قبل فتره جيت استنجد عشان الفريزر يوم عفن بدون الكهربا .. لقيت الحل تعااالللوووووا(*)

السلام عليكم ... ياكل حواء موجوده بهالعالم الحلو .. استفدت منكم الكثير بصراحه وتعجبني افكاركم الروووووعه ماشاء الله تبارك الرحمن ..

اليوم قلت افيدكم ..

قبل فتره نزلت موضوع .. كنت استنجد من ريحة الفريزر

طبعا كان فيه لحم ولحم مفروم ودجاج 3 ايام تخيلواااا يالطيف الريحه صارت ريحة جيفه لدرجة انه قامت تطلع حشرات مدري شلون طلعت داخل الثلاجه والفريزر شي مثل الذباب بس ابيض .. عموما .. :blink:

:dry: مالكم بالطويله .. اكتئبت لاني ماخليت شي ماسويته .. جبت الكلوركس لحاله وغسلت فيه الثلاجه والفريزر بعدما رميت كل شي فيها .. وخليتها مفتوحه واليوم الثاني نفس الشي الريحه لازقه ...:frown:

جبت ديتول ثاني يوم لحاله وحطيته في مرش وبعدما غسلت الثلاجه مره ثانيه بالكلوركس والتايد .. ونظفته بالمويه رشيت عليه الديتول على امل اقولم القى الريحه راحت .. ونففففس الشي ...

ثالث يوم كررت نفس امس وزياده حطيت فحم وهيل وقرنفل .. وحطيت مبخره فيها جاوي ومستكه .. قمت اليوم الثاني نفففففففس الشي عارفين ريحة هالاشياء ماكأنها موجوده والله العظيم جاني احباط قلت خلاص مافي الا نبيعها والشكوى لله هذاك الشهر كانت الميزانيه زففففففت ومقبلين على رمضان يعني انواع التحطيم

جيت اليوم اللي بعدها لبست القفازات كالعاده قلت اكيد ان الريحه من داخل يابنت واكثر اللي عفن كان في الفريزر ... رحت سلمكم الله كان فيه خلفية الفريزر اثنين من البراغي ... :S_45: جبت السكروب وقمت افك فيهم وطلعت الخلفيه حقت الفريزر هالكلام لما افتح الفريزر مب من ورى من داخل وناديت زوجي يساعدني وسحب القطعه اللي كانت تغطيه طبعا الحشو كله فلين عريض ... :icon8: وكل الروايح المخيسه فيه ..

رحت عبيت البانيو شوي بس حق الللي يغطي القطعه واحط كلوركس وانقعها فيه ...وادهر على الفريزر تنظف للخلفيه بدون مامسك شي بس بالمرش معبيته كلوركس وارش وامسح .. .. طبعا ( اذا فيكم حساسية بالصدر البسوا اللثمه حقت الدكاتره عشان ماتتاثرون بالكلوركس وريحته )

بعد هالتنقيعه غسلته بالماي وتأكدت لما شميته انه مافي الريحه الكريهه بس ريحة الكلور

:icon31: طبعا ابو الوناااااااااسه ناديت زوجي ورجعها مكانها ورجعنا البراغي مكانها ...

وخليت الابواب مفتوحه بدون ماشبكها لليوم الثاني العصر بعدما جفت نهائيا .. والا الوضع مطمئن مافي ريحه ... قفلت الابواب وشغلتهاااا وخليتها ساعتين :unsure: والوساوس تاخذني لهناك وهنيا ... خخخخخخخ

عاد بعدهالساعتين جيييييت وافتح الباب الا والله ماكأنها الخايسه قبل يومين :icon32:.. ورب المصحف بنات ريحة الكلوركس ... المغرب رحت مع زوجي قضيت للثلاجه والفريزر وعبيتها .. والله ولاحتى اللي كنت خايفه منه انه الريحه تمسك في الاكل .... رااااااااحت واليوم صارلي اسبوع ولا احلى :2thmup:


الحين لحد يقول ببيع ثلاجتي ... وهذا انا جبت لكم الحل ... تكفون دعوة صادقه ان الله يحفظلي زوجي وبنتي ووالديني .. ويرزقني الوظيفه اللي تحسن وضعنا المادي ..


:heart: كل الحب