والله شوفي انا اذكر اني وصلت الموضوع للطلاق وتطلقت منه وماكنت حاطه في بالي ارجع له لو 1 بالميه بس بعدها بفتره طويله قدر الله ورجعت وفعلا اشوفه تغير وصار معاي افضل والحمدلله لكن م اخفيك ان لشك دايم موجود واني دايم بداخلي اقول ممكن يعيدها بس ع الاقل عندي مناعه يعني ماراح انكسر زي اول مره لاني كشفت خيانته وانا حامل بالتاسع وطردني من البيت مافي اقوى من الي صار لي ومع ذلك شوفيني عديت وما اقولك نسيت لكن احس مع الوقت تتناسي ويطيب جرحك والحمدلله ع كل حال ولا تسمعي كلام الي يقولك الي انكسر مايتصلح انتي وكلي امرك لله ولا تفكري تتجسسي عليه ابداً والمكتوب بيصير
والله مايكتب علينا شي الا واحنا قده ونتحمله تركلي ع الله وعطيه فرص عشان عيالك وعشان حياتك لاتفكري بالاننقام صدقيني حقك بتاخذينه بالدنيا وبتشوفين بعينك

ادعي لنفسك دايما
ان الله يمسح على قلبك ويريح بالك وخلي عندك حسن ظن بالله ان زوجك ماراح يرجع للخيانه ودايم ظني ان حياتك تغيرت للاحسن وزوجك بيحبك وماراح يشوف غيرك


هذا حسن الظن بالله وراح يتحقق لك بحياتك بقدره الله عز وجل
لاتفكرين ولا تظنين ظن السوء ولا تتوقعين الاسوء


فكري بايجابيه شوفي كيف حياتك تتغير ونفسيتك تتغير للاحسن
فيك بكاء ابكي وفرغي طاقتك وحزنك بقراءه القران والصلاه والدعاء راحه عجيبه

مشكروين احبتي عالردود
هو فعلا انا متاكده انه ترك كل شي وتاب بس المشكله صارت فيني انا ماعدت اتقبله حاولت امثل اني سامحته وان الحياه رجعت بينا وهو يفرح يصدق اني نسيت وفجاءه اقلب عليه واقوله ابعد عني خلاص كل شي انتهى
هو يقول مادري وش بعد اسوي عشان ترضين
امس اتفقت معه اتفاق قلتله بجلس مع عيالي وبس ماعاد لي اي علاقه فيك ولا اي واجبات زوجيه قال طيب بصبر بس لحد متى قلتله مانت مجبور تصبر اذا تبي تتزوج بكيفك انا ما قدرت اتجاوز صدمتي فيك
حتى دمعتي صارت قريبه اي احد يجيب اسمه احس دموعي تبي تنزل
اخاف امرض لو استمر على هالوضع

اختي تواسيني تقول انها اكتشفت خيانة زوجها من ثاني شهر زواج واجهته واعتذر وانتهى كل شي بس صارت مفتحه عينها عليه ومراقبته مضبوط ومشت حياتهم مشالله لانها كشفته بدري قبل لاتصير فيه بينهم عشره وحب
لكن انا غير لاني ماكشفته الامتاخر بعد سنين طويله بنيت وقتها كل احلامي ومستقبلي معه وفجاءه كل شي ينهار واطلع ولاشي في عينه وهو كان كل شي