الله يعينكم بس ماقلتي انتي من ووين علشان نفيدك اكثرر ؟؟

احنا بالغربيه والمشكله فيه اشياااء حلوة بجدة والمدينه بس مدري شايلين هم الشحن والنقل لهالاشياء وخوفي ماتجي بوقتها وحوسه كثيره فقلت ادور من الرياض نفسها احسن واضمن

روحي شارع الثلاثين كله محلات شكولاته احلى من سنابل السلام ترى المحل اللي جبتوا منه عااادي مو ذاك الزود

وبالنسبه ع الطاولات مافي احد يحط ع الطاولات بطلوها الناس ..

والله يوفق اخوك ويتمم له ع خير ..

طيب كم كيلو اخذ سواء من الشوكلت او الفطائر والحلى

معازيمنا كثير اممممم مابين 350 - 400 ويمكن اكثرر

فمن خبرتكم كم احط ميزانية للضيافه ؟؟؟

ما ادري قد ايش الكميات اللي تكفي اخاف يصير قليل ويفشل ووش الاشياء اللي المفروض تكون موجوده

ووش الحركات الجديده طيب

نبهوني الله يخليكم باللي تعرفونه متى وقت التقديم ووش الاشياء المميزه اللي تتقدم

ومثل ماقلت لكم انا برا الرياض وماعندي فرصه اجي واختار بنجي قبل الزواج يمكن باسبوع يعني لازم اكون حاجزة من قبل

الله يخليكم حددوا لي مكان كل شي يعني مثلا الشوكلا من وين بالضبط والفطائر من وين وووكذا لاتحيروني تكفون

اولا مبروك زواج اخوك الله يوفقه يارب
ثانيا هونيها تهون عزيزتى احسك شاده على اعصابك ونفسك..
شوفي الان في الرياض يجيبون ضيافه خارجيه هم يتكفلون بزواج كله تكون المشرفه معهم توجهم وتراقبهم ويكونون فلبينيات لبس مرت راقي
وهى الى تقولهم متى التوزيع من صوانى وعصيرات
وتقديماتكم يعنى اهل العروس والعريس يكونون ضيووووووووف وينبسطون في فرحهم معاد يشيلون هم ..
انتى بس عليك الان احجزيهم .واحجزي صوانى التقديم من معجنات وحلويات وشوكولا وعصيرات وكاب كيك وتوكلي على ربك وكل شي سهاله ان شاء الله
وانصحك ماتصلحين عند محلات دورى حرمه تضبط شغلك اكشخ واطعم
والله يوفق