدت ولا سأل فيها ...وأبو البنت يحاول يصلح ويرجع الأمور
وناداه قال تعال تفاهم وأجلس مع زوجتك وفعلا جلس معها..
وطلع تركها
قال أبوها لوتبي رضاوة أنا بنفسي أعطيك أذا مامعك لكن حرام الطلاق وبينكم بنت ولابينكم مشاكل!!!!
والرجال متردد...
آخر شئ طلقها......ونقل عن بيته لبيت ثاني فله ملك وسوا حفلة وماخلت أمه أحد بالحفلة إلا حشت قدامها بالبنت بأنها وسخه و...,و....و...
طبعا دقوا على أهل البنت قالوا روحو لبيتنا القديم وشوفوا المفتاح مع صاحب البقالة خوذوا عفش بنتكم
الصدمه أن أم الرجال أخذت كلللل شئ ثمين حتى العطورات وتركت ملابسها وجزمها وأنتم بكرامه بأكياس زبالة في الغرفة طبعا البيت خااالي مافيه أثاث...والصدمه أن ملابسها حاطين مثلا تنورة والبلوزة ماخذينها..والجزم كذلك ماخذين وحدة ومخلين وحده يعني ماراح تستفيد منهم شئ!!!!!!
ولكم أن تتخيلوا نفسيت البنت بكاء وحزن وظلم وقهر وأهلها مقهورين...وأمها تتعذب من عذاب بنتها
طبعا الطفلة بنتهم مايعرفونها بأي مصروووووف أبدا...
وراحت البنت ماعندها إلا الثانوية وأشتغلت بمدرسة بعدين تبيع في سوق نسائي عشان تقدر تكد على بنتها..
طبعا أم الزوجة كانت دايم تكلم أمي تبيها تتوسط بما أن أمي تقرب لأبوه ...ولكن مافيه فايدة الظالم مايحس غير بقوته وجبروته .....وأم الزوجة تتحسب وتدعي..والزوجة المسكينه تدعي....
حتى بعد نفاسها كان عندها أمل يجي ياخذها تخيلوا صابغه شعرها ومتجهزة وتقول وش رايك نوارة أحلويت بعد الولادة وش بيقول فلان لاشافني...أكسروا خاطرها...
المهم مرت أربع سنوات والأم وولدها عايشين حياتهم ولاتسوي شئ من سفر وطلعات إلا وتتصل على أقرباء طليقة ولدها عشان تبيها تنقهر...وكل ماجابت شغاله أنواع الإتصالات..وهكذا...
وبعد ثلاث سنوات من طلاقها تزوجت البنت واحد أحسن من طليقها بكلللللللل شئ سبحان الله رزقها ربي الله يوفقها
ومدلعها هي وبنتها الله يخليها لها...
والرجال وأمه أنقهروا وبدوا يطلعون الكلام ورفع قضية يبي بنته وكذب في القضيه أن طليقته وأهلها يمنعونه من السلام على بنته......الله المستعان وهوماعمره ولافكر يمر عليها ولايصرف عليها....
طبعا الرجال أمه ناشبه له ولافكرت تخطب له تخاف ولدها يروح منها....
وقبل أسبوع سمعت الخبر أن أم الرجال سوت عملية خفيفة وبعدين طلع عندها ورم..وزارتها أمي وقالت لأمي أناخايفه على بناتي مالهم أحد !! عمانهم وزوجات عمانهم مايرحمون وبينهم مشاكل وهم صغار في البيت :(
وأخوهم دوامه أستلامات....,وطمنتها أمي....وبعد كم يوم سمعنا أنها دخلت العناية المركزة
...وولدها من فترة كل من شافه يقولون متغير صاير نحييييييف مرة وطلع عنده عضلة القلب ضعيفة ولا له علاج:(
لا حول ولاقوة إلا بالله...
والحين ماتسمعون إلا كلام من تحت لتحت بأن هذي دعوة المظلومة طليقته
تخيلوا كانت تقول لي أسأل الله أن يريني فيهم عجائب قدرته ويحرق قلبه مثل ماأحرق قلبي
ويبدل حالهم مثل ماأبدلوا حالي وأبكوني.....
لييييييييييييش ليييييييييييش الناس صارت ماتخاف الله
كثير من الرجال وأمهاتهم يتمادوووون يستهينووووون بدعوة المظلوم..
يحسبون بنات الناس لعبة
بنات الناس مثل خواااته
وش أعظم من دعوة المظلوم؟؟؟؟؟؟؟؟؟؟
قال الرسول عليه الصلاة والسلام( أتقوا دعوة المظلوم فأنها تصعد إلى السماء كأنها شرار)
وقال عليه الصلاة والسلام(ثلاث لاترد دعوتهم وذكر منهم و دعوة المظلوم يرفعها الله دون الغمام يوم القيامه
وتفتح لها أبواب الجنة ويقول بعزتي لأنصرنك ولوبعد حين)
لا حول ولاقوة إلا بالله وأنا لله وأنا إليه راجعون
نواااره2009 @noaaarh2009
عضوة فعالة
هذا الموضوع مغلق.
لا حول ولاقوة الا بالله العلي العظييييييييم سبحان الله سبحان الذي يمهل ولا يهمل والحمدلله الي عوضها خير سلمي عليها ياصقيقتيلا حول ولاقوة الا بالله العلي العظييييييييم سبحان الله سبحان الذي يمهل ولا يهمل والحمدلله الي...
ياهلا والله بصقيقتي
وينك يالقاطعه أنا زعلانه علييييك:angry2:
ههههه والله أشتقت لك
الله يوفقك ويشرح صدرك ياعسسل
وينك يالقاطعه أنا زعلانه علييييك:angry2:
ههههه والله أشتقت لك
الله يوفقك ويشرح صدرك ياعسسل
girl511 :
لا يمكنك مشاهدة هذا التعليق لانتهاكه شروط الاستخدام.
لاتشكين لي أبكي لك
والله مجربة أخت زوجي الكبيرة لااااااعبه فيني وزوجي رغم شخصيته القوية وهيبته لكن سبحان الله يحط لكلامها أعتبار يعني كل أربعاء وخميس وجمعه وهي عندنا وأنواع المراقبة ولايطلعني بوجودها ولاشئ
مع العلم أنها تسافر وتجي وتروح...تصدقين كم مرة تسبب علي بعدم سفري طبعا بكيد النساء تقلب الموضوع وتخليني بالفم المليان أقول مابي أسافر:(
لكن الله ينصرني عليها
وأنا أول أطير فيها إذا جات أنزل الحلا والفطاير بعدين يوم أنقرصت منها أكثر من مرة سحبت عليها
ناس ماتستاهل
والله مجربة أخت زوجي الكبيرة لااااااعبه فيني وزوجي رغم شخصيته القوية وهيبته لكن سبحان الله يحط لكلامها أعتبار يعني كل أربعاء وخميس وجمعه وهي عندنا وأنواع المراقبة ولايطلعني بوجودها ولاشئ
مع العلم أنها تسافر وتجي وتروح...تصدقين كم مرة تسبب علي بعدم سفري طبعا بكيد النساء تقلب الموضوع وتخليني بالفم المليان أقول مابي أسافر:(
لكن الله ينصرني عليها
وأنا أول أطير فيها إذا جات أنزل الحلا والفطاير بعدين يوم أنقرصت منها أكثر من مرة سحبت عليها
ناس ماتستاهل
الصفحة الأخيرة
سبحان الله
سبحان الذي يمهل ولا يهمل
والحمدلله الي عوضها خير
سلمي عليها ياصقيقتي