علاقتي مع زوجي جداً متوتره والسبب الخياطه ساعدوني برايكم تكفون بكريه ولا افهم

خياطتي بعد الولاده ورطتني مع زوجي تكفون ساعدوني

السلام عليكم 
محتاجه مساعدتكم ياخواتي و نصايحكم انا بكريه  ،،،


ولدت طبيعي ولله الحمد وعملوا لي توسعه وبعد ولادتي بست ايام التهبت الخياطه عندي ورحت للمستشفى وفكوا جميع الغرز واعطوني مضاد للعلاج الاتهاب ( وتعبت تعب مايعلم فيه غير الله الم فضيع) 
بعدها جلست 16 يوم بدون خياطه وقت علاجي للاتهاب ،

 و حددوا لي المستشفى موعد للخياطه وقتها كنت باليوم24 للنفاس 
والحمدلله عملت الخياطه مرا ثانيه باليوم 24 💔 من النفاس وبعدها باسبوع رحت  للدكتوره #وشافت ان عندي غرزه في البدايه منفكه وقالت لي ان الجسم رافضه واضطرت تقصها لي بزي المشرط او الموس . 
وانا لي اليوم من عملت الخياطه الثانيه لي20 يوم ولله الحمد وخلصت الاربعين . 
 المشكله يابناات زوجي ماعنده علم بكل الي حصل وخجلانه اقوله
والان طلعت من الاربعين لي اربع ايام تقريباً 
وهو يبيني ارجع للبيتي وانا مو لاقيه حجه اصرفه فيها ، وكذلك قدام حمولتي مو عارفه شسوي!؟ 
صعبه كيف البس كعب وابخ عطر واتبخر !؟
المشكله ماعرف خيوطي خلصت او لا لاني بكريه ولا افهم بهالامور .....


*** هالموضوع كتبته قبل كم يوم والآن بعلمكم ايش صار معاي عند الدكتوره لاني حيل احترت ورحت لدكتورتين ووابي رايكم من باب خبرتكم : 

1- الدكتوره الأولى بمستشفى حكومي قالت لي : انه الغرزة الاولى الي انفكت للآن مالتمت وراح تسبب لي ألم عند الجماع ، ولابد من التئامها و هو الجلد مفروض من نفسه يلتم وانا لي الآن حول 20 يوم ومع الاسف مالتام ولا اعرف ايش اسوي ، وقالت فقط احط مغطس ماء وملح واراجعها بعد اسبوعين تخيلوا يابنات يعني اجلس بيت اهلي كمان 14 يوم ثانيه لانه تقول ممكن تنفك الخياطه من الجماع والغرزه الي انفكت سابقاً مالتئمت وبتسبب الم  (( ضاق صدري وبكيت قالت خلاص تعالي الاسبوع القادم ونشوف ايش يصير)) 

2- الدكتورة الثانيه بمستوصف خاص بس صاحبة خبرة : قالت ان الغرزه الي نفكت تحتاج وقت تالتم وان الجماع لازم يكون بمزلق لتفادي انفكاك الخياطه و اعطتني تحاميل استخدمها مرا وحدا باليوم اسمها مايكوهيل400 لمدة 6 أيام + غسول بيتادين مرتين+ مرهم ميبو مرتين باليوم وقالت استمري على العلاج وتعالي بعد ست ايام واعلمك اذا تروحين لزوجك او لا !؟؟ 

سوالي لكم : 
في هالوضع شسوي واتبع كلام اي دكتوره فيهم !؟ 
 * واذا رجعت بيتي خلال هاليومين عشان بس نفسية زوجي وعشان اكون قريبه منه طبعاً بدون جماع عادي البس ضيق والبس كعب واتعطر او كذا باثر على الغرزه الي مالتمت !؟ 
* وكذلك طلعة الدرج والشغل بالبيت والحوسة لها تاثير علي او عادي اروح بيتي وامارس حياتي طبيعي والبس واكشخ واقابل الناس و امنع زوجي من الجماع !؟ 
* وهل لاسمح الله الخياطه الباقيه الي التمت ممكن تنفتح من الحركه والحوسه ومن ريحة العطور والبخور !؟ 

** ابي الاكيد يابناات وابي تجاربكم مع الخياطه 
والحل بنسبة لوضعي !؟ 
** احتاج اسرع طريقه تساعد بالتئام الجرح !؟  

ساعدوني والله تعبانه نفسيتي جداً و متاثره علاقتي بزوجي واهله وصاير بينا مثل الحاجز 
محتاجة نصايحكم ومحتاجة دعواتكم