الانتقاد الدائم .

السلام عليكم ورحمه الله وبركاته والله يتقبل منكم صالح الاعمال.
اللي اتكلم عنها هي اختي اللي اصغر مني بسنه اختي تحب تسيطر ع الكل بما فيهم صحباتها.
انا مشغوله بتطوير نفسي شعر ومكياج ولغه انجليزيه والخ.
من لما كنا صغار كنا نوح الزواجات والمناسبات ببنطلون وبلوزه وشعرنا نسويه ظفاير .
دخلت الجامعه وشفت العجب العجاب اول يوم رحت بشكل يحزن كل البنات كانوا يطالعون بي نظراتهم هذي كفيله تغيرني 180 درجه .
اختي كانت ثالث ثانوي بديت ادخل اليوتيوب واشوف المكياج والشعر رحت محلات المكياج واشتريت ورحت اشتريت استشوار تعلمت واتقنت ما يقارب 40 بالميه بأول سنه
رحت ثاني جامعه واختي دخلت الكليه اللي صار راحت بنفس منظري اللي رحت فيه رغم اني جاولت معاها لكن كانت تاخذها بسوء نيه وسحبت يدي .
كل سنه اتطور اكثر من السنه اللي قبلها واختي هذ ماحركت ساكن مدري عاجبها الوضع المهم زي ما قلت اني ساحبه يدي منها
اخواتي الاكبر مني دايم يثنون علي ويمدحوني حتى يسألوني واعلمهم .
اختي الصغيره هذي دايم تتمسخر علي دايم تسب باللي اسويه اذا سويت تان تقول محروقه وتضحك ضحك هستيري
تسب فيني عند اخواني عند اخواتي بس انا كنت اقرأ ان التجاهل يسكتها لكن تدرون ايش اللي يقهر
اني ما عدت انا كلامها اثر فيني صرت معدومه الثقه وذا دخلت على ضيوف او جو لأمي حريم ادخل ووجهي يحمر واحسهم كلهم يطالعوني واكلج وحالتي حاله عكس زمان اقهويهم واجلس اسولف معاهم واضحك.
حتى بالعيد والله اني بس ساكته وابتسم .
المهم قبل رمضان نقلنا من بيتنا واحنا ننظف لقيت دفتر مذكرات وتلقفت وفتحته والله اني لقيتها كاتبه ( احارش نور وافتح معاها موضوع المكياج واضحك عليه ) وربي انصصصدمت.
الشي الثاني كاتبه ( اتعلم مكياج وتسريحات شعر وخلطات ) طيب للليش تسب ؟؟؟ عشان اتركه وتسويه هي؟؟؟
وكاتبه ( ابدأ اغير لريم واخليها طوول الوقت معاي) وانا من كنت صغيره واخواتي معاي شايله عن امي الكثير بما فيهم ريم اغير لها وتنام بسريري.
عجزت افهم ليش تبغى تضحك علي وبنفس الوقت تتعلم ؟
كيف ارجع ثقتي بنفسي كيف ما اخلي كلامها يأثر فيني كييف ارجع اجتماعيه مثل قبل.
يارب وربي اني بهم ما يعلمه الا الله .