انا اللي قلت لكم زوجي هاوش بنتي عشان حلاوه مصاص ... شوفوا التطورات وساعدوني

السلام عليكم
كيفكم يا بنات
انا قبل فتره نزلت مشكلتي مع زوجي بخصوص تشدده معي ومع بناته بالتحديد وزعلت وكلمت اخوي ورحت عند اهلي قعدت اسبوعين
ورجعت مع بداية شهر رمضان او قبل بكم يوم بس
طبعاً قبل ما ارجع ابوي وامي كلموه بموضوعنا وانه لازم يخف من التشدد وكل شي باللين والكلمه الطيبه ومن هالكلام وفي اخر الحديث قال انا مستعد اتنازل واخفف من كل شي
بس لما رجعنا ابد ابد ماتغير ولا شي ولا حتى واحد بالميه حسيت انه زعلي وقعدتي مامنها فايده ولا حتى كلام اهلي له طبعا اهلي كلموه بهدوء وباسلوب راقي جداً بس هو دايما يقول مني الغلط انا صحيح صرت عصبيه جداً لكن والله ماكنت كذا كنت هادئه جداً ماحد يسمع صوتي بس من الضغوط اللي عشتها معه صرت عصبيه وغصباً عني
بالعاده لما تصير مشكله واهلي يكلموه يتغير يوم يومين وبعدين يرجع لوضعه هالمره ابد ولا شي
والبارح طلعنا وصارت مواقف كثييره وانتقادات وزعل ع بنتي اللي عمرها 10 ليش لبسها كذا وجواريبها كذا مع انها متحجبه بس مايعحبه شي وطول الطريق يسرع بالسياره وصرخ علي بكل صوته قالي سكتي ما يبيني اتكلم او ابرر اقوله لبسها ساتر ومافيه شي وانت قلت ما بتدخل لان ابوي قاله البنت لبسها وتعليمها ع امها خلاص
وصارت مواقف كثيره طول الوقت وهو ينتقد بنتي في المستشفى والسوق عدلي الكم حقك وحجابك وانتبهي و و والله تضايقت حررررام بنت صغيره يعاملها ويحكرها كذا
واول مادخلنا قال يلا ع البيت خلاص كل مره يصير شي ما يعجبه يقول يلا البيت ومافي طلعه ونرجع وانا انقهر بالموت يطلعني ولما اطلع يهاوشني ويذلني يقولي برجعك خلاص
قلت مو راجعه برجع بتكسي ارجع لحالك طبعا ماعمري سويتها بس قلت له كذا قالي ترحعي بتكسي روحي لبيت اهلك ع طول قلت له ارجع بيت اهلي
وكل شي اخذته رجعته انسدت نفسي وكم غرض اللي شريتهم احس ابد مو ذوقي ومو عاجبيني بعد
ولما رجعنا مبوز ويصرخ ع بناتي الى ما نام ولما رجع من الدوام يكلمني ويضحك وابد ما كانه شي صاير بس مارديت عليه دايما لما يصير شي يرجع يضحك ويكلمني وينسى اللي صار يعني كاني انا جماد ماحس ويقولي خلاص انسي ونفتح صفحه جديدة ماله داعي تكبري الامور
بس انا متضايقه من هالوضع احس مافيه حل هذا انا زعلت وقعدت عند اهلي واهلي كلموه ومافي فايده وش اسوي
ومابي كل يومين اشتكي لاهلي اهلي مو ناقصيني امي وابوي تعبانين مابي ازيدهم كل يوم بمشاكلي واخاف اعلم اهله وتكبر المشكله بعد ... والمشكله ابوه تعبان ومريض مايقدر ابوي يكلمه ويشكيه لان يخاف من امه وابوه ...
وانا ماعندي وظيفه ومدخول عشان اخذ بناتي واعيش عيشه كريمة ومابي اكون عاله على اهلي الحين صار من تزوجت 11 سنه وابوي للحين يعطيني مايقصر ويسدد جوالي الله يخليه لي
والله شايله هم هالبنات واللي في بطني مدري كيف بعيش وبكمل معه او بدونه ؟
هو طيب ومايقصر بس عيبه التدخل والتشدد الزايد ساعات احس فيه انفصام بالشخصيه ..
ساعدوني يا بنات كيف اتصرف معه وش الحل ؟