انا فهمت زوجي من ايام الملكة ، انا ما اعتبرته زوجي اعتبرته صديقي , انا و زوجي نقول لبعض كل شي اسرارنا وحدة، امورنا نناقشها مع بعض ، حتى لدرجة اننا احيانا نلعب مع بعض العاب اطفال و بلي استيشن عائشين حياتنا ،، قريبين جدا من بعض ، اللي قربنا لبعض احترامنا لبعض ، ما ارفع صوتي عليه مهما اكون زعلانة لو عندي مشكلة اجي اقوله ، يرجع من وظيفته اعرف كل تفاصيل يومه ، انا ابدأ اساله فلان ايش سوى و ايش صار و هو يسألني ايش صار معاك ، نعطي مجال لبعض عشان نتكلم و نتقرب لبعض ، اي شي يضايقني اقوله ما اتردد ، اخذ رايه في كل شي ، و حتى ابين له بالكلام انه حبيبي ترى انا ما اسوي الا اللي يرضيك احسسه انه هو اهم شي في حياتي ، مستحيل نجلس في غرفة المجلس بعيدين عن بعض دائما جنبه ماسكة يده ماسك يدي اي شي المهم ما ابعد عنه مع الايام اكيد راح يحسني جزء مهم من حياته ، بالذات الرجال يتقرب من الحرمة لو لبت له و ريحت زوجها من الناحية الجنسية ،، صدقيني الرجال يبغى حرمته في كل مكان و في كل زمان ، يعني انا لما زوجي يسافر لازم اوصيه لو وصلت المطار كلمني لما تدخل الطيارة كلمني لما توصل للفندق اتصل علي ، خلاص اتبرمج على كده ، عارف اني راح اقلق فتحسيه من نفسه راح يتصل ، عوديه دائما تكوني جنبه ،حتى انتي نائمة احضنيه خلي راسك على صدره مع الايام راح يقولك حطي راسك ليش بعيدة عني اليوم ،، حتى انو في السيارة امسكي يده بوسيها ، قولي له كم كلمة حلوة و هو راح يبادرك نفس الشي و راح يحبك و يحتويك و يحسسك انك اهم شي في حياته ، لا تستنيى منه شي انتي بادري ،شوفي انا لي 7 سنين بدون اطفال و زوجي الى الان يقول ما ابغى اطفال احسك معوضتني عنهم انتي بنتي وولدي و امي و حياتي ، حتى بيت اهلي ما يخليني ابات يقولي روح النهار بطوله بس الليل خليك نائمة بجنبي ،، ما راح اقولك البسي و اتشيكي و اتمكيجي ،انا كل يوم جالسة على طبيعتي يعني مو الحرمة عشان تتقرب من زوجها و تحسسه بالحنان تقوم تلبس او تتشيك لا يا قلبي ،، الرجال يبغى كلمة حلوة يبغى حضن ، أنتي لماتشوفيه جالس قولي له حط راسك على رجولي و العبي في شعره و قولي له كم كلمة حلوة ، صدقيني الحواجز كلها اللي بينك راح تروح بمجرد ما يبدأ يتعود على حنانك ، ابعدي عن العناد و عن العصبية لو هذا الطبع فيك ، خلي دائمة هادئة و مبتسمة شوفي الامور بايجابية ، لو هو معصب او متضايق انتي احتويه وقتها و هو راح يبادرك لما انتي تكوني محتاجة له ، صعبة سنتين تعيشو فيها زي الاغراب بس محسوبين على بعض ازواج ، الزواج مودة و رحمة ، حاولي تمدحيه في تصرفاته معاك ، امدحي في لبسه ،امدحيه قدام اهله ، حسسيه بقيمته صدقيني بعد كل اللي راح تسويه راح تلاقيه هو كمان بادرك نفس الشي ، انا ما ادري بالضبط ايش الشي اللي تبغيه بس اللي فهمته كيف تتقربي من زوجك و تخليه يحبك و يقدرك و يعطيك حنان ،،

حاولي لا تتمشكلي معاه على كل شي ، ابعدي عن التوافه الامور ، اذا حاول يجر شكل احضنيه ساعتها و اضحكي و قولي له ترى احبك و عارفة تبغى تعصبني بس عناد ما راح اعصبك و اعطيه كم بوسة ، خليه يحس انك ما عاد تبغى المشاكل ، المشاكل تولد النفور و الكآبة بين الزوجين ، حاولي تخلي نفسك الزوجة الحنونة ، و الله يسخره لك

بتضلي تتمشكلي معه لغايه اما تكبرو شوي انتو الاتنين وتعقلو وماعاد توقفو لكل واحد عالكلمة والنظره والحركه ..
ولما تحسي انك وااااااثقه فيه .. وواثقه بنفسك اول شي ..
لان المشاكل ما بتجي غير من قلة الثقه بالنفس .. مثلا .. لو قلتي كلمه وهوه ما رد عليكي .. بتزعلي وبتقولي يمكن مو مقدرني ..
ولو لقيتيه عم بيتطلع عالبنات بالسوق .. لو ماعندك ثقه فيه وبنفسك بتقولي انا مو عاجبته وعم يدورله على شوفه .. وهيك .. مواقف كتيرررر ..
توثقي انك جيده بكل شي .. وهوه عجبه عجبه وان ماعجبه براحته .. المهم النقص مو منك ...
ولما توثقي فيه .. بتصيري توثقي بقراراته وتصرفاته .. واختياراته .. مو كل شغله تدققي فيها .. وتناقششيه وتجادليه عليها ..

هالامور كلها بدها شي عشر سنين زواج على ما اظن ...
بس عموما بعد اول سنتين تلاته من الزواج بتتحسن اموركم اكتر بكتير ..
انما معرووووووووووف ان اول سنه زواج هيه سنه المصايب من كل الانواع