انا من الرياض .. اشوف هالزفات عندنا !!

بزواج اخوي والله اشتغلنا ع القاعه اخذنا منسقه حفلات وطلبنا فليبينيات للتوزيع وكلهم نفس اللبس والتوزيعات راقيييه وشيك وبكذا طلع الزواج واو ..

نصيحه ابعدي عن هالزفات ... ًوانتي بكيفك..

سويناها بزواج لنا من قريب

اول ماييكتملون المعازيم نشغل اغنية صبو القهوه بس ياليت الكل يحرص انه يبتعد عن الموسيقى

ويطلعون الصبابات معاهم دلال قهوه والحلى والتوزيعات القهوه
طبعا بكل طاول يكون فيه ترامس قهوه وشاهي بس هذي زياده لان الصبابات بس مره يصبون
ولو حبيتي تطلبين زياده وهم يصبون ويوزعون يكون فيه عرضه السعوديه

ايه فيه عندنا،سووها بس،انا معجبتني

زفة القهوه
على اغنية صبو القهوه وزيدوها هيل وياريت تكون بدون موسيقى افضلكم
المهم الطريقه يالغاليه
ممكن بنات من عيلتكم يلبسون لبس خليجي او بفساتينهم عادي وعددهم مثلا ٣ او٢ وكل وحده معاها دلة وفلاجين علا عدد الس جالسين ع الكوشه طبعا مارح تصب للكل الحضور بس للي ع الكوشه وخلاص
المهم البنات هذولا يكونو اول شي الي معهم القهوه وراهم مباشريات او من بناتكم ماسكين صحون كبار فيها حلا القهوه
تمر شوكلاته مثلا ثلاث صحون كبار يوقفون ورا بعض وراهم يوقفون بنات ٢ او وحدده معاهم سلات ورد
اول ما الدقاقه تشغل الاغنيه يدخلون ورا بعض القاعه ويطلعون ع الممر الي ماسكين صحون الحلا يرقصون فيها وهم يمشون يرفعون يدهم فوق والي وراهم ينثرون الورد ع الضيوف والي قدام معهم الدلات برضو يرقصون علا خفيف وهم يمشون ولمن يوصلون للكوشه ممكن انتم تسون عليهم دايره وترقصون وكذا وبعدين الي معهم الدلات يصبون للي ع الكوشه والي معهم الحلا يوزعون ع الكوشه وبعدين ينزلون يوزعون ع المعازيم
وخلاص
اما زفة العصير
المباشريات مثلا ٦
٢ وارهم ٢ وراهم ٢ كل وحده ماسكه صينيه فيها كاسات عصير فروله منجه مشكله
المهم الطريقه يدخلون علا اي اغنيه تغنيها الدقاقه ويمشون ع الممر مع بعض و لمن يوصلون الكوشه الثلاث الي ورا بعض ع اليمين ينزلون من اليمين والثلاث الي ع اليسار من اليسار ويقدمون العصير للمعازيم
......
وفي زفة اتوقع تعرفونها مافي زواج مايخلا منها
الزفه هي الدقاقه تغني ويلو ياام العروسه ويلو ياام العريس ويدخلون اهل العريس والعروسه
في المقدمه ام العريس وام العروسه وراها خوات العريس والعروسه معاهم البيشي ماسكينه يرقصون فيه وهم يمشون وبعضهم معاهم ورد يرشون علا ام العريس والعروس وبعضهم معاهم مباخر وكذا يدخلون كلهم مع بعض ويطلعون ع الممر ويمشون لين الكوشه ولمن يوصلون الكوشه رقص وصفقه لين تخلص الاغنيه
.........
وفي زفة هدايا مره حلووووه
مثلا ٣ اسبته كبار كل سبت فيه ٢٥ هديه علب صغار تكون جوتها حلاوه او تحفه عليها اسامي العروسين الخيارات كثير المهم يدخلون نفس الطريقه وهم ماسكينها يرقصون فيها مثلا انتم اخوات العريس تمسكونها طبعا مو المباشريات ووراكم القرايب يصفقون تدخلون علا اغنية هلا بضيوفنا واهلين احمد الهاجري تجنننن
تدخلون عليها وتمشون ع الممر لين الكوشه وترقصون وبعدين توزعون الهدايا
..........
بس هاذا الي عندي الله يوفقه ويجعل ليلته من احلا اليالي ومبرووووووووك وعقبال ما افرح ب اخويي يااااااااااارب

انا كمان زواج اخوي ابي اجهز له بس اتوقع القاعه هي اللي تسوي كل شي عندنا بجده سوا العصيرات والتوزيعات نجيبها والعاملات يوزعون وطاوله استقبال تحطيها ونوعي فيها اللي تبين بس انا بااصلح هالطريقه احسن احط فوق طاولات الاستقبال المباشره كلها اللي راح اوزعها واحط حولها ورد واحط صوره اخوي فيها ع هيئه درع والباقي لسى مافكرت فيه