السلام عليكم
حسبي الله نعم الوكيل
يابنات ابي مشورتكم لان اعصابي تعبت خلاص
كرهت نفسي الضعيفة المتخاذلة اللي بس ماتعرف الا التنازلات اللي ماوراها الا تلف الاعصاب وحرقة الدم
يااخواتي ماادري اشتكي لمين من البشر
اشكي همي لله سبحانه ومن بعده مالي الا انتم
مشكلتي البعض يمكن عارفها وهي مع زوجي الله يصلحه لي
ماأدري وش اسوي له عشان اكسب محبته واحترامه واهتمامه
هو عنده زوجة غيري
جاني في يوم يشتكيني منها وانه مو مرتاح منها ومايربطه فيها الا الاطفال
قلت له انصحها باللين وحاول لا تيأس ان تعدل فيها ترى الحريم مساكين
كلمتين تكسبها
وقام يتشكى من كسلها وعدم نظافتها في بيتها ونفسها وجاب لها شغالة عشان تقوم بكل شي
قام يتشكى من عدم اهتمامها فيه وبأكله ولبسه ونومته
قام يتشكى من اسرافها وعدم تدبيرها وبصوتها العالي وطبعها الخالي من الرومنسية
لين هنا مافي مشكلة عندي
المشكلة هي اني سبحان الله عكسها تماما
اقسم بالله وانا صايمة الحين اني ماأكذب عليكم يابنات
النشاط تعالي شوفيني في البيت تقولين نحلة ، بين تنظيف البيت والطبخ اصناف (اخذها من قسم الطبخ) وبين اهتمامي في مظهري ولبسي
وبين الاهتمام فيه استقبله بإبتسامة واودعه بدعوة حلوة
اقدم له كاس الموية وانا واقفة لين يشربها عشان ارجع الكاس للمطبخ وكل هذا محافظة على النظافة
والله يابنات احيانا يقومني من فوق اكلي عشان اجيب له اي شي واقووووم طيراااان بدون كلل ولا ملل
واذا جا تعبان اسويله المساج حتى وانا تعبانة مااقول لا بالعكس ابتسم واقول له تعبك راحة وفوقها بوسة بعد
اقدم له الاكل مثل المطاعم بشكل يفتح النفس والمناديل حق السفرة والملاحات والكاسات والملاعق الكبيرة في كل طبق
اقدم له الفوطة والروب حق الحمام واخذها منه
اغطيه اذا شفته متكشف اخاف عليه من البرد
اذا فز بالليل اقوم اسمي عليه واقرا وانفث وادعي له
اذا اعطاني مصروف او اشترى مقاضي للبيت اخذها منه بدعوة حلوة (الله يحفظك ويزيد رزقك)
اذا نمت معه ادعي له ربي مايحرمني منه ولا من دخلته البيت
اما عن التوفير فأنا اكبر موفرة
يحلف انه لما يشتري مقاضي بيته الثاني الفاتورة تضرب فوووووق
ولما انا تقضيت لبيتي وبيته الثاني ماوصلت كل مقاضينا 800 ريال
ادخل قسم الطبخ والاعمال المنزلية هنا واتعلم طرق التنظيف للموكيت وطرق المحافظة على الطعام المجمد واللحم وكل شي اقيسه قياس خوف من التبذير وعقاب الله
والله العظيم حتى قطعة الخبزة ارفعها مااكبها
احلف لكم بالله اني تقضيت لبيتي الشهر اللي راح ب 250 ريال فققققققققققط ومازال باقي في دولابي مقاضي للشهر اللي بعده
حتى هو انهبل يوم قلت له باقي اغراض قال مو معقووووول
بيتي الثاني خلصت كل الاغراض في عشر ايام قلت له تعال شوفها بعيونك
والاهم من هذا
اني استغفر له معي اذا جيت استغفر لنفسي وادعي له في الليل ربي يعافيه ويوسع رزقه
قسم بالله يابنات اني اعامله مرة زوج في مواضع واخ في مواضع وابن في مواضع ووالد في مواضع وحبيب في مواضع
يعني مخليته كوكتيل حياتي وكل اهلي وناسي
رافعه قدره فووووق راسي ودايم أمدحه ويستانس
بتقولون وين المشكلة اجل
المشكلة يابنات ان هالاعمال كلها تثمر معاه اسبوع ، عشرة ايام بالكثير
وبعدها يقلب علي قلبة بنت حرام
يعني يازيد ماكأنك غزيت
وحدة قريبة لي تقول ان اخوها يقول زوجك هذا قليل خاتمة من وجهه حس بكذا
زعلت انا وقلت لا ترى بزعل
يوم جلست افكر بهالكلام
استغربت
ليش قال كذا وهو اساسا مايعرفه ابدددددددددد بس شافه مرة في مجلس ومادار بينهم حوار
تسألوني كيف ينقلب علي
اعطيكم مثال
من يوم دخل رمضان وانا زايدة العيار حبتين في الاهتمام بنفسي وفيه وفي بيتي والطبخ وكل شي
ومرت الايام وحنا سمن على عسل والبارح جلسنا سوا نقرا القران ونصلي ونتادبر ونتذاكر والابتسامة على وجوهنا وفطر وطلع من عندي وهو مستانس وراضي عني وانا بعد
نزل وانا ادعي له واغبط نفسي على السعادة
مادريت الا ويتصل يقول منب جاي في قسمك (كان عند زوجته الثانية)
قلت له ليش قال مشغول وبغيب
متى ترجع ؟ قال مدري حسب الظروف
قلت له طيب مر شوي سلم علي نفسي اشوفه شوي وروح وقضي اشغالك براحتك
قام يكلمني بدون اهتمام ويرمي كلام وقفل الخط بوجهي يوم قلت له بتوحشني
بعدين دقيت عليه قلت له الخط قفل من عندي قال لا انا صكيت يالله بعدين نكمل
بعدين اتصل وقلت له زعلتك بشي ليش متغير عندك مشكلة فيه شي
قال لا مافي شي يالله بس تأخرت بروح ازور خواتي وبعدين بشوف وين اروح
قلت موب مشغول قال يالله يالله بس مع السلامة
قلت له تجي بكرة قال بشوف
هذي مو اول مرة يسوي كذا
بس انه هالمرة زاد شوي عن المرات اللي راحت
يعني كل فترة يقعد يسوي فيني حركة نذالة
احينا مايجيني في قسمي ولا يعدل لا في مسكن ولا مصروف ولا سفر ولا اتصال ولا طلبات سوق
ولا يوديني اذا ابي اروح لناس اذا كان يومها اما هي يوديها في يومي ويرجعها
واذا يبون اغراض البيت او اي شي راح ودالهم اما انا لو يطب علي حرامي واتصل عليه بيقول امسكي له عصا اضربيه يعني ماأحس قلبه علي ويخاف علي
مع اني والله اكلمه بكل ادب واحترام صوتي واطي وخاصة اذا ابي شي للبيت اطلبها بحيا وادب واذا ماجابها انطم واسكت ماألجه
اما زوجته الثانية بدون سلام ولا لين : جيب وجيب يالله اشوف الحين
وانا اسمع صوتها يلعلع بالجوال (صوتها عالي شوي)
وانا لحول مااتصل ابد اذا صار عندهم احتارما لمشاعرها وهي كل ساعة اتصال ومسجات
ومع كذا لا احاسبه وديت لهم رحت لهم جبت لهم اتصلت بهم
حتى جواله ماافتشه ولا اشوف اتصالاته وهي يقول انها تقرا رسايلي وتمسحها قبل يقراها (اذا ابي شي ضروري ارسلت عشان ماازعجها)
قلت يابنت خافي ربك واحتسبي الاجر عنده واكيد زوجك بيحفظ لك هالصفات الطيبة
خاصة اذا سبها قدامي انا اسكت واغير الكلام مابي اكسب اثمها او املا راسه عليها
وبالاخير شوووووووووووفوا وش جزززززززززززززززززززززائي
كل كم يوم يسحب علي سحبة ويتفرعن علي بالجوال والرسايل
ويحررررررق قلبي بعدم العدل في كل شي
ليش يسوي معاي كذا ؟
عشان مايربط بينا اطفال ؟
وش ذنبي انا ؟؟؟؟؟؟؟
انا ميتة نفسي بطفل عشان على الاقل يجي مجبو اذا مو عشاني عشان هالنونو
يارب وش اسوي تعباااااااااااااااااانة
البااارح جلست علىالسجادة ابكي بحرررررررررقة
هم يوديهم مكة ياخذون عمرة مع انهم العام اخذوا
وانا اكثر من خمس سنين مااخذت
اقول له العدل خذني مرة وهي مرة سفهني
مخبي علي سفرة العمرة مايدري ان قلبي يحس بدون ماينطق لسانه
قلبي يوجعني يابنات ليش يسوي معاي كذا
مايبيني خلاص يتركني لا يعذبني
اذا صار قدام وجهي يبتسم واذا طلع وراح لهم سحب على امن جابتني
يابنات ساعدوني وش اسوي عشان يهتم فيني ويضرب لي حساب
ابي يهتم ربع اهتمامي فيه
يحبني ربع على الاقل يخاف ربه فيني لان الحب بيد الله
يابنات انا تعذبت بحياتي كثير والحظ معي ردي طول سنوات عمري
والحين جا هو وزاد المر
حياتي مر مر مر
:icon33:
سامحوني ضيقت صدوركم لكن مالي بعد الله الا انتو اشتكي لهم همي
فلة تلعب سلة @fl_tlaab_sl
عضوة فعالة
يلزم عليك تسجيل الدخول أولًا لكتابة تعليق.
يااااحبيبتي الله يكتب اجرك ويوفقك يااارب ويسخر لك زوجك
انتي مو تقولين تحتسبين الاجر خلاااص لا يهمك وش ردة فعله
بس تبين نصيحه
خففي الاهتمام شوي ......ابعدي عنه شوي
خليه يحس انك عندك اهتمامات ثانيه .....تدلعي عليه يوم وقولي تعبانه وماطبخت جب اكل من برا
ترا اغلب رجالنا الله يهديهم كذا .....اللي تهتم يبعدون عنها ....او بمعني اصح يتدلعون ويتغلون عليها
وبالنسبه للعدل ....هذي بينه وبين ربه .....وربي بيعاقبه
اكثري من الدعاء والاستغفار ....وربي يوفقك
انتي مو تقولين تحتسبين الاجر خلاااص لا يهمك وش ردة فعله
بس تبين نصيحه
خففي الاهتمام شوي ......ابعدي عنه شوي
خليه يحس انك عندك اهتمامات ثانيه .....تدلعي عليه يوم وقولي تعبانه وماطبخت جب اكل من برا
ترا اغلب رجالنا الله يهديهم كذا .....اللي تهتم يبعدون عنها ....او بمعني اصح يتدلعون ويتغلون عليها
وبالنسبه للعدل ....هذي بينه وبين ربه .....وربي بيعاقبه
اكثري من الدعاء والاستغفار ....وربي يوفقك
الصفحة الأخيرة
هذي السطور كلها انا كتبتها ؟!!!!!!!!!!!!!!
تفاجات بطول الموضوع
سامحوني يابنات ادري صعب قرائتها
الشكوى لله لاحول ولا قوة لي الا به
به اصول وبه اجول وهو ملاذي وملجأي
يااارب
:(