كيف تشترون من موقع علي بابا

اختي الغاليه
بالنسبه لموقع علي بابا ما تقدري تشتري مباشرة منه
لازم اول شي تحددي اسم المنتج اللي تبغيه من الشركه وبعد كذا تراسليهم من خلال هالزر

ولازم قبل تسوي تسجيل بالموقع عشان تقدري تراسليهم

وعادة هم اغلبهم مصانع يعني يبيعوا بالكميات الكبيره مو الصغيره وقلة منهم اللي يرضون يبيعون بكميات صغيره

يعني لازم تراسليهم وتطلبي عرض سعرهم وهل يقبلوا كميه صغيره ولا لا
وتعرفي كم شحنهم للدوله اللي انت فيها ومناقشات كثيره

وكله لازم يتم باللغه الانجليزيه

ولازم تكوني حذره لانه بعض الشركات والاسماء المدونه مجانيه فممكن يكون في بعضهم شركات وهمية وينصبوا عليك

يعني بصراحه اذا ما عندك خبره او ما تقدري تجيبي كميات كبيره لانه بالعادة اقل من 100 حبه او 50 حبه من المنتج ما يرسلون وبعضهم بالالاف يطلبون يعني مثلا 3000 حبه او 1000 حبه من المنتج لانهم مصانع مو شركات تبيع بالمفرق

واذا ما عندك خبره بالمراسلات باللغة الانجليزيه فبيكون عليك صعب جدا هالموضوع

انا اطلعت على الموقع وخفت لان التعامل يكون بس ويا البايع الموقع ما لهم خص اذا نصب عليكى مع ان فيه اشياء حلوه عندهم

نتظر تجارب البقية

وتسلمين الغالية مليكة القلم

انا تعاملت مع شركه معهم نسيت اسمها السنه اللي فاتت والحمد لله الموضوع كان تمام ووصلتني البضاعه بس صعب تحصلين على احد يرضى بكميات صغيره كلهم يريدون كميات كبيره

وحاليا لي تعامل مع مصنع اخر ببضاعه جديده بس يبغالي حوالي شهر عشان اتاكد من انهم اوكيه لانه ارسلت لهم الاموال وانتظر وصول البضاعه

احب انوه انه هاليومين الى تاريخ 2/3/2007م الصينيين في عطلة عندهم الظاهر عطلة الربيع الحين لانه السنه الصينيه تختلف عندهم فالحين هم عطلتهم :)

بنوتةالخليج ممكن رابط الموقع لاني من زمان ادور علية ولاحصلتة

اختي الغاليه ريم
هذا رابط الموقع لعلي بابا
www.alibaba.com