ماهي نصائحكم و توجيهاتكم

السلام عليكم ورحمه الله و بركاته
اخواتي انا حاليا بالغربه و راح اكون فيها ثلاث سنوات ان شاء الله
تسكنت في منطقتين بالغربه و لقيت اخوات متعاونات متحابات فيهم دين و نزور بعض كل اسبوع
وبعدها نقلت بمنطقه ما عرفت فيها و لا احد و الي عرفته انهم ينقسمون نوعين من الناس بنات جاين للغربه عشان الدراسه ولا يبغون يتعرفون و لا على اي احد
وبنات مكونين شله و ما يبغون يدخلون احد بينهم لان حاولت اناديهم بيتي او اقابلهم بالكفي او بالحديقه يرفضون او يطلعون عندهم ظروف و بعد كم لقاء معاهم
الله يهديهم يحبون يشغلون الاغاني طول الوقت و في الاخير لقيتهم على المعسلات الله يهديهم و يصلحهم و من بعدها ما صارو ينادوني و لا حتى يسالون عني
الصدق انصدمت باخوات مسلمات على الحال الي شفته
خلاصه الموضوع اقدر اشغل نفسي ببيتي بزوجي بعيالي استفيد من وقتي بس الي قالقني اني ابغى اخوات حريم او بنات اسولف معاهم اتكلم معاهم يسمعوني و اسمعهم لو ساعه وحده بالاسبوع مالقيت ابدا
توي الي لقيت اخوات داخلين بالاسلام و لغه انجليزيه و ماني عارفه كيف اكون صداقه معاهم او كيف اوثق العلاقه معاهم ياليت احد يدلني وش الحل
هل اقطع نهائي الشله الي قلت لكم عليهم في بدايه موضوعي ولا كيف؟
ثانيا كيف اوثق العلاقه مع بنات مسلمات واجنبيات ؟
وجزاكم الله كل خير