سوسوه العسولة
مبروك التجمع الجديد وانا بعد بكتب تفاصيل عمليتي يوم الثلاثاء 18 شعبان كان موعد التنويم ورحت وانا حاطه في راسي التخدير النصفي ومقتنعه فيه وقبلها صلييت الاستخارة بناء على نصيحة حصوصتي جزاها الله خير المهم كل اللي حولي قالوا انه مايصلح والكلي افضل ماتحسين بشي يس ماكنت سامعه لهم مقتنعه بالنصفي المهم قضيت ذيك الليلة في المستشفى بدون نوم وكل شوي جايه الممرضة تخطيط وقياس الضغط والحرارة والصبح الساعة 8ونص جهزوني للعمليات وكانت ممرضة سعوديه عسل الله يسعدها تذكرني بالاذكار وتهديني وتغطيني وحنا في الممر وذيك اللحظات كانت رعب اه قعدت اقول مو معقول كل مرة بولد راح اتعرض لهاالرعب كنت مرهقة مانمت وابرة المغذية من امس احسها دخلت في عظمي وتعورني الله يسامح اللي حطتها والقسطرة متعبه خصوصا اني كنت حشرانه مره يوم حطوها وكل هذا خلاني اغير رايي للكلي سبحان الله يعني ماخفت او توترت لاكذا حسيت اني مرهقة وابي انام وكانت خيرة بعدين اقولكم ليش المهم دكتور التخدير يسئلني ليش غيرت رايي اقوله توترت وانا اكذب عليه المهم اللي ضايقني ان الغرفة مليانه رجال عكس عمليتي السابقة والله تضايقت وانا اتخيل نفسي مكشفة قدامهم واقول يارب استرني فوق الارض وتحت الارض ويوم العرض 00اكمل بعدين تعبت
سوسوه العسولة
رجعت لكم قبل العملية بدقايق حكيت لطبيب التخدير اني في عمليتي السابقة اتاخرت مافقت من البنج وطلبت هالمرة اني افوق بدري وفعلا فقت بعد العمليه بسرعة وانا في غرفة الافاقة واحس بالم فظيع بس المزعج اكثر من الالم كان البرد اللي نفضني نفض وقمت اصيح على الممرضة في الم وانا بردانه غطوني وعلى طول غطوني بكم شرشف وكل شوي اصيح انا بردانه ازعجتهم الين جابو جهاز حطوه فوقي مثل الدفاية روعه ريحني والالم مع المسكن بدا يروح وخف وفي هالاثناء استفرغت مادري كيف وانا في ذاك الوضع كانت الممرضة تجري تساعدني وتمسك معاي مكان العملية وكان رحمه من ربي لان كل البلغم طلع وارتحت منه ومن الكحة المهم بعدها ياربي لك الحمد ارتحت ونقلوني على الغرفة وكانت اموري متيسره ولله الحمد
اسعد امراه
اسعد امراه
متى تطهر الوالد بقيصرص لي 16 ما طهرت مستغربه
ودي اصوم كم يوم من رمضان
سوسوه العسولة
ازعجتكم بس نسيت اقولكم ليش الكلي كان خيرة طبعا انا استخرت اذا كان النصفي خير ربي ييسره واذا كان شر يصرفه وسبحان الله غيرت رايي للكلي وعرفت بعدين انه وقت ماطلع ولدي انكتم وصار عنده مشكله في التنفس واسعفوه وودوه على العناية المركزة لو كنت صاحيه وشفت المنظر مادري ايش كان صار فيني لاني خوافه بزياده وحساسة والحمد لله ربي ستر وحفظ ولدي بعد ماجلس فتره في العناية 00ونصيحتي في ليلة العملية كلي واشربي وخذي احتياطك قبل يصومونك لان بعد العملية مافي اكل وعشان تكونين مصحصحة ومافيك دوخه وقبل كل شي التوكل على الله والاستغفار والدعاء
faniah
faniah
للأسف كنت اتهرب من دخول هذا التجمع حتى تمت ولادتي قيصري قبل اسبوعين
الحمدلله على كل حال

سأكتب قصة ولادتي وحذاري حذاري من الدكتوره فاطمه النمر بالمتحدون