يختي نفسياتهم قبل مهب مثل الحين
اللهم لك الحمد حتى البزر تلقينه نفسيته تعبانة ومدري ايش..
والله كل مازادت خرابيط هالدنيا كل مازاد خرابنا..

الله يجزاك خير اختي على الموضوع ماقصرتي..

يعطيك العاااااااااافية على ها الكلام الطيب
بس انا راح أزيد على إللي قلتيه كم كلمة إذا ماعندك مانع :biggrin:
غـــــــــاليـــــــــتي ...
لو كل أم اتقت الله في بناتها وعلمتهم السنع من يوم هم صغيرات كان وفرت على نفسها وعلى بناتها الهم والكدر إللي لا قدر الله ممكن راح تشوفها مع زوج المستقبل
لكن تفتح عينها على كل شي موفر لها في بيت ابوها فتتوقع إنها راح تعيش مثل ها العيشة إذا مش أحلا
الشغالة والسواق والطلبات أوامر
ولا تشيل ولا تحط ولا تغسل ولا تكنس ولا تعرف كيف تدبر أمورها
نتيجة طبيعية لما تنتقل لحياتها الخاصة تكون عندها ردة فعل لكل شي
متعودة على الدلال ..فتفكر ولد الناس مثل ابوها ولا خالتها مثل امها
المفروض علي وعلى كل أم نعلم بناتنا المسؤولية من هم صغيرات عشان يفيدون انفسهم قبل كل شي
ونفهمهم إن اللي متوفر في بيت أهلها ماراح يكون موجود في بيت زوجها
ختاماً ألف شكر لك
تقبلي مروري:26:

ماشاءالله عليك كلامك جميل الله يعطيك العافيه
اللحين الحمدلله كل شي متوفرغساله اوتماتيكيه ومكواة البخار
وغسالة صحون ووووووووووووبعض الحريم فوق هاذاكله شغاله
والله الرجال مايقصرون بس المشكله فينايالحريم

شوفي ياقلبي الحين كل ماصار شي قالوا حريم قبل وحريم قبل انا مايقهرني الا اللي يقول بزارينها على كتفها وحامل وتطبخ وتكنس
طيب سؤال اول مو مثل الحين مختلف بكل معاني هالكلمه
اول اكلهم غير اكلهم صحي ع الحليب والتمر والبر والسمن والعسل وهالاكل الصحي اللي ينفع الجسم ويعطيه قوه
تلاقين حريم قبل لاحملن لين هم قويات يشتغلون وهن حمل واجسامهم قويه
بس الحين الله يرحم الحال الحريم وبناتنا وش ياكلون الحلا والفطاير والقهوه والشاهي والكرواسان والفتوتشيني هع
وماعرف ايش هالاكل كله نفخه بلا صحه وبلا قوه تجيك البنت لما تحمل لين تعبها كثير وفقر دم ويمكن على ادنى حركه لها بالبيت
تسقط الله يكافينا الشر صح والا لا >>>>>>>>> علمي نفسك خخخ
انا هذا اللي خاطري اقوله من زمااااااان خخخخخخخخ
اما باقي الموضوع فتعليقي انه من صغر عقل المره اللي بتغار من اهله وخواته
يعني لو زوجها يغار من اخوانها لايضحكون معها وش بتكون ردة فعلها
وبس :)

كلام سليم الله المستعان