همس المشاعر والغلا @hms_almshaaar_oalghla

عضوة جديدة

أنتم ملجئي بعد الله

صباح الورد يا أخواتي

أنا بصراحه أبي أطرح معاناتي بين طيات هذا المنتدى الرائع
ولعلكم تواسوني لو بكلمات بسيطه لأني مالقيت أحد أشكي له بكل جرأه غيركم اللي حوليه ماهم حاسين فيني على بالهم الدنيا تنسيني والدنيا وربي مغربلتني.
من كان عمري 16 سنه تقدم لخطبتي شاب وصار نصيب وواففت وصارت الملكه، أكذب لو قلت إنه صار كل شي أتنفسه بحياتي أكذب لو قلت إنه الشيء اللي أشوف الدنيا بيه الصدق إنه كل حياتي .حبيته من كل قلبي صار روحي وحياتي وكلي
آآآآه يابنات فجأه قالوا لي مات تخيلوا من صدمتي قعدت أبكي بدون صوت أحس بقلبي نار تكويه أبي أصيح بأرض مافيها بشر تمنيت أني مت قبله
ولا سمعتهم يقولون حبيبك مات يارب يارحيم أغفر له ذنبه وأعف عنه ولا تحرمني لقياه بالجنه.
بعدها توكلت على ربي وصرت أكتم حزني علشان اقربائي صاروا يتكلمون
فيني لأن مجتمعي عندهم مبادئ يقولون ليش تبكي علشان خطيبها وهو حتى ما صار زوجها وكثر كلامهم علي لأني كنت أرد الخطاب ما تخيلت أحد غير حبيبي يعاملني وأعامله مثل ماكنت مع أغلى البشر لكن فتره وتقدم لي شاب بعد ما تعبت من كلامهم اللي يجرح زياده على جروحي وافقت عليه
تخيلوا بعد وفاة حبيبي الله يرحمه صرت إنسانه ثانيه . كانت الحاره كلها تتكلم عني وش هالبنت اللي كل يوم جايها خاطب وأحنا نصف بنات الديره ماحد فكر فيهن أنا مو بأمدح نفسي لكن كلامهم كله مدح وياليتهم تركوني في حالي بعدها عين حاسده حزن متواصل وآلام القولون والكلى والصداع والنفسيه تعبانه هموم وأحزان وحالتي الصحيه مرره سيئه ولكن أحمد الله على كل حال...
ولمن أتعب أصير أكرراسم خطيبي الأول لكن أحمد الله أن عوضني بإنسان يتحمل تعبي والله مافيه أحد بهالزمن باقي وافي ولا يتذمر لكن أحس أني ما أعطيته قد مايستحق مني من حب أحس أني أخونه بحبي لحبيبي وحتى هو صار متيقن أني مانسيت خطيبي الأول ولا عمري بأحب أحد غيره حتى لو تصنعت وجاملته بعبارات حب لكن واضحه إنها مو من قلبي
بنات أبي كل وحده تمر على معاناتي
تنصحني وكيف أحاول أصحح من شعوري تجاه زوجي وأتناسى حبيبي على الأقل علشان أسعد زوجي اللي أحسه يبي يدفع الكثير ويسعدني تكفون أبي منكم بس طريقه أو دعوه

محبتكم / هــمـــس

747

يلزم عليك تسجيل الدخول أولًا لكتابة تعليق.

تسجيل دخول

كلي هدوءءء • 13 سنة

الله يفرج همك في الدنيا والاخره اللهم آآآآآآآآآآآآمين

الورده المبتسمه • 13 سنة

اسال الله الكريم الحنان المنان بديع السموات والارض الحي القيوم أن يسخرك لزوجك ويسخره لك
اختي اكثري من هذاااا الدعاء في اخر الليل وبعد كل صلاة

ام جوجو الغامدي • 13 سنة

ربنا يكون في عونك
سبحانك ربي ما اعظمك وبحالي ما اعلمك

مرجانة البحور • 13 سنة

الله يفرج همك اختى

ام يسوري~~ • 13 سنة

الله يعينك ويكوووون في عونك . بسراحه ماتنلآميـن ..
بس انتي حاولي تدعين لـه واعرفي انه ررراح لرب كريـم ارحم من الام لولدهـآإ . وربي خلق 100 رحمـه اعطآ البشر رحمـه وحدهـ وعندهـ 99 رحمـه .. تخيلي كيف ربي رحيييييم .،..
اذا رحمه وحدهـ وزعها عالبشريه وشووفي كيف ننهار ونبكي والحزن يآكل قلوبنـآ يوم نفقد غالي . فمـآ بالك بربي الكريييم اللي عندهـ 99 رحمه ..
انتي وكلي امرك لله . وحاولي تتصدقين بنـية خطيبك الاول . وبنية ربي يصلح الحال بينكم .. ،
وترا الدنيا زايلـه حاولي تكسبي زوجك هو جنتك ونـآرك ..
ولاتفكري في قلبك لان شكلك عاطفييييه وتمشي مع قلبك اكثر من عقلك .. الله يفرج همك اختي ويرزقك من سابع ابووووابه انه مجيب سميع الدعاء ..
استغفر الله واتوب اليه .. سبحآنك ربي مااعظمك وبحآلي مااعلمك .. سبحانك ربي ما اعظمك وبحالي ما اعلمك