البقلاوة ..ساعدونى فيها

السلام عليكم و رحمة الله و بركاته

أختي أم صمودة , تأمري حبيبتي و لا يهمك .
بصي يا ستي , أنت تجيبي باكيت جلاش و ياريت يكون نوع حد من أصحابك مجربه لأن فيه أنواع في الأسواق ورقتها غليظة بعض الشئ و طبعا لو عملتي النوع ده البقلاوة مش بتكون حلوة . لكن لو جبتي النوع اللي ورقته رقيقة جدا بتطلع حلوة جدا . و للأسف أنا مش هأقدر أفيدك في اختيار نوع الجلاش لأني مش في نفس البلد .

تاني حاجة بتجيبي الباكيت و تخرجيه من الفريزر قبل البدء في العمل بساعة تقريبا.
بعدين تقسمي المقدار الى نصفين.
- دلوقتي هاتي صينية و يفضل تكون مستطيلة لأن الرص فيها بيكون أسهل من المستديرة.
- هاتي سمن حيواني أو زبدة و سيحيها على النار ثم ادهني الصينية بالفرشاة.
- ضعي ورقتين من الجلاش في الصينية ثم ادهني بالسمن بواسطة الفرشاة ثم ضعي ورقتين ثم ادهني
و هكذا حتى ينتهي نصف المقدار ( نصف الباكيت اللي قسمناه مسبقا ) .
- بعد كده رشي المكسرات المجروشة و أنا أرشح البندق بأحس أن طعمه أحلى من الفستق و لكن عموما نوع
المكسرات حسب رغبتك يعني فستق, جوز ........ أي حاجة على راحتك .
- رشي رشة قرفة مطحونة فوق المكسرات ( بتعطي طعم روعة ) و لكن يمكن الاستغناء عنها اذا ما بتحبيها.
- هاتي النصف الأخر من الجلاش و صفيه بنفس الطريقة الأولى حتى ينتهي المقدار.
- دلوقتي قطعي البقلاوة بسكين حاد الى قطع صغيرة على شكل سمبكسة أو مربعات أو كما تشائين .
- ادهني الوجه بالسمن ثم دخليه الفرن حتى يتحمر الوجه .
- هاتي 1 - 1\2 1 كوب شيرة و رشيه على وجه الصينية و هي ساخنة .
- رشي الوجه بالمكسرات المفرومة ( الفستق يعطي شكل حلو علشان لونه ) .
- بعد كده تأكليه أنت و حبايبك بألف هنا و شفا.

دي طريقة الصينية و طبعا ممكن عمل أصابع منه و بتكون لذيذة أيضا .

يعطيك العافية نورما .........شكرا لكى وبارك الله فيك وسامحينى لو تعبتك معى

طريققتك سهلة وبسيطة انشاء اجربها واطبق كل اللى كتبتيه.....حبيت استفسر منك بس سؤال .....كم ورقة من الاسفل اضع حوالى 15 او 20 واقوم بذهن كل ورقتين مو كل ورقة صح هيك شكرا اخيتى على مجهودك الطيب

السلام عليكم و رحمة الله و بركاته

أختي صمودة , لا شكر على واجب حبيبتي أنت تأمري أمر .
بالنسبة لسؤالك , فأنا لا أعرف بالضبط كم طبقة من الأسفل و كم من الأعلى و لكن الباكيت حوالي 1\2 كيلو فكل اللي هتعمليه أنك تفكيه من التجميد و بعدين تفردي الورق (كله على بعضه) لأنه بيكون زي الرول , و بعد كده بتقطعيه مناصفة ثم تلفي نصف منهم بالورق البلاستيك حتى لا يجف و تفردي النصف الأخر في الصينية ورقة ورقة . و بعد الانتهاء من النصف الأول تضعي الحشو ثم ترصي النصف الثاني فوق الحشو بنفس الطريقة .
أما بالنسبة للدهان فبصراحة أنا شخصيا أدهن بين كل ورقة و ورقة لكن البعض يفضلون الدهان كل ورقتين علشان يكون أخف .
لكن أنتي لو بتدهني بالفرشاة بتكون كمية السمنة قليلة و لا بتكون ثقيلة و لا حاجة .
ياريت أكون وضحت لك ما تريدين و أي سؤال من عينيه حبيبتي أنت بس اسألي و لا يهمك .

ياعينى عليك يانورما ....نسلمى حبيبتى على توضيحك ولانك صاحبة الطريقة اسوى مثلك بالضبط عايزه ادهن كل ورقتين ........تسلميلى والله لايحرمنى منك وماتشوفين مر ابدا

تحياتى ام صمودة