علموني وين تخشونهم؟؟؟؟

بنات أأأأ .... قصدي متزوجات و الا وش دخل البنات:42:

معليش صبايا الموضوووع خااص جدا ... الرجاء انك تطلعين بالذوق قبل ما تطلعين كذا :11retcher
.
.
.
.

المهم ... صار لي فترة طويلة و انا اقرا مواضيع ما بعد الولادة ... و ويش تدهرين بعمرك بالمنطقة اللي بالي بالك علشان ترجع فلة زي قبل و يستانس ابو غترة و الا ابو شماغ و الا حتى ببنطلون :icon28:

و صار نفسي اجاازف هع

قلت لأبو الشباب يوديني العطار و من فضلك لا تدخل ... لا تتندم ترى قسم بالله اغسل وجهك قدام الرجال بمرق ما يروح ( ليش ان العطار الوحيد عندنا من نفس ديرتنا و يعرف زوجي تمااام المعرفة ) قال لي ليش قلت له سوالف حريم و أعطيته بنته و طلعت من السيارة

عاد لما طلعت من السيارة حسيت ان طابوقتن طاحت على راسي و صابني فقدان ذاكرة
جيت باتذكر وشهولة جاية هالمكان و ويش ابغى منه لقيت فمي خفيف اثاري لساني مو بمكانه
رجعت السيارة و قلت لزوجي .. شفت لسان طايح منا و الا منا؟؟؟ و قمنا ندور و الحمد لله لقيته الردي منخش تحت السيت و صاير احمرررر و يقولي تكفين ماقدر اقول الكلام اللي تبي تقولينه ... جريته و ربطته من لغاليغه لا ينحاش مرة ثانية ... :angry2:

استجمعت قواااي و دخلت المحل ... و الاقيه ملياان قمت وقفت من جنب زي الهبلة و سويت نفسي احوس بالاغراض و اخذت لي صابونة كركم و باباية و انتبهت الا المحل فاضي و جريت رجليني و مشيت للرجال

قلت يبا ابي اشياء تستخدمها المرة بعد الولادة :unsure:

قال لي احسن شئ يا بنتي... (جان اشق حلقي من الوناسة عبالي بيقول شي جديد غير اللي قريته بالمنتدى)
.... احسن شئ .. الحلبة تقوي و تدر الحليب ...
وجهي صار كذا:eek:

قلت له يبا مو قصدي هالشي ... أجل ويش قصدك؟؟؟؟ وقفت ماني عارفة شاقول
:icon32:

عاد من التتنيح الرجال فهم قصدي و قال لي بجيب لك - شبة -؟؟؟؟

اخترعت و قلت له لا الشبة تخرب...
قال لي الشبة تسوي تحت كذا و سكر ايدة بقوة و انا خلالالالاص بغى يغمى عليه من الفشلة

قلت له خلاص ابي قرض و قشر رمان و مرة .... عطاني اياهم و حاسبت و ركض عالباب


هذي قصتي ... الله يغربلنا كل شئ يخصنا يفشل من الأولويز للغسول ..:angry2:

المهم خلطت ملعقتين رمان و ملعقتين مرة و ملعقتين قرض مع ملعقة عسل و ملعقة ملح فارسي و سويت منهم تحاميل و لفيتهم بشاش

بعد ما خلصت احترت وين احفظهم ؟؟؟ بالثلاجة و الا الفريزر و الا بالغرفة عاادي؟؟؟؟
علموني لا يروح التعب تكفون يا مجربات لا تطنشوني بليييز:a_smil08: