خواتي الغاليات
صار لي كمن يوم يالسة اتصفح "قسم ركن سـيـدات الأعمــال "
ولقيت طلبات وايدة لطلب وظائف و استثمار اموال و البعض يطلب مساعدات لايجاد وظائف عن طريج بنات المنتدى..
انا الحمدلله ... موظفة اعمل كمهندسة معلومات و تقنيات الكمبيوتر الصبح و المساء اتابع اعمال الديكور في شركة الوالد اللي هي الحين لي و لاخوي...
الى جانب انه لي بعض المضاربات و الصفقات الناجحة في اعمال الاسهم, انا اخبركم عشان تاخذون فكرة عني و عن خلفيتي ...
لانني باعرض عليكم صفقة انا اشوفها ممكن تكون مربحة لي لو انعرضت علية..
انا باحتاج كل بنت عندها القدرة انه تثق فيه تستثمر مبلغ لا يزيد عن 500 درهم او مايعادلها..بالعملة الاماراتية
انا بجمع المبالغ من كل وحدة ترسل لي المبلغ و بادخل فيهم سوق الاسهم وباشتري فيهم اسهم انا ادري انها بترتفع في خلال ايام او نفس الاسبوع .. مع مراعاة انه الاسهم لازم تكون من شركات ما تتعامل بالاموال الربوية ...او اسهم بنوك ربوية ..الله يبعدنا عن الحرام و الربا
واللي بترسل لي فلوسها انا بارسل لها اسمي و رقم تيليفوني و صورة من جوازي عشان تكون مطمنة على فلوسها ... الارباح بتنقسم بالتساوي بين المستثمرات لتساوي المبلغ ... وبيكون هذا بنهاية شهر سبتمبر او بداية اكتوبر ... لانه هذا هو وقت جني الارباح و ارتفاع الاسهم ..انا الحمدلله مب محتاجة اي عمولة و هذا بسويه بعيد عن استثماراتي الشخصية عشان الربح كله يكون للي بتحط فلوسها ...
هذا اللي اقدر اقوله لكم ..اتمنى انني اقدر اساعد اكبر قدر ممكن من الخوات و اللي عندها اي استفسار تراسلني و انا مستعدة اعطيها رقم موبايلي عشان اكلمها و اشرحلها...
بالتوفيق للجميع
uaeyah @uaeyah
عضوة فعالة
يلزم عليك تسجيل الدخول أولًا لكتابة تعليق.
راس المعزّة
•
بصرااااحه فكره حلوه وخصوصا انه الكل طايح في الأسهم وبعدين انج ما تاخذين عموله هذا بيشجّع البنات يتعاملون معاج وخصوصا مع الضمانات اللي ذكرتيها... الله يرزقج على قد نيتج ويفتح لج أبواب رزقه ويرزقج الزوج الصالح والذريه الصالحه . . . . . . . :)
هلاااا الغالية ......... اول شي احب اهنيج على هالمبادرة الطيبة ..........وان شالله المشرووووع ناجح % .... خصوصاً انج بتساعدين العضواااااااات اللي مالهم خبرة في مجال الاسهم .......
انا وحدة من البنات اللي لين الحين مالقووووووووو شغل مناسب.....بس الحمدلله قدرت ادش عالم الأسهم... وهوووو عالم مربح جداً جداً خصوصاً إذا عندج الخبرة المطلوبة ....
أتمنى من البنات انهم يجربوووووووون ويستثمروووووون معاج ....خصوصاً ان 500 درهم مبلغ بسيط جداً...
بالتوفيييييييييييييق يارب....
انا وحدة من البنات اللي لين الحين مالقووووووووو شغل مناسب.....بس الحمدلله قدرت ادش عالم الأسهم... وهوووو عالم مربح جداً جداً خصوصاً إذا عندج الخبرة المطلوبة ....
أتمنى من البنات انهم يجربوووووووون ويستثمروووووون معاج ....خصوصاً ان 500 درهم مبلغ بسيط جداً...
بالتوفيييييييييييييق يارب....
uaeyah
•
راس المعزة ... دعائج لي اكبر مربح ... الله يرزقج من حلاله و يبعدج عن حرام الدنيا ... و يجعله اللي بسويه في ميزان حسناتي و حسنات كل من يدعي لي
*لونا*
•
اختي اولاً جزاج الله الف خير لهذه البادرة الطيبة و في ميزان حسناتج يارب
ممكن تفاصيل و اهم شيء لتاريخ كم في وقت؟؟
ممكن تفاصيل و اهم شيء لتاريخ كم في وقت؟؟
الصفحة الأخيرة