كشري مضبوط ومميز

هلا والله بعطيك طريقتنا بالبيت وكل من ذاقه سال عنه من كثر ماهوو لذيذ ماشا الله ..
بالبداية .. اتبعي الخطوات .
*اسلقي مكرونة مع ملح يفضل الدوائر الصغار او مكرونة ديك حسب الكمية بس لاتكثرين حنا نسوي اثنين اذا ديك
واذا كيس واحد وصفيه وخليه ع حنب .

*رز عادي تقريبا نص شيله اسلقيه عادي مع ملح واتركيه ع جنب بعد تصفيته ( الاغلب يستخدم الرز المصري براحتك انا ما افضله)

*كاس عدس صغير او حسب الرغبة غسليه وطبخيه مع مويه و نص حبة ماجي ورشة كمون وثوم مطحون , وقرفه مطحونه .. _(انتبهي بس رشه خفيفة للنكهة ) حتى استواءه .


* نص باكت شعيرية خذيها وحطيها بتاوة فيها شوي زيت وحمريهاا لين يقلب لونها بني اضفي عليها شوي موية وخليها تنضج مع رشة ثوم مطحون ونص حبة ماجي .. وصفيها


ملاحظة ( يمكنك الاستغناء عن الماجي )

الخطوة الاخيرة خذي قدر كبير وحطي فوقه اول طبقة المكرونة بعدها الرز ثم الشعيرية واخر شي العدس وخليهم على نار هادية ..

والحين نجي للصوص وما ادراك مالصوص .. احس هو الي يطلع طعم الكشري فلازم يكون مضبووط ..

بقول الطريقة على طول ..

5 فصوص ثوم قطعيهم صغار مره او ابشريهم .. وحمريهم على الزيت
4 طماطم مبشورة نضعها على الثوم
صلصل تقريبا علبة كامل والبهارات فلفل اسود وكمون ..
وحطي فلفل حار اذا حابته حار مرا قطعيه .. وحبة ماجي وثلث ملاعق خل
كلهم عالثوم بدون اي تحريك خليهم يتسبكون واذا حسيتيها ثقيلة زيدي شوية مويه
بعدها نحركهم مع بعض لين يطبخون ..


والحين البصل وطبعا احسه من الاساسيات بالكشري ..
بصل قطعيه شرايح .. تبليه بفلفل اسود وملح وطحين .. ثم اقليه عالزيت لين يصير بني
انتبهي لايحترق بس يكون مقرمش وبني شيليه


نجي للسررررررر .. الزيت تبع البصل لاترمينه حطي فوق الكوشري الي بالقدر وخلطيهم (الرز والعدس والشعيرية الخ ..

وايضا خذي 4 ملاعق زيت من تبع البصل وحطيه على الصوص الاحمر .. يممم يم ع الطعم ان شاءالله يضبط معاك ويعجبك ..

دعواتك لي ..

الله يعطيك الف عافيه ياختي  الله يعطيك ماتتمنين ويسخر لك زوجك وعيالك 

ماشاء الله الوصفة حق غموض انثى روعه جزاك الله خيرا

وانا مثلك نفسي اضبطه اسويه بس مايكون مميز احس عادي

ياحبيلك مايبي له شي سهل اول شي انقعي العدس الاسود في مويه دافيه لمدة ساعه عشان يسهل طبخه وصفيه واسلقيه مكرونه طوال واصغار اسلقيها في مويه وملح وزيت رز مصري اغسليه وانقعيه بمويه دافيه نص ساعه واسلقيه شعيرية كسريها احمسيها بزيت وزيدي عليها مويه اذا صارت ذهبيه وملح اذا تشربت طفي عليها وصفي كل هاذولا المقادير كل شي بلحاله اخر شي قطعي بصل جوانح ويكون كثيرررر واحمسيه بزيت زي الكشنه بس خلي زيته كثيرالين يصير ذهبي شوي وجيبي الخلاط حطي طماط ثوم ملح واخلطيه مع شوي مويه وحطيه في قدر على النار وأول مايغلي حطي مكعب ماجي بهارات وصلصه واذا تبينها حاره حطي معها شوي فلفل احمر حار وخليها تتسبك وتصير ثقيله طفي عنها النار وخليها على جنب اذا تبين نفس حق المصريين حطي في الخلاط عصير ليمون مع ثوم في الخلاط وفي الاطباق الغويطه اغرفي اول شي مكرونه بعدين رز بعدين عدس بعدين الشعيريه بعدين البصل وبعدين الصوص الأحمر وممكن تخلينه على جنب زي ماتحبين بعدين الثوم والليمون وهاذولي الافضل تخلينهم على جنب للي يحب يضيف وبالعافيه