كل عام وانتوا بخير
المكونات:
3 كوب دقيق
كوب ونصف جوز هند مبشور
كوب زبده طريه
كوب سكر بودره
2 بيضه
فانيليا
ملعقه صغيره بيكنج بودر
وللوجه:
بياض بيضه
جوز هند مبشور
الطريقه:
في اناء هنحط الزبده والسكر البودره
ونضربهم بمضرب البيض لغاية مايبقى قوامهم كريمي
ونضيفلهم البيض والفانيليا
ونضربهم لغاية مايختفي البيض من الخليط
ونضيفلهم الدقيق والبيكنج بودر وجوز الهند
ونقلبهم بالاسباتيولا لغاية مايمتزجوا مع بقية الخليط ومنضربهمش بمضرب البيض
وطبيعة العجينه طريه فهنغلفها ونحطها في التلاجه لمدة نص ساعه قبل مانشتغل بيها
ولما نخرجها من التلاجه هناخد منها جزء نفرده بالنشابه
ونقطعه على شكل دايره او اي شكل تحبوه ونرص البسكويت في صينيه مدهونه وندهن وشه ببياض البيضه ونرش عليه جوز الهند
وندخله فرن حرارته هاديه لغاية مايستوي ووشه يحمر
وده شكله النهائي
وبالهنا والشفا
يعطيك الصحة