بنات الحموله اللي ماعليهم زود كيف طريقتكم في الضيافه

الموضوع يطول شرحة ومتشعب

على حسب الضيوف رجال فقط
نساء فقط
رجال ونساء وأطفال........

بالنسبة لي دايم الرجال بضيافة زوجي

أصدقاءة ...الرجال مايهتمون للشكليات مثل الحريم

القهوة والتمر والحلى والموية جاهزات بالمجلس

ويكون مبخر والمكيف مشغل والانارة مضبوطة >>>>أخس يالدقةةةةةة

وبعدين الشاهي وتوابعة لكن لازم تعرفين معيار الشاهي

لهم حالي او مر.....يفضلونة ...

طبعآ أنواع ....عادي ...نعناع...وغيرة...

وبعد كذا العشاء تجهزينة ..........

وبعدين يقضبون الباااااااااااااب ومع السلامة

طبعآ بيقولون له بيض الله وجهك......والمفروض يقولون
بيض الله وجه اللي تعبت ........واشتغلت

مكرر

الواثقه من نفسها مشكوره على مرورك
جبرتي بخاطري الله يجبر بخاطرك
انا اقصد اذا كانوا الضيوف من الجنس الناعم :27: اللي يعلقوا على كل شي
اما الرجال:arb: يا زينهم مو متكلفين

هلا اختي

بالنسبه لنا اذا كانت حريم تفرق عن عشاء او جية عاديه من غير عشاء ..

اول شي لو مافي عشاء طبعا الجو مبخر ومكيف والنور كله مولع زي ماقالت الاخت الواثقه :) .. اجل وشو بنقطلهم على شموع سارت جلسه رومانسيه :) .. المهم اول شي عصير فرشويكون نوعين او ثلاثه انواع في كاسات الضيوف ومعها مناديل زي لون المجلس حقك :) .. ونلف بالعصير ويشربونه ونشيله بعدها ماشلناه كله 10دقايق وندور بالقهوة ومعها تمر على الطاولات ونوع حلى ياحلويات شرقيه ياحلى بيت ومعمول تدورين فيه .. والقهوة نوعين شعير وقهوة عاديه وقهوتنا العاديه بس بزعفران لانه فيه ناس ماتحبه بالقهوة وماتخلين فنجال الحرمه فاضي العين عليهم كل ماخلصت وحده صبي لها والحلى خليه يدور طول الوقت وخذي لك لفة بالمنديل :) ... واذا خلاص القهوة انتظري بعد ربع ساعه وتكونين مسويه الشاهي بالنعناع وبالحبق وشاهي اخضر ونعناع ساده .. صبيهم بالفناجيل كلهم وخلي كل وحده تختار الي تبي من الانواع الي انتي مسويتها والسكر من برى عشان فيه ناس تفضله زايد وناس ماتحبه مرره .. والسكر خلي عندك نوعين سكر الرجيم وسكر عادي .. وحطي بالطاولات مكسرات وجنبهم طفايات ولفي بالمعجنات .. واذا خلص وحده فناجلها خذيه وصبي يالمطبخ او انه تكون جنبك طاوله حاطه فيهم اباريق الشاهي ...


اما لو فيه عشا سوي الخطوات الاولى بس الشاهي بعد العشاء ومن غير معجنات ...

واتمنى اني وصلت لك طريقتنا :) ...

يا مصلهن الحريم وضيافتهن!!!!!!!!!!!!!!!!
تروحين للوحدة وتجين وهي إما قاعدة تدور كنها في مواجرة تسمن الحريم!!!!!!
والا تدفع بناتها او الصبابة :عطي فلانه قهوة ,صبي لام فلان نعناع:والله ان تاكلين والله ان تشربين.....................وإذا جوك الناعمات عاد في بيتك نفس الشي ما تقعدين معهم ولو قعدت شوي صرت مقصرة ولا تتهنين بهم من يطلعون وانت مشغلة عيالك تهميز رجول!!!!!!!!!!!!
وياليت على سنع ::::::::كله اسراف وتبذير ومظاهر ما انزل الله بها من سلطان ويمكن هذا من اسباب ان الناس صاروا يستثقلون الاجتماعات وسادت القطيعة بين المسلمين بعدا عن هذا التكلف .