اليوم جايبتلكم تطبيقي لسندويتشات بيبي كباب الطبق موجود في كتاب الأخت المبدعه ماشاء الله عليها أمل الجهيمي عملت الطبق وطلع رووووووووووووووووووووعه
وصورته لكم عزيزاتي ماأطول عليكم
بسم الله نبدأ
المقادير
مقادير الكباب/
صحن مفروم دجاج
بصلة مفرومه
كمون-ملح-ماجي أبيض-فلفل أسود
بيضه
قليل من البقسماط
الطريقه:
نعجن مقادير الكباب اللي سبق وذكرتها بعدين نشكلها أصابع صغيره ( نص أصبعك تقريبا ) !!!!!!!! هاهاهههههههههه ( ياعيني على الوصف)!! ونضعها في صينيه الفرن وتكون طبعا مدهونه
نخليها في الرف الأسفل من الفرن ونشغل الشوايه نتركها لحد ما تتحمر بعدين نقلبها الجهه الثانيه ونحمرها كمان
بتاخذ تقريبا ربع ساعه أو أقل طلعي الأصابع من الفرن وحطيها في حافظه الطعام حتى تحتفظ بحرارتها
ناخذ الخبر العادي ( المفرود) ونقطعه مستطيلات زي الصوره تمام ندهنها بشويه جبن سائل ( يمكن خلط الجبن مع شويه مايونيز)
بعدين نحط أصبع الكباب وقطعه خيار مخلل وشويه بقدونس مفروم مخلوط معه سماق
مثل كذا أوكيه( يمكن اضافه شريحه من البصل المخلوطه بالسماق وممكن قطعه بطاطس مقليه )
نلف السندويش على هيئه اسطوانه صغيره شوفي الصور
وهذي بعد
تلف كل سندويتشه صغيره في ورق الشاورما زي كذا
البقيه في الرد التالي
اذا اجتمعت عندك السندويتشات الصغيره حطيها في الحافظه مره ثانيه الى حين التقديم
قدميها في طبق بشكل مرتب وبالعافيه على قلوبكم
وهذي صوره الطبق النهائيه
ولاتنسونا من صالح دعائكم بالستر والرزق