السلام عليكم ياحلوات
كيفكم مع البرد اللي ياما راح ياما جاء
ما ابي اطول عليكم
لطالما استفدت منكم ودعيت لكم
وهذي أول مرة اضيف موضوع
ارجو انها تعجبكم لأنها من جد تستاهل التجربة
الطريقة :
علبة قشطة +نص كاس سكر +فنجال وربع زيت +ذرة فانيليا+ملعقة طحينة سايلة تخلط مع بعض الى ان تذوب ثم يضاف لها كاس حليب بودرة+كاس سميد.
مقاس الصينية البايركس الوسط
تدهن الصينيه بطحينه وتصب الخلطة وتزين باللوز المقطع وتدخل الفرن تقريبا ربع الى ثلث ساعة من تحت وتشقر من فوق
اول ماتطلعينها حطي عليها نستلة الكمية اللي تبين
وبالعافية
طلب : ياليت تدعون لصاحبتي اللي أخذت منها الطريقة ان الله يشفيها ويعافيها ويردها ردا جميلا لأنه عزيزه علي الى اقصى حد:(
الله يتقبل مني و منكم
يلزم عليك تسجيل الدخول أولًا لكتابة تعليق.
الصفحة الأخيرة
والله يشفي صاحبتك..يارب